Spicy corn curry: ஸ்வீட்கார்ன் பிடிக்குமா? சுவையான ஸ்வீட்கார்ன் கிரேவி - ரெசிபி இதோ!
Spicy corn curry: மிகவும் சுவையான முறையில் ஸ்வீட்கார்ன் மசாலா செய்யும் ரெசிபி விவரத்தை காணலாம்.
ஸ்வீட்கார்ன் மசாலா கிரேவி
என்னென்ன தேவை?
ஸ்வீட்கார் - 2
வெங்காயம் - 2
இஞ்சி, பூண்டு விழுது - 1 டேபிள் ஸ்பூன்
தக்காளி விழுது - ஒரு கப்
தேங்காய் பால் - ஒரு கப்
புளி தண்ணீர் - ஒரு டேபிள் ஸ்பூன்
நெய் - சிறிதளவு
கரம் மசாலா - ஒரு டீஸ்பூன்
கார்ன்ஃப்ளார் மாவு -1 டீஸ்பூன்
மிளகாய் தூள் - 2 டீஸ்பூன்
உப்பு - தேவையான அளவு
செய்முறை
ஸ்வீட்கார்ன் வேகவைத்து எடுக்கவும். தக்காளியை மிக்ஸியில் விழுதாக அரைத்து எடுக்கவும். கடாய் சூடானதும் அதில் நெய் சேர்த்து பட்டை, கிராம்பு உள்ளிட்ட மசாலா சேர்த்து பொடியாக நறுக்கிய வெங்காயம் சேர்க்கவும். அதோடு இஞ்சி பூண்டு விழுது சேர்க்கவும்.
வெங்காயம் பொன்னிறமாக மாறியதும் அதோடு தக்காளி விழுது, மிளகாய் தூள், கரம் மசாலா, உப்பு, சிறிதளவு புளி தண்ணீர் சேர்த்து நன்றாக கிளறவும். மிளகாய் பொடி வாசனை போனதும் அதில் வேகவைத்த கார்ன் சேர்க்கவும். நன்றாக கொதித்ததும், தேங்காய் பால், சிறதளவு கார்ன்ஃப்ளார் மாவு கரைசல் சேர்க்கவும். இவை எல்லாம் நன்றாக கொதிக்க விடவும். ஸ்வீட்கார்ன் மசாலா கிரேவி ரெடி.
கோபி மஞ்சூரியன் பலருக்கும் மிகவும் பிடித்த டிஷ். அதே செய்முறையில் ஸ்வீட் கார்ன் மஞ்சூரியன் செய்யலாம்.
என்னென்ன தேவை?
ஸ்வீட்கார்ன் (வேகவைத்து தனியாக எடுத்தது) - இரண்டு கப்
மிளகு தூள் -2 ஸ்பூன்
உப்பு- தேவையான அளவு
இஞ்சி, பூண்டு விழுது - சிறதளவு
வெங்காயம் - 2
குடை மிளகாய் - 2
சோயாசாஸ் -தேவையான அளவு
சில்லி சாஸ் -தேவையான அளவு
டெமேட்டோ சாஸ் -தேவையான அளவு
எண்ணெய் - தேவையான அளவு
செய்முறை
ஸ்வீட்கார்ன் வேகவைத்து எடுத்துகொள்ளவும். ஒரு கப்பில் 100 கிராம் சோளமாவு, 100 கிராம்கடலைமாவு, ஒரு ஸ்பூன் மிளகாய் தூள் சேர்த்து தேவையான அளவு தண்ணீர் சேர்த்து கலக்கவேண்டும். இதில் உங்கள் தேவைக்கு ஏற்ப உப்பை சேர்த்துகொள்ள வேண்டும். இதில் சிறிய அளவில் ஸ்வீட்கார்ன் சேர்த்து, அதில் மாவு நன்றாக ஒட்டியதும் எடுத்து எண்ணெய்யில் போட்டு பொரித்து எடுக்க வேண்டும்.
ஒரு பாத்திரத்தில் எண்ணெய் விட்டு அதில் இஞ்சி பூண்டை சேர்த்து பச்சை வாசனை போகும் வரை நன்றாக வதக்க வேண்டும். பின் பெரிய வெங்காயம் ஒன்றை சேர்த்து நன்றாக வதக்க வேண்டும். இதில் நறுக்கிய குடை மிளகாயை சேர்க்க வேண்டும். தேவையான உப்பை சேர்த்து வதக்க வேண்டும். பின் டொமேட்டோ கெச் அப் 3 ஸ்பூன், சில்லி சாஸ், சோயா சாஸ் 3 ஸ்பூன் சேர்த்துகொள்ள வேண்டும். மஞ்சூரியனின் உள்ள கலவை சற்று கிரேவியாக வேண்டும் என்றால் 2 ஸ்பூன் சோளமாவை சிறிதளவு தண்ணீரில் கலந்து இதில் சேர்த்து கொள்ளலாம்.
சுமார் 5 நிமிடம் அடுப்பை குறைந்த தீயில் வைத்து வேக வைக்க வேண்டும். இதையடுத்து பொரித்து வைத்துள்ள ஸ்வீட்கார்னை சேர்த்து 2 நிமிடங்களில் வேக வைக்கவும். சிறிதளவு ஸ்பிரிங் ஆனியன் மற்றும் மல்லி தழையை கலந்து ஒரு நிமிடம் குறைவான தீயில் வைத்து மூடி வைக்க வேண்டும். அவ்வளவுதான் சுவையான ஸ்வீட்கார்ன் மஞ்சூரியன் தயார்.
தலைப்பு செய்திகள்
ட்ரெண்டிங் செய்திகள்
