பழனி முருகன் கோவிலில் 19 காலிப்பணியிடங்கள்.. ஆர்வமுள்ளவர்கள் மார்ச். 31-க்குள் விண்ணப்பிக்கவும்!
பழனி முருகன் கோவில் பணிக்கு விண்ணப்பிக்கும் விண்ணப்பதாரர்கள் நேர்முகத்தேர்வின் அடிப்படையில் தகுதியானவர்கள் தேர்வு செய்யப்படுவார்கள் என தெரிவிக்கப்பட்டுள்ளது.
தமிழக இந்து சமய அறநிலையத்துறைக் கட்டுப்பாட்டில் உள்ள பழனி முருகன் கோவிலில் செயல்பட்டுவரும் சித்தமருத்துமனையில் சித்த மருத்துவர் உள்பட பல்வேறு பணியிடங்கள் காலியாக உள்ளதாக அறிவிக்கப்பட்டுள்ளது. எனவே ஆர்வமும், தகுதியும் உள்ள நபர்கள் வருகின்ற மார்ச் 31 ஆம் தேதிக்குள் விண்ணப்பிக்கவும்.
தமிழகத்தில் இந்து சமய அறநிலையத்துறையின் கீழ் 44,218 கோயில்கள் இயங்கி வருகின்றனர். இவை அனைத்தையும் நிர்வகிக்க, கூடுதல் ஆணையர் (விசாரணை), கூடுதல் ஆணையர் (திருப்பணி), இணை ஆணையர் (தலைமையிடம்), இணை ஆணையர் (சட்டச்சேர்மம்), இணை ஆணையர் (கல்வி மற்றும் தொண்டு நிறுவனங்கள்), இணை ஆணையர்(சரிபார்ப்பு-தலைமையிடம்), உதவி ஆணையர் (சட்டச்சேர்மம்), உதவி ஆணையர் (கிராமக்கோயில் பூசாரிகள் நலவாரியம்) உள்ளிட்ட பிரிவுகளின் கீ்ழ் பலர் பணியாற்றி வருகின்றனர்.
இந்நிலையில் தற்போது இந்து சமய அறநிலையத்துறைக்கட்டுப்பாட்டில் உள்ள பழனி அருள்மிகு தண்டாயுதபாணி சுவாமி திருக்கோயில் செயலபட்டுவரும் சித்த மருத்துவமனையில், சித்த மருத்துவர், செவிலியர், மருந்தாளுனர், பாதுகாவலர், சுகாதாரப்பணியாளர் ஆகிய பணியிடங்களை தற்காலிக அடிப்படையில் நிரப்புவதற்கான அறிவிப்பு வெளியாகியுள்ள நிலையில் இதற்கானத் தகுதி என்ன? விண்ணப்பிக்கும் முறை? குறித்து இங்கே தெரிந்துக்கொள்வோம்.
இந்து சமய அறநிலையத்துறைப்பணிக்கானத் தகுதிகள்:
மொத்த காலிப்பணியிடங்கள்: 19
சித்த மருத்துவர் – 3
கல்வித்தகுதி:
தமிழ்நாடு சித்தா எம்.ஜி.ஆர் பல்கலைக்கழகத்தால் சித்த மருத்துவத்தில் வழங்கப்பட்ட முதுகலைப்பட்டம் பெற்றிருக்க வேண்டும்.
சம்பளம் – ரூ. 50 ஆயிரம் என நிர்ணயம்.
செவிலியர் பணிக்கானத் தகுதிகள்:
காலிப்பணியிடங்கள் - 5
கல்வித்தகுதி:
விண்ணப்பதாரர்கள் செவிலியர் பட்டப்படிப்பில் இளங்கலைப்பட்டம் பெற்றிருக்க வேண்டும்.
சம்பளம் : மாதத் ரூபாய் 12 ஆயிரம் என நிர்ணயம்.
மருந்தாளுனர் – சித்தா (Pharmacist – Siddha) பணிக்கானத் தகுதிகள்:
காலிப்பணியிடங்கள் - 3
கல்வித் தகுதி :
இப்பணிக்க விண்ணப்பிக்கும் விண்ணப்பதாரர்கள் சித்த மருத்துவத்தில் மருந்தியல் பிரிவில் பட்டயப்படிப்பு முடித்திருக்க வேண்டும்.
சம்பளம் : மாதம் ரூ. 15,000 என நிர்ணயம்.
பாதுகாவலர் காவலர் பணிக்கானத் தகுதிகள்:
காலிப்பணியிடங்கள் - 4
கல்வித்தகுதி: இப்பணிக்கு விண்ணப்பிக்கும் விண்ணப்பதாரர்கள் தமிழில் எழுதப்படிக்க தெரிந்திருக்க வேண்டும்.
சம்பளம் : ரூ. 8,000
சுகாதாரப் பணியாளர் பணிக்கானத் தகுதிகள்:
காலிப்பணியிடங்கள் - 4
கல்வித் தகுதி : விண்ணப்பதாரர்கள் தமிழில் எழுதப் படிக்க தெரிந்திருக்க வேண்டும்.
சம்பளம் : ரூ. 8,000 என நிர்ணயம்.
வயது வரம்பு : மேற்கண்ட அனைத்துப் பணியிடங்களுக்கும் விண்ணப்பிக்கும் விண்ணப்பதாரர்கள் 18 வயது முதல் 35 வயதிற்குள் இருக்க வேண்டும்.
விண்ணப்பிக்கும் முறை:
இப்பணிக்கு விண்ணப்பிக்கும் விண்ணப்பதாரர்கள், https://palanimurugan.hrce.tn.gov.in/hrcehome/ajax/hppdf_view.php என்ற இணையதளப்பக்கத்தில் கொடுக்கப்பட்டுள்ள விண்ணப்பத்தை முதலில் பதிவிறக்கம் செய்துக்கொள்ள வேண்டும்.
பின்னர் விண்ணப்பத்தில் கேட்கப்பட்டுள்ள அனைத்து விபரங்களையும் கீழ்க்கண்ட முகவரிக்கு வருகின்ற மார்ச் 31 ஆம் தேதிக்குள் அனுப்ப வேண்டும்.
hi
அனுப்ப வேண்டிய முகவரி:
இணை ஆணையர்/செயல் அலுவலர்,
அருள்மிகு தண்டாயுதபாணி சுவாமி திருக்கோயில்,
பழனி- 624601
திண்டுக்கல் மாவட்டம்.
தேர்வு செய்யும் முறை:
மேற்கண்ட முறைகளில் விண்ணப்பிக்கும் விண்ணப்பதாரர்கள் நேர்முகத்தேர்வின் அடிப்படையில் தகுதியானவர்கள் தேர்வு செய்யப்படுவார்கள் என தெரிவிக்கப்பட்டுள்ளது.
மேலும் இதுக்குறித்த கூடுதல் விபரங்களை https://palanimurugan.hrce.tn.gov.in/hrcehome/index_temple.php?tid=32203 என்ற இணையதளப்பக்கத்தின் வாயிலாக அறிந்துக்கொள்ளலாம்.
தலைப்பு செய்திகள்
ட்ரெண்டிங் செய்திகள்
