Metro Time Table for Pongal; பொங்கல் விடுமுறை நாட்களில் மெட்ரோ ரயில் சேவையில் மாற்றம்... வெளியான முக்கிய அறிவிப்பு

பொங்கல் விடுமுறை நாட்களை ஒட்டி, சென்னை மெட்ரோ ரயில் சேவையில் மாற்றங்கள் செய்யப்பட்டுள்ளன. அது குறித்த முக்கிய அறிவிப்பை மெட்ரோ ரயில் நிர்வாகம் வெளியிட்டுள்ளது.

பொங்கல் விடுமுறை; சென்னை மெட்ரோ சேவையில் மாற்றம்

Source : Twitter

பொங்கல் பண்டிகை தொடர் விடுமுறையை ஒட்டி, சென்னையிலிருந்து லட்சக்கணக்கானோர் சொந்த ஊர்களுக்கு சென்றுவிட்ட நிலையில், ஜனவரி 14-ம் தேதி முதல் 17-ம் தேதி வரையிலான மெட்ரோ ரயில் சேவைக்கான அட்டவணையை மெட்ரோ நிர்வாகம் வெளியிட்டுள்ளது. அதன் முழு விவரங்களை காணலாம்.

14, 15, 16-ம் தேதிகளுக்கான மெட்ரோ ரயில் நேர அட்டவணை

பொங்கல் பண்டிகையை ஒட்டி, செவ்வாய், புதன், வியாழன் தவிர, வெள்ளிக்கிழமையும் விடுமுறை நாளாக தமிழ்நாடு அரசால் அறிவிக்கப்பட்டது. இந்த தொடர் விடுமுறை காரணமாக, பொங்கல் பண்டிகையை சொந்த ஊர்களில் கொண்டாட, சென்னையிலிருந்து லட்சக்கணக்கானோர் சொந்த ஊர்களுக்கு படையெடுத்துள்ளனர். இதனால், சென்னை நகரம் வெறிச்சோடி காணப்படுகிறது. இந்த நிலையில், பயணிகளின் வருகை குறைவாகவே உள்ளதாக, மெட்ரோ ரயில் சேவைக்கான நேரத்தில் மாற்றம் செய்யப்பட்டுள்ளது. அதன்படி, 14,15 மற்றும் 16ம் தேதிகளில் ஞாயிறு அட்டவணைப்படி மெட்ரோ ரயில்கள் இயக்கப்படும் என அறிவிக்கப்பட்டுள்ளது.

ஞாயிறு அட்டவணை

• காலை 5 மணி முதல் இரவு 11 மணி வரை மெட்ரோ ரயில்கள் இயக்கப்படும்
• காலை 5 முதல் மதியம் 12 மணி வரை 10 நிமிட இடைவெளியில் மெட்ரோ ரயில் இயங்கும்
• மதியம் 12 முதல் இரவு 8 மணி வரை 7 நிமிட இடைவெளியில் ரயில்கள் இயக்கப்படும்
• இரவு 8 முதல் 10 மணி வரை 10 நிமிட இடைவெளியில் மெட்ரோ ரயில்கள் இயங்கும்
• இரவு 10 முதல் 11 மணி வரை 15 நிமிட இடைவெளியில் ரயில்கள் இயக்கப்படும்

17-ம் தேதிக்கான மெட்ரோ ரயில் அட்டவணை

தமிழ்நாடு அரசால் விடுமுறை நாளாக அறிவிக்கப்பட்டுள்ள 17-ம் தேதி, அதாவது வெள்ளிக்கிழமை, மெட்ரோ ரயில்கள் சனிக்கிழமை அட்டவணைப்படி இயங்கும் என அறிவிக்கப்பட்டுள்ளது.

சனிக்கிழமை அட்டவணை

• காலை 5 மணி முதல் இரவு 11 மணி வரை மெட்ரோ ரயில்கள் இயக்கப்படும்
• காலை 5 முதல் 8 மணி வரை 7 நிமிட இடைவெளியில் ரயில்கள் இயங்கும்
• காலை 8 முதல் 11 மணி வரை 6 நிமிட இடைவெளியில் மெட்ரோ ரயில் இயங்கும்
• காலை 11 முதல் மாலை 5 மணி வரை 7 நிமிட இடைவெளியில் ரயில்கள் இயக்கப்படும்
• மாலை 5 மணி முதல் இரவு 8 மணி வரை 6 நிமிட இடைவெளியில் மெட்ரோ ரயில் இயங்கும்
• இரவு 8 முதல் 10 மணி வரை 7 நிமிட இடைவெளியில் மெட்ரோ ரயில்கள் இயங்கும்
• இரவு 10 முதல் 11 மணி வரை 15 நிமிட இடைவெளியில் ரயில்கள் இயக்கப்படும்

மெட்ரோ ரயில் சேவையை பயன்படுத்தும் பயணிகளின் வசதிக்காக, மெட்ரோ ரயில் நிர்வாகம் இந்த தகவலை வெளியிட்டுள்ளது.

இதையும் படிங்க: Gold Rate Increase; ஏறுமுகத்தில் தங்கம் விலை... சோக முகத்தில் இல்லத்தரசிகள்...