முடி உதிர்வை தடுக்க கொய்யா இலைகளை பயன்படுத்துங்கள்...!

முடி வளர்ச்சிக்குத் தேவையான கொலாஜன் என்னும் நுண்பொருளும் இவற்றில் உள்ளது. இது அழற்சி, சோர்வு, வெடிப்பு போன்ற மயிர்க் கால்கள் எதிர்கொள்ளும் குறைபாடுகளை சீர்படுத்த வல்லது

GettyImages-guava-leaves_1200

முடி உதிர்வு இன்று பலராலும் தவிர்க்க முடியாத பிரச்சனையாய் இருக்கிறது. நல்ல உணவு, மன உளைச்சல் இல்லாத சூழல், மன மகிழ்வு போன்ற அடிப்படை விஷயங்கள் இருந்தால்தான் முடி ஆரோக்கியத்தை பேண முடியும் என்பது ஒரு பக்கம் இருந்தாலும், சில எளிய மருத்துவ குணங்கள் கொண்ட இயற்கை தீர்வைப் பயன்படுத்தினால் முடி உதிர்வை சமாளிக்க முடியும். அப்படியான மருத்துவ உதவி வழங்கும் எளிய மரம், கொய்யா.

கொய்யா பழங்கள் உடலுக்கு எவ்வளவு நன்மை தரும் என்பது கிட்டத்தட்ட அனைவருக்கும் தெரியும். அதே அளவு மருத்துவ குணங்கள் நிரம்பியது, அவற்றின் இலைகள். அடிப்படை ஊட்டச்சத்துகளும், வைட்டமின்களும் அதன் இலைகளிலும் உள்ளன. மேலும் முடி வளர்ச்சிக்குத் தேவையான கொலாஜன் என்னும் நுண்பொருளும் இவற்றில் உள்ளது. இது அழற்சி, சோர்வு, வெடிப்பு போன்ற மயிர்க் கால்கள் எதிர்கொள்ளும் குறைபாடுகளை சீர்படுத்த வல்லது. மேலும் மயிர்க் கால்களுக்கு உயிர் சக்தி கொடுத்து ஆரோக்கியமாக வளர உதவி செய்யும். இதனிடம் இருக்கும் வைட்டமின் சி சத்து கொலாஜன் செயல்பாட்டை ஊக்குவிக்கிறது. மற்றொரு உயிர்ச்சத்தான லைகோபின் வெயிலின் புற ஊதா கதிர்களில் இருந்து முடியைப் பாதுகாக்கும் ஆற்றல் கொண்டது.

இப்படியான நன்மைகள் கொண்ட கொய்யா இலைகளைப் பல வகைகளிலும் பயன்படுத்தலாம். சுடு நீரில் அதன் இலைகளைக் கொதிக்க வைத்து தேநீர் தயாரித்து குடிக்கலாம். இதனை தலை முடிக்குப் பயன்படுத்த, கையளவு கொய்யா இலைகளை ஒரு லிட்டர் தண்ணீரில் சுமார் இருபது நிமிடங்கள் அளவுக்கு கொதிக்க வைத்து, அந்த நீரை வடிகட்டி, உங்கள் தலையில் மசாஜ் செய்யலாம். இரண்டு மணி நேரம் வரை அதனை ஊற வைக்கலாம், பின்பு, முடியை நீரில் அலசி எடுத்தால் போதுமானது. இதனை வாரத்திற்கு மூன்று முறை செய்யும்போது, கடுமையான முடி உதிர்வுக்கு நல்ல சிகிச்சையாக இருக்கும். மேலும், கொய்யா பழங்களையும் முடியும்போது உட்கொள்வது சிறந்த பலன்களைத் தரும்.

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

 

யூட்யூபில் வீடியோக்களை காண  

சமீபத்திய லைப்ஸ்டைல் செய்திகளையும், ட்ரெண்டிங் செய்திகளையும், அறிய Abpnadu-இல் லைப்ஸ்டைல் செய்திகளைத் (Tamil Lifestyle News) தொடரவும்.

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்