Mangoes: 'டேஸ்ட் மட்டுமில்ல.. ஹெல்த்துலயும் செம..' மாம்பழத்தில் இவ்வளவு நன்மைகளா..? சாப்பிடுங்க பாஸ்..!

மாம்பழத்தில் இவ்வளவு நன்மைகள் இருப்பதை அறிந்து கொண்டால் கரும்பு தின்ன கூலியா என்று கேட்பீர்கள். மாம்பழத்தின் பல ஆரோக்கிய நன்மைகளை இங்கு தெரிந்துகொள்ளுங்கள்.

மாம்பழம்

கோடை வந்துவிட்டது, யானை வரும் பின்னே என்பதுபோல் மாம்பழங்களும் வந்துவிட்டன. மாம்பழம் என்றாலே பிடிக்காதவர்கள் இருக்க முடியாது. அவ்வளவு சுவையான ஒரு பழம் சீசனில் மட்டும்தான் கிடைக்கும் என்பது அதன் மீதான மதிப்பை கூட்டுகிறது. கிடைக்கும் நேரத்தில் அள்ளி சாப்பிட்டுவிடலாம் என்றால் சூடு என்று பலர் தடுப்பார்கள். அதெல்லாம் ஒரு புறம் இருந்தாலும், மாம்பழத்தில் இவ்வளவு நன்மைகள் இருப்பதை அறிந்து கொண்டால் கரும்பு தின்ன கூலியா என்று கேட்பீர்கள். மாம்பழத்தின் பல ஆரோக்கிய நன்மைகளை இங்கு தெரிந்துகொள்ளுங்கள்.

நீரிழிவு நோயைக் கட்டுப்படுத்த உதவும்

மா இலைகளை இரவு முழுவதும் ஊறவைத்து, மறுநாள் காலையில் வடிகட்டிய கஷாயத்துடன் சேர்த்து சாப்பிட்டு வந்தால், சர்க்கரை நோய் கட்டுப்படும். மேலும், இதில் குறைந்த கிளைசெமிக் அளவு உள்ளது, இது இரத்த சர்க்கரை அளவை அதிகரிக்காமல் தடுக்கிறது.

கண் பார்வை மேம்படும்

சூரிய ஒளி மற்றும் நீல ஒளியில் இருந்து விழித்திரையை பாதுகாக்கும் கரோட்டினாய்டுகளான லுடீன் மற்றும் ஜியாக்சாந்தின் ஆகியவை மாம்பழத்தில் ஏராளமாக உள்ளது. மேலும் கண் ஆரோக்கியத்தை மேம்படுத்துகிறது. வயது தொடர்பான மாகுலர் சிதைவுக்கு எதிராக உடல் போராடும்போது, இந்த கரோட்டினாய்டுகள் நன்மைப் பயக்கும்.

தோலை சுத்தம் செய்யும்

மாம்பழங்கள் உங்கள் தோலை உள்ளே இருந்து சுத்தம் செய்கிறது. இது துளைகளை குறைத்து உங்கள் சருமத்தை பளபளப்பாக்குகிறது. எனவே, நல்ல பளபளப்பான சருமத்திற்கு மாம்பழங்களை உட்கொள்ளுங்கள்.

ஆக்ஸிஜனேற்றங்களால் நிரம்பியுள்ளது

ஆக்ஸிஜனேற்ற அழுத்தத்தைத் தணிக்கும் திறனுக்காக ஆராய்ச்சி செய்யப்பட்ட இரண்டு ஆக்ஸிஜனேற்றப் பொருட்களான கலோட்டானின்கள் மற்றும் மாங்கிஃபெரின் ஆகியவை மாம்பழத்தில் ஏராளமாக உள்ளன. தோல் மற்றும் அதன் கீழ் உள்ள பகுதியில் இந்த விஷயங்கள் அதிகம் இருக்கும்.

எடை இழப்பு

மாம்பழத்தில் வைட்டமின்கள் மற்றும் ஊட்டச்சத்துக்கள் உள்ளன, அவை செரிமானத்தை அதிகரிக்கின்றன. மேலும் வயிறு நிறைவதை உணரச்செய்வதால் எடை இழப்புக்கு உதவுகிறது. எடை குறைக்க நினைப்பவர்கள் தயங்காமல் மாம்பழத்தை அளவாக எடுத்துக் கொள்ளலாம்.

புற்றுநோயைத் தடுக்கும்

குர்செடின், ஃபிசெடின், ஐசோகுவெர்சிட்ரின், அஸ்ட்ராகலின், கேலிக் அமிலம் மற்றும் மெத்தில் காலேட் போன்ற ஆன்டிஆக்ஸிடன்ட்கள் மாம்பழத்தில் காணப்படுகின்றன. இந்த குணங்கள் அனைத்தும் லுகேமியா, மார்பக புற்றுநோய், பெருங்குடல் புற்றுநோய் மற்றும் புரோஸ்டேட் புற்றுநோய் ஆகியவற்றிலிருந்து நம் உடலைப் பாதுகாக்கின்றன.

கொலாஜனின் தொகுப்புக்கும் சுற்றுச்சூழலின் விளைவுகளுக்கு எதிரான பாதுகாப்பிற்கும் தேவையான வைட்டமின்கள் ஏ மற்றும் சி இரண்டும் மாம்பழத்தில் காணப்படுகின்றன. வைட்டமின் ஏ வளர்ச்சிக்கு அவசியம்.  வயது மூப்புக்கு எதிராக பாதுகாப்பை வழங்கும். முடி வளர்ச்சிக்கும் காயங்களை குணப்படுத்துவதற்கும் வைட்டமின் சி அவசியம். சருமம் மற்றும் உச்சந்தலையானது செபம் என்ற எண்ணெய்ப் பொருளால் ஈரப்படுத்தப்படுகிறது, அது மாம்பழத்தில் நிறைந்துள்ளது.