மேலும் அறிய

Chennai Metro Train: ஏறுமுகத்தில் சென்னை மெட்ரோ ரயில் சேவை..! ஆகஸ்ட் மாத பயணிகள் எண்ணிக்கையில் புதிய உச்சம்

கடந்த ஆகஸ்ட் மாதத்தில் மெட்ரோ ரயில் சேவையை பயன்படுத்திய பயணிகளின் விவரங்களை, சென்னை மெட்ரோ ரயில் நிர்வாகம் வெளியிட்டுள்ளது.

By : குலசேகரன் முனிரத்தினம் | Updated at : 01 Sep 2023 12:57 PM (IST)

சென்னை மெட்ரோ ரயில் சேவை

கடந்த ஆகஸ்ட் மாதத்தில் மெட்ரோ ரயில் சேவையை பயன்படுத்திய பயணிகளின் விவரங்களை, சென்னை மெட்ரோ ரயில் நிர்வாகம் வெளியிட்டுள்ளது.

மெட்ரோ ரயில் சேவை:

நடப்பாண்டில் ஆகஸ்டு மாதத்தில் மட்டும் 85.89 லட்சம் பயணிகள் பயணித்தனர் சென்னை மெட்ரோ இரயில் நிறுவனம் தெரிவித்துள்ளது. இதுதொடர்பான அறிவிப்பில் “சென்னை மெட்ரோ ரயில் நிறுவனம் சென்னையில் உள்ள மக்களுக்கும், மெட்ரோ ரயில் பயணிகளுக்கும் நம்பக தன்மையான மற்றும் பாதுகாப்பான போக்குவரத்து வசதியை அளித்து வருகிறது. அந்த வகையில் 2023 ஆம் ஆண்டு ஜூலை மாதத்தை விட ஆகஸ்டு மாதத்தில் 3 லட்சத்து 36 ஆயிரத்து 215 பயணிகள் மெட்ரோ ரயில்களில் அதிகம் பயணித்துள்ளதாகவும், இந்த பயணிகளின் எண்ணிக்கை மெட்ரோ ரயில் சேவை தொடங்கியதில் இருந்து இதுநாள் வரையிலான ஒரு மாத எண்ணிக்கையில் இதுவே அதிகபட்சம் என்றும் மெட்ரோ ரயில் நிர்வாகம் தெரிவித்துள்ளது.

புள்ளி விவரங்கள்:

நடப்பு அண்டு ஜனவரி மாதத்தில் 66 லட்சத்து 7 ஆயிரத்து 458 பயணிகளும், பிப்ரவரி மாதத்தில் 63 லட்சத்து 69 ஆயிரத்து 282 பயணிகளும், மார்ச் மாதத்தில் 69 லட்சத்து 99 ஆயிரத்து 341 பயணிகளும், ஏப்ரல் மாதத்தில் 66 லட்சத்து 85 ஆயிரத்து 432 பயணிகளும் பயணித்துள்ளனர். தேபோன்று, மே மாதத்தில் 72 லட்சத்து 66 ஆயிரத்து 7 பயணிகளும், ஜூன் மாதத்தில் 74 லட்சத்து 6 ஆயிரத்து 876 பயணிகளும், ஜூலை மாதத்தில் 82 லட்சத்து 53 ஆயிரத்து 692 பயணிகளும் பயணித்து இருந்தனர். இந்நிலையில் தான் கடந்த ஆகஸ்ட் மாதத்தில் சென்னை மெட்ரோ ரயில் சேவையை 85 லட்சத்து 89 ஆயிரத்து 977 பேர் பயணித்துள்ளதாக தெரிவிக்கப்பட்டுள்ளது.

புதிய சாதனை:

அதிகபட்சமாக கடந்த மாதம் 11ம் தேதியன்று ஒரே நாளில் 3 லட்சத்து 29 ஆயிரத்து 920 பேர் மெட்ரோ ரயில்களில் பயணம் செய்துள்ளனர். இதன் மூலம் முந்தைய மாதத்தை காட்டிலும் ஆகஸ்ட் மாதத்தில் 3 லட்சத்து 36 ஆயிரத்து 285 பேர் கூடுதலாக பயணம் செய்துள்ளனர். நடப்பாண்டு தொடக்கத்தில் இருந்தே, மெட்ரோ ரயில்களில் பயணம் செய்பவர்களின் எண்ணிக்கை ஒவ்வொரு மாதமும் தொடர்ந்து அதிகரித்து வருகிறது. அந்த வகையில் நடப்பாண்டில் இதுவரை 5 கோடியே 81 லட்சத்து 80 ஆயிரத்து 65 பேர் மெட்ரோ ரயிலில் பயணம் செய்துள்ளனர்.

டிக்கெட் விற்பனை:

2023ம் ஆண்டு ஜூலை மாதத்தில் மட்டும் க்யூஆர் குறியீடு (QR Code) பயணச்சீட்டு முறையைப் பயன்படுத்தி 31 லட்சத்து 5 ஆயிரத்து 583 பயணிகளும் (Oline QR - 2,10,744: Static QR - 1,00,766, Paper QR 24,64,111, Paytm- 1,59,737, Whatsapp 1,70,225), பயண அட்டைகளை (Tavel Cut Ticketing System) பயன்படுத்தி 47 லட்சத்து 56 ஆயிரத்து 951 பயணிகளும், டோக்கன்களை பயன்படுத்தி 3 லட்சத்து 26 ஆயிரத்து 491 பயணிகளும், குழு பயணச்சீட்டு (Group Ticket) முறையை பயன்படுத்தி 5,685 பயணிகளும் மற்றும் சிங்கார சென்னை அட்டையை (தேசிய பொது இயக்க அட்டை) பயன்படுத்தி 19 ஆயிரத்து 527 பயணிகளும் மெட்ரோ ரயில்களில் பயணம் செய்துள்ளனர்.

About the author குலசேகரன் முனிரத்தினம்

Enthusiastic Journalist Kulasekaran Munirathnam, who has worked in leading news organizations, has 8 years of experience in the media industry. He entered the media industry on his own volition after completing his studies in Mechanical Engineering. He researches and provides accurate and detailed updated news on automobiles, which play a vital role in people's daily commute, financial advice for future savings, and infrastructure for development. In addition, he brings information related to politics and international events to the public through news. He works as an Associate Producer on the ABP NADU Tamil website.

Read

Published at : 01 Sep 2023 12:57 PM (IST)

Tags :

@chennai Chennai Metro Train Metro Travel Metro Passangers