BHEL BAP Ranipet: பெல் நிறுவனத்தில் தொழிற்பயிற்சி வாய்ப்பு; விண்ணப்பிப்பது எப்படி?- முழு விவரம்

BHEL BAP Ranipet:பாரத் ஹெவி எலக்ட்ரிகல்ஸ் லிமிடெட் நிறுவனத்தில் மாணவர்கள் பயிற்சி மேற்கொள்ளலாம்.

(பாரத் ஹெவி எலக்ட்ரிகல்ஸ் லிமிடெட்)கோப்புப்படம்

பாரத் ஹெவி எலக்ட்ரிகல்ஸ் லிமிடெட் (bharat heavy electricals limited) நிறுவனம் மத்திய அரசின் கீழ் செயல்பட்டுவரும் மிகப்பெரிய உற்பத்தி துறை நிறுவனமாகும். ராணிப்பேட்டையில் செயல்பட்டு வரும் பாயிலர் அக்ஸீலியர்ஸ் பிளான்ட் (Boiler Auxiliaries Plant (BAP)) -ல் Project Work / Internship செய்வதற்கான வாய்ப்பு குறித்து அந்நிறுவனம் அறிவிப்பினை வெளியிட்டுள்ளது.

இதற்கு 2022- 2023 ஆம் ஆண்டு படித்து கொண்டிருக்கும் மாணவர்கள் தகுதி உடையவர்கள் என்று அறிவிக்கப்பட்டுள்ளது.

பயிற்சிக்கு விண்ணப்பிக்க கல்வித் தகுதி:

இந்தப் பயிற்சி திட்டத்திற்கு விண்ணப்பிக்க விரும்புவோர் இறுதி செமஸ்டரில் படிப்பவர்களாக இருக்க வேண்டும். 

B.E., B.Tech., MBA, MCA., M.E., M.Tech., ஆகிய படிப்புகள்/ துறைகளைச் சேர்ந்த மாணவர்களாக இருக்க வேண்டும். 

பயிற்சி காலம்:

இந்தப் பயிற்சி வரும் டிசம்பர் முதல் அடுத்தாண்டு மே மாதம் வரை வழங்கப்படுகிறது. 

கால அளவு: குறைந்தபட்சம் நான்கு வாரங்கள் முதல் அதிகபட்சம் 24 வாரங்கள் (2 ஆண்டுகள்) வரை பயிற்சி காலம் ஆக குறிப்பிடப்பட்டுள்ளது. இதற்கு இன்று முதல் விண்ணப்பிக்கலாம் என்று அறிவிப்பில் குறிப்பிடப்பட்டுள்ளது. 

பயிற்சி நேரம்: 

திங்கள் கிழமை முதல் எல்லா பணி நாட்களிலும் மதியம் 1 மணி முதல் 4.30 மணி வரை பயிற்சி வகுப்புகள் நடத்தப்படுகிறது. 

கட்டணம்:

BHEL Employee Wards-களுக்கு கட்டணம் ஏதும் இல்லை. மற்றவர்களுக்கு வரித் தொகையுடன் சேர்த்து ரூ.885 (அதாவது ரூ.750+18% S.T. ) கட்டணமாக நிர்ணயிக்கப்பட்டுள்ளது. 

கட்டணத்தை ஆன்லைனில் SBI Collect மூலம் செலுத்த வேண்டும். 

கவனத்தில் கொள்ள வேண்டிய சில விதிமுறைகள்:

பாரத் ஹெவி எலக்ட்ரிகல் நிறுவனத்தின் வளாகத்திற்குள்  கைப்பேசி / ஸ்மாட்ஃபோன் ஆகியவற்றைக் கொண்டு செல்ல அனுமதி கிடையாது.

பயிற்சிக்கு தேர்ந்தெடுக்கப்பட்டால், Formal Dress Code-ல் மட்டுமே பயிற்சிக்குச் செல்ல வேண்டும். முகக்கவசம் கட்டாயம் அணிய வேண்டும்.

அனுமதி கடிதம்:

கல்வி நிறுவனத்தில் இருந்து சமர்ப்பிக்கப்படும் கடிதம் கல்லூரி முதல்வர்/ துறை தலைவர்/ Dean ஆகியோரின் கையெழுத்துடன் அவர்களின் அதிகாரப்பூர்வ சீல் உடன் இருக்க வேண்டும். 

'The Deputy Manger, HRDC, BHEL, Ranipet-6 ' என்ற பெறுநர் முகவரிக்கு அனுமதி கடிதம் அளிக்கப்பட்டிருக்க வேண்டும். 

பயிற்சி அனுமதி கடிதத்துடன், கொரோனா தடுப்பூசி செலுத்திக்கொண்டதற்கான சான்றிதழ் இணைக்கப்பட வேண்டும். 

இந்நிறுவனத்திற்குள் செல்வதற்கு அங்கிருக்கும் Internal Guide allathu Human Resource Developement Centre -இன் முன் அனுமதி அவசியம். 

Stamp Size போட்டோ, பாஸ்போர்ட் அளவிலான போட்டோ ஆகியவற்றில் ஒன்றை பயிற்சிக்கு விண்ணப்பிக்க வரும்போது சமர்ப்பிக்க வேண்டும். 

இந்தப் பயிற்சிக்கு தகுதியான மாணவர்களை தேர்ந்தெடுப்பதில்  Human Resource Developement Centre -ன் முடிவு இறுதியானது. 

பயிற்சி காலத்தில் உதவித் தொகை வழங்கப்படுமா? விண்ணப்பிக்க கடைசி தேதி இருக்கிறதா? உள்ளிட்ட சந்தேகங்கள் இருப்பின் அலுவலகத்தை தொடர்பு கொள்ளலாம். 

கூடுதல் தகவல்களுக்கு கீழே இணைக்கப்பட்டுள்ள அறிவிப்பின் விவரத்தை காணலாம்.

 

 

தொடர்புக்கு- 04172 - 284238 
                          - 04172-284543

 

முகவரி:

Boiler Auxiliaries Plant,

Indira Gandhi Industrial Complex,

Ranipet-632406, Vellore Dist. (Tamil Nadu), India.

---