Fatty Liver:கொழுப்பு நிறைந்த சீஸ் உணவுகளை அதிகமாக சாப்பிடுறீங்களா?கல்லீரல் பாதிக்கப்படலாம் - ஆய்வில் தகவல்!

Fatty Liver: அதிக கொழுப்பு நிறைந்த பாலில் இருந்து தயாரிக்கப்படும் உணவுப் பொருட்களை தொடர்ச்சியாக அதிகம் சாப்பிட்டால் கல்லீரல் பாதிக்கப்படலாம் என ஆய்வில் தகவல்.

சீஸ் பர்கர்

Source : Pixabay

அதிக கொழுப்பு நிறைந்த பாலில் இருந்து தயாரிக்கப்படும் உணவுப் பொருட்களை (high-fat dairy products) உணவில் சேர்ப்பது கல்லீரல் ஆரோக்கியத்தை பாதிக்கும் என ஆய்வு முடிவு எச்சரிக்கிறது. 

பால் பொருட்கள் விரும்பாதவர்கள் யாரும் இருக்க முடியாது. நல்ல திக்கான பாலில் காஃபி, மில்க்‌ஷேக், க்ரீம் சீஸ், வெண்ணெய், நெய் ஆகியவற்றில் தயாரிக்கப்படும் டோஸ்ட், சான்ட்விச் ஆகியவற்றை விரும்பி சாப்பிடுவோம் இல்லையா? ஆனால், அதிக கொழுப்பு நிறைந்த பால் பொருட்களை சாப்பிடுவது கல்லீரலின் ஆரோக்கியத்தை பாதித்து  fatty liver பிரச்னை ஏற்படும் வாய்ப்புகள் அதிகம் இருப்பதாக ' Journal of Hepatology’ இதழில் வெளியிடப்பட்டுள்ள ஆய்வுக் கட்டுரையில் குறிப்பிடப்பட்டுள்ளது. குறிப்பாக இரவு நேரங்களில் கொழுப்பு நிறைந்த சீஸ், க்ரீம் ஆகியவை சேர்த்து தயாரிக்கப்படும் உணவுகள் சாப்பிடுவது ’Metabolic dysfunction-associated steatotic liver disease’ பாதிப்பு ஏற்படும் வாய்ப்புகள் அதிகம் இருப்பதாக தெரிவித்துள்ளது. 

இஸ்ரேலில் உள்ள Hebrew University of Jerusalem கல்வி நிறுவனம் மேற்கொண்ட ஆய்வில் குறைந்த கொழுப்பு, சர்க்கரை நிறைந்த உணவுகள் கல்லீரல் பாதிப்பை குறைப்பதை கண்டறிந்துள்ளது. அதிக சர்க்கரை, கொழுப்பு நிறைந்த உணவுகள் fatty liver பாதிப்பிற்கு வழிவகுக்கும் என்பதையும் ஆராய்ச்சியில் கண்டறிந்துள்ளது. 

இந்த ஆராய்ச்சியில் ஈடுபட்ட பேராசிரியர் இது தொடர்பாக தெரிவிக்கையில்,” இது பொதுவான தகவல்கள் மட்டுமே. இது தொடர்பாக கூடுதல் ஆய்வு நடத்தப்பட உள்ளது. இது எல்லாருக்கும் பொருந்துமா, எப்படி செயல்படுகிறது ஆகியவற்றை துல்லியமாக கண்டறிய கூடுதல் சாட்சியகள் தேவைப்படுகிறது. இந்த ஆய்வு எலி, மனிதர் என இரண்டு முறைகளிலும் மேற்கொள்ளப்பட்டது.” என்று தெரிவித்தார். 

இந்த ஆய்வில் அதிக கொழுப்பு நிறைந்த பால் பொருட்கள் கொண்ட உணவுகள் சாப்பிட்ட எல்லாருக்கும் உடல் எடை அதிகரித்திருப்பது பதிவு செய்யப்பட்டுள்ளது. தொடர்ச்சியாக அதிக கொழுப்புள்ள க்ரீம், சீஸ் உள்ளிட்டவற்றை சாப்பிடுவது கல்லீரல் பாதிப்படைய வாய்ப்புகள் அதிகம் இருக்கிறது. 

ஆரோக்கியமான கல்லீரலுக்கு எதெல்லாம் நல்லது?

• பச்சை காய்கறிகள், கீரை வகைகள், ப்ரோக்கோலி ஆகியவற்றை உணவில் அதிகம் சேர்த்து கொள்ள வேண்டும். 
• நல்ல கொழுப்புள்ள உணவுகளை உணவில் அடிக்கடி சேர்த்துக்கொள்ள வேண்டும். 
• வால்நட்,அவகேடோ,ஆலிவ் எண்ணெய் ஆகியவைகள் கல்லீரலுக்கு நல்லது. 
• போதிய அளவு தண்ணீர் அருந்துவது கல்லீரல் ஆரோக்கியத்திற்கு மிகவும் அவசியமானது. 
• நிறைய தண்ணீர் குடிக்க வேண்டும். பொதுவாக, உடலில் உள்ள நச்சுக்களை நீக்குவதில் தண்ணீர் பெரும் உதவி புரிகிறது. தண்ணீர் ஒரு சிறந்த ’detoxicating agent'.

பாதிப்பு ஏற்படாமல் தவிர்ப்பு எப்படி?

ஆரோக்கியமான உணவுப் பழக்கத்தின் மூலம் கல்லீரல் பாதிப்புகள் ஏற்படாமல் தவிர்க்க முடியும். ஆரோக்கியமான காலை உணவை சாப்பிடுவது,  உப்பு, கொழுப்பு அதிகமாக உள்ள உணவுகளை தவிர்ப்பக்து, அதிகளவில் பதப்படுத்தப்பட்ட உணவுகள் சாப்பிடுவதை தவிர்ப்பது, நீர்ச்சத்து அதிகம் உள்ள உணவுகளை எடுத்துக் கொள்வது, மது அருந்தாமல் இருப்பது, தினமும் உடற்பயிற்சி செய்வது ஆகியவற்றின் மூலம் கல்லீரல் பாதிப்பு ஏற்படாமல் தவிர்க்கலாம். 

பொறுப்புத்துறப்பு: இந்த உள்ளடக்கம் பொதுவான தகவல்களை உள்ளடக்கியது. இது மருத்துவ ரீதியான அறிவுரையோ, கருத்தோ அல்ல. தனிப்பட்ட உடல்நலம் சார்ந்த தகவல்களுக்கு மருத்துவரை அணுகுவது மட்டுமே சரியான தீர்வாகும். ஏபிபி பொதுத் தகவல்களுக்கான பொறுப்பை ஏற்காது.

---