Health Tips: நரம்புகளை பாதிக்கும் சர்க்கரை வியாதி..! வராமல் தடுப்பது எப்படி?

உங்களுக்கு அதிக இரத்த சர்க்கரை அளவு இருந்தால், அது உங்கள் நரம்புகளில் காயத்தை உண்டாக்கிறது.

நீரிழிவு நோய்

Source : Getty

நீரிழிவு என்பது ஒரு நாள்பட்ட மருத்துவக் கோளாறாகும், இது உடலின் கணையத்தால் போதுமான இன்சுலினை உற்பத்தி செய்ய முடியாமல் அல்லது உற்பத்தி செய்த இன்சுலினை போதிய அளவு பயன்படுத்தாத போது உருவாகிறது. இந்த நோய் பல்வேறு உடல் உறுப்புகளை, குறிப்பாக நரம்புகளை பாதிக்கிறது, இது பலவிதமான அறிகுறிகளை ஏற்படுத்துகிறது. 

நீரிழிவு நோய் நரம்புகளில் என்ன தாக்கத்தை ஏற்படுத்துகிறது?
மிகவும் அறியப்பட்ட ஆன்லைன் மருத்துவ நிறுவனமான மயோ கிளினிக்கின் கூற்றுப்படி, உங்களுக்கு அதிக இரத்த சர்க்கரை அளவு இருந்தால், அது உங்கள் நரம்புகளில் காயத்தை உண்டுபன்னுகிறது.இந்தக் கோளாறின் துல்லியமான காரணம் தெரியவில்லை என்றாலும், கட்டுப்படுத்தப்படாத உயர் இரத்த சர்க்கரை அளவு சிறிய ரத்த நாளங்களில் தாக்கத்தை ஏற்படுத்துகிறது அதன் காரணமாக அது பலவீனமடைகிறது. அவை நரம்புகளுக்கு ஆக்ஸிஜன் மற்றும் ஊட்டச்சத்துக்களை வழங்குகின்றன, அவை சமிக்ஞைகளை வெளிப்படுத்தும் திறனைக் குறைக்கின்றன.

நீரிழிவு நரம்பியல் பாதிப்பின் காரணமாக கால்விரல்கள் மற்றும் விரல்களின் நுனிகளில் கூச்சம், எரிச்சல், வலி ஆகிய பிரச்னைகள் தோன்றக்கூடும். கட்டுப்பாடற்ற, சிகிச்சை அளிக்கப்படாத சர்க்கரை நோய் நரம்புகள் மட்டுமின்றி, ஈறுகள், கால், கண்கள், இதயம், இரத்த நாளங்கள், இதயம் மற்றும் சிறுநீரகங்களுக்கும் பாதிப்பை ஏற்படுத்தும். நீரிழிவு உங்கள் சிறுநீரகங்கள், கண்கள் மற்றும் நரம்புகளில் உள்ள சிறிய இரத்த நாளங்களையும் உங்கள் இதயம் மற்றும் மூளைக்கு வழங்கும் இரத்த நாளங்களையும் சேதப்படுத்துகிறது, ஏனெனில் இது உங்கள் இதயம் மற்றும் உங்கள் உடல் முழுவதும் இரத்த ஓட்டத்தில் மோசமான விளைவை ஏற்படுத்துகிறது.

நீரிழிவு இருப்பதால் உங்களுக்கு கீழ்கண்ட அறிகுறிகள் தென்ப்டலாம்.

வழக்கத்திற்கு மாறாக தாகம் ஏற்படுவது.
அடிக்கடி சிறுநீர் கழித்தல்.
இயற்கையாகவே ஏற்படும் எடை இழப்பு.
சிறுநீரில் காணப்படும் கீட்டோன்கள். 
போதுமான இன்சுலின் கிடைக்காதபோது, தசை மற்றும் கொழுப்பு உடைந்து, அதன் விளைவாக கீட்டோன்களை உருவாக்குகிறது. 

 சோர்வு மற்றும் பலவீனமான உணர்வு.  மனநிலை மாற்றங்கள் அல்லது கோபமாக இருப்பது. மெதுவாக குணமாகும் காயங்கள் இருப்பது. பிறப்புறுப்பு, தோல் மற்றும் வாய் நோய்த்தொற்றுகள் உட்பட பல நோய்த்தொற்றுகளைக் கட்டுப்படுத்துதல்.

சர்க்கரை நோய்:

சர்க்கரை நோய் எல்லோரையும் பாதிக்கும். இருப்பினும், சில பழக்கங்கள் நோய்க்கான உங்கள் வாய்ப்பை அதிகரிக்கின்றன. குடும்பத்தில் பிறருக்கு பாதிப்பு இருப்பதும் இதில் அடங்கும். நீரிழிவு நோயை உருவாக்கும் அபாயத்தைக் குறைப்பதற்கான சிறந்த உத்தி ஆரோக்கியமான வாழ்க்கை முறையைக் கடைப்பிடிப்பதும் ஆரோக்கியமான எடையை பராமரிப்பதும் ஆகும். ஊட்டமளிக்கும், ஆரோக்கியமான தாவர உணவுகளை உட்கொள்வதன் மூலமும், அடிக்கடி உடற்பயிற்சி செய்வதன் மூலமும் உயர் இரத்த சர்க்கரையைப் பெறுவதற்கான உங்கள் அபாயத்தைக் குறைக்கலாம்.

நீரிழிவு நோயை நிர்வகிப்பது எப்படி? 

ஆரோக்கியமான வாழ்க்கை முறையை பின்பற்றுவதன் மூலம் நீரிழிவு நோயால் ஏற்படும் சிக்கல்களின் அபாயத்தை கணிசமாகக் குறைக்கலாம். உணவுக்கட்டுப்பாடு, உடற்பயிற்சி, இரத்த சர்க்கரை அளவை கண்காணிப்பது மற்றும் பரிந்துரைக்கப்பட்ட மருந்துகளை தொடர்ந்து உட்கொள்வது ஆகியவை நீரிழிவு நோயை நிர்வகிப்பதற்கான முக்கியமான கூறுகளாகும். அத்தியாவசிய ஊட்டச்சத்துக்கள் நிறைந்த, அதேசமயத்தில் தீங்கு விளைவிக்கும் கார்போஹைட்ரேட்டுகள் குறைவாக இருக்கும் உணவைச் சாப்பிடுவதை உறுதிபடுத்திக் கொள்ளுங்கள். உங்கள் இரத்த சர்க்கரை அளவைக் கட்டுப்படுத்த உடற்பயிற்சியில் தொடர்ந்து ஈடுபடுங்கள்.