Chennai Corporation: வீட்டிலேயே இருங்க.. இனி வீடு தேடி வரும் ஆன்லைன் சேவை.. ஆஃபர் அளித்த சென்னை மாநகராட்சி!

பிறப்பு மற்றும் இறப்பு விவரங்களைத் திருத்துதல் உள்ளிட்ட புதிய ஆன்லைன் சேவைகளை பெருநகர சென்னை மாநகராட்சி அறிமுகப்படுத்த இருக்கிறது. 

சென்னை மாநகராட்சி

பிறப்பு மற்றும் இறப்பு விவரங்களைத் திருத்துதல், ஆதார் எண் தொடர்பான மாற்றங்கள், சமூகக் கூடங்கள் முன்பதிவு செய்தல் மற்றும் RTI சட்டத்தின் கீழ் தகவல்களைப் பெறுதல் மற்றும் குடியிருப்பாளர்களுக்கு ஏற்கனவே உள்ள சேவைகளை வழங்குதல் உள்ளிட்ட புதிய ஆன்லைன் சேவைகளை பெருநகர சென்னை மாநகராட்சி அறிமுகப்படுத்த இருக்கிறது. 

இதுகுறித்து சென்னை மாநகராட்சி கமிஷனர் ககன்தீப் சிங் பேடி தெரிவிக்கையில், ஆன்லைன் விண்ணப்பங்கள் மூலம் குடிமக்களுக்கு அத்தியாவசிய சேவைகளை அவர்களின் வீட்டு வாசலில் வழங்குவதற்கான மாநில அரசின் திட்டங்களின் ஒரு பகுதியாக இந்த முயற்சிகள் செயல்பட இருக்கின்றன. மற்ற இடங்களில் உள்ள நல்ல நடைமுறைகளை சென்னையிலும் பின்பற்ற முயற்சி மேற்கொள்ளப்படும் என்று தெரிவித்தார். 

குடியிருப்பாளர்களுக்கான சேவைகளை மேம்படுத்துவதற்காக நடத்தப்பட்ட தொடர் கூட்டங்களில், ஆன்லைனில் வழங்கக்கூடிய சுமார் 16 சேவைகளை அதிகாரிகள் தெரிவித்துள்ளனர். 

ஏஜிஎஸ் காலனி ஆர்டபிள்யூஏ வேளச்சேரி வெஸ்ட் செயலாளர் கீதா கணேஷ் கூறுகையில், “ஜிசிசி இணையதளத்தில் கிடைக்கும் ஆன்லைன் சேவைகளின் பட்டியலை அனைத்து ஜிசிசி அலுவலகங்கள் முன்பும் பலகையில் காட்ட வேண்டும் மற்றும் குறிப்பிட்ட நேரத்துடன் இணையதளத்தில் தொடர்ந்து புதுப்பிக்க வேண்டும். தகுதிக்கான அளவுகோல்கள், கட்டணத் தொகை, விண்ணப்பத்தின் நடைமுறை, விண்ணப்பத்தில் செய்ய வேண்டியவை மற்றும் செய்யக்கூடாதவை, பொறுப்பான அதிகாரிகள் மற்றும் அனுமதிக்கப்பட்ட விண்ணப்பங்களை அனுமதித்த தேதி, ஏதேனும் சேவைகள் அனுமதிக்கப்படுவதற்கு எதிர்பார்க்கப்படும் நேரம் மற்றும் அதிகாரிகளால் தாமதம் ஏற்பட்டால், தாமதத்திற்கான காரணத்தை தெளிவாகக் குறிப்பிட வேண்டும்” என்று தெரிவித்திருந்தார். 

கிடைத்த தகவலின் அடிப்படையில், 2020-2021 ஆம் ஆண்டில், சுமார் 38.35 லட்சம் குடியிருப்பாளர்கள் உலகின் பல்வேறு பகுதிகளிலிருந்து சான்றிதழை ஆன்லைனில் பதிவிறக்கம் செய்ய தற்போது உள்ள பிறப்புச் சான்றிதழ் சேவைகளைப் பயன்படுத்தினர். சென்னையில் பிறந்து வெளிநாட்டில் பணிபுரிந்தவர்கள் இதுபோன்ற ஆன்லைன் சேவைகளை அதிக அளவில் பயன்படுத்தி வந்துள்ளனர். ஆனால் பிறப்புச் சான்றிதழில் உள்ள விவரங்களைத் திருத்துவதற்கான ஆன்லைன் சேவைகளை பயனர்களால் பெற முடியவில்லை.

தற்போது உள்ள ஆன்லைன் பிறப்புச் சான்றிதழ் மற்றும் இறப்புச் சான்றிதழ் சேவைகளை ஆதார் மற்றும் இ-சனத் போன்ற இணையதளங்களுடன் கார்ப்பரேஷன் ஒன்றிணைத்துள்ளது. பின் வரும் காலங்களில் இந்திய குடிமக்கள் மற்றும் இந்தியாவில் உள்ள அதிகாரிகளிடமிருந்து ஆவணங்களைப் பெற்ற வெளிநாட்டவர்களுக்கு காகிதமில்லா ஆவண சரிபார்ப்பு சேவைக்கான மையப்படுத்தப்பட்ட தளத்தை வழங்குகிறது. வெளிநாட்டு முதலாளிகள் மற்றும் பிற சரிபார்ப்பு ஏஜென்சிகள் டிஜிட்டல் முறையில் சரிபார்க்கப்பட்ட உண்மையான ஆவணங்களைப் பெறுவதை உறுதிசெய்யும் வகையில், இ-சனத் திட்டம் படிப்படியாக செயல்படுத்தப்படுகிறது.

பிறப்பு மற்றும் இறப்பு சான்றிதழ் வழங்குதல் உள்ளிட்ட சில சேவைகள் மாநகராட்சியால் இலவசமாக வழங்கப்படுகிறது என்பது குறிப்பிடத்தக்கது. 

2020-2021 ஆம் ஆண்டில் சென்னையில் நிறுவன வரி மதிப்பீட்டிற்கான 5,696 விண்ணப்பங்கள் குடிமை அமைப்பால் செயல்படுத்தப்பட்டு வழிகாட்டுதல் பணியகத்தின் ஒற்றைச் சாளர போர்டல் மற்றும் தமிழ்நாடு மாநில ஒற்றைச் சாளர போர்டல் ஆகியவற்றுடன் ஒருங்கிணைக்கப்பட்டுள்ளன என்று அதிகாரிகள் தெரிவித்தனர்.

சென்னையில் 2020-2021 ஆம் ஆண்டில் மொத்தம் 53,381 வர்த்தக உரிம சேவைகள் வழங்கப்பட்டுள்ளன. 2020-2021ல் கட்டிட ஒப்புதலுக்கான குறைந்தபட்சம் 12,803 விண்ணப்பங்கள் பரிசீலிக்கப்பட்டுள்ளது.

---

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூடியூபில் வீடியோக்களை காண