By: சசிகலா | Updated at : 23 Aug 2023 04:42 PM (IST)
முருங்கைக்காய் மசாலா
முருங்கைக்காய் கிராமங்களில் மிக மலிவாக கிடைக்கக்கூடிய காய். ஆனால் அதன் சத்துக்களோ அபரிதமானவை. முருங்கைக்காயின் சுவையும் அற்புதமாக இருக்கும். ஆனால் இதை பயன்படுத்தி சுவையான டிஷ்களைச் செய்ய தெரியாததால் சிலர் இதை சாம்பார் போன்ற குழம்பு வகைகளில் மட்டுமே பயன்படுத்துகின்றனர். முருங்கைக்காயை பயன்படுத்தி ஒருமுறை முருங்கை மசாலா செய்து பாருங்க. நிச்சயம் விரும்பி சாப்பிடுவீங்க. வாங்க முருங்கை மசாலா எப்படி செய்வதென்று பார்க்கலாம்.
தேவையான பொருட்கள்
முருங்கைக்காய் - 4
சின்ன வெங்காயம் - 7
உப்பு - தேவையான அளவு
தக்காளி - 1
எண்ணெய் - தேவையான அளவு
கடுகு - 1/2 ஸ்பூன்
கறிவேப்பிலை - 1கொத்து
செய்முறை
முருங்கைக்காயை வழக்கம் போல் சிறு சிறு துண்டுகளாக வெட்டி வைத்துக்கொள்ள வேண்டும். வெங்காயம், தக்காளியை மிகப் பொடியாக நறுக்கிக் கொள்ள வேண்டும். ஒரு மிக்சி ஜாரில் துருவிய தேங்காய், தோல் உரித்த சின்ன வெங்காயம், வர மிளகாய்,சீரகம் மற்றும் மஞ்சள் தூள் சேர்த்து சிறிது தண்ணீர் விட்டு மைய அரைத்துக்கொள்ள வேண்டும்.
ஸ்டவ்வில் ஒரு குக்கர் வைத்து அதில் சிறிது எண்ணெய் ஊற்றி, எண்ணெய் காய்ந்த பின் கடுகு, கறிவேப்பிலை சேர்த்து தாளிக்கவேண்டும். பின் வெங்காயம் சேர்த்து வதக்கி விட வேண்டும். வெங்காயம் நன்றாக வதங்கிய பின்னர், தக்காளி சேர்த்து, நன்கு குழையும் வரை வதக்கி விட்டு, பின் முருங்கைக்காய் சேர்த்து இரண்டு நிமிடம் வதக்க வேண்டும்.
பின் அரைத்த மசாலா மற்றும் உப்பு சேர்த்து கிளறிவிட வேண்டும். பின் தேவையான அளவு தண்ணீர் ஊற்றி, 2 விசில் வரும் வரை வேக வைத்துக்கொள்ள வேண்டும். அடுப்பில் இருந்து குக்கரை இறக்கி விட வேண்டும். விசில் அடங்கிய பின்னர், குக்கரைத் திறந்து கொஞ்சம் கிளறி விட்டு, அதன் மேல் மல்லித்தழையை தூவினால் முருங்கைக்காய் மசாலா ரெடி. ( குறிப்பு: இரண்டு விசில் வரும்போது முருங்கை மசாலா தொக்கு பதத்தில் இருக்க வேண்டும் அதற்கு ஏற்றவாறு தண்ணீர் விட வேண்டும்)
மேலும் படிக்க
Green Dal Tadka: புரதச்சத்து நிறைந்த லன்ச் பாக்ஸ் ரெசிபி! பச்சை பயறு க்ரேவி செய்வது எப்படி?
Vijay Birthday: வாயில்லா ஜீவன்களுக்கு உணவளித்த த.வெ.க.வினர் ; விஜய் பிறந்தநாளில் மதுரையில் நெகிழ்ச்சி
Raw Mango Dal: மகாராஷ்டிரா ஸ்டைல் மாங்காய் பருப்பு - இதோ ரெசிபி!
Murungai Keerai Podi: ஊட்டச்சத்தி நிறைந்த முருங்கைக்கீரை கறிவேப்பிலை பொடி - ரெசிபி இதோ!
Aamras: உலக அளவில் ட்ரெண்டான ஆம்ரஸ்! எப்படி செய்வது? தெரிஞ்சிக்கோங்க!
T20 Worldcup Prize Money: டி20 உலகக்கோப்பை மகுடம்! யாருக்கு எவ்வளவு பரிசுத்தொகை? எத்தனை கோடி தெரியுமா?
Breaking News LIVE: மதுவிலக்கு சட்டத்திருத்த மசோதாவை தாக்கல் செய்தார் முதலமைச்சர்
Bihar: ஆத்தாடி! 9 நாட்களில் 5வது சம்பவம், கட்டிக் கொண்டிருக்கும்போதே இடியும் பாலங்கள் - பீகாரில் தொடரும் பீதி!
Fire Accident: சாத்தூர் அருகே பட்டாசு ஆலையில் வெடி விபத்து - 4 பேர் உயிரிழப்பு, மீட்பு பணிகள் தீவிரம்