கரூர் : குறைகிறதா கொரோனா தொற்று? மருத்துவமனையில் அனுமதிக்கப்பட்டவர்கள் எத்தனை பேர்?

மாவட்ட நிர்வாகம் நோய் தடுப்பூசி முகாம் இன்னும் கூடுதலாக சிறப்பு மையத்தை ஏற்பாடு செய்ய வேண்டும் என சமூக ஆர்வலர்கள் கோரிக்கை வைத்துள்ளனர். 

தடுப்பூசி முகாம்

கரூரில் இன்று கொரோனா தொற்று பாதிக்கப்பட்டோர் எண்ணிக்கை நிலவரத்தை தற்போது சுகாதாரத் துறை அறிவித்துள்ளது. அதன்படி இன்று கொரோனா தொற்று  பாதிக்கப்பட்டோர் எண்ணிக்கை 132 ஆக உயர்ந்துள்ளது. சிகிச்சை முடிந்து வீடு திரும்புவோர் எண்ணிக்கை 437 ஆகவும் , சிகிச்சை பலனின்றி உயிரிழந்தவர்கள் எண்ணிக்கை 3-ஆக  உள்ளது.

கரூர் உட்பட 11 மாவட்டங்களுக்கு பல்வேறு கட்டுப்பாடுடன் இரண்டாம் கட்ட தளர்வுகள் அறிவித்து அதன் நடைமுறையில் உள்ளது இந்நிலையில் வருகின்ற வாரத்தில் மூன்றாம் கட்ட தளர்வுகளை தமிழக அரசு அறிவித்துள்ளது. தமிழக சுகாதாரத் துறையின் சார்பாக நாள்தோறும் தொற்று பாதிக்கப்பட்டோர் எண்ணிக்கையும், தொடர்ந்து பாதிக்கப்பட்டு சிகிச்சையில் உள்ள எண்ணிக்கையும், அதே போல் சிகிச்சை பலனின்றி இறந்துள்ளதாக எண்ணிக்கையும் வெளியிட்டு வருகின்றனர்.

இந்நிலையில் இன்று கரூர் மாவட்டத்தில் சுகாதாரத்துறையில் அறிவிக்கப்பட்டிருந்த  கொரோனா தொற்று பாதித்த விவரத்தில் 132 நபர்கள் தொற்று பாதிக்கப்பட்டு சிகிச்சைக்காக அனுமதிக்கப்பட்டுள்ளதாகவும், 437 நபர்கள் கொரோனா தொற்று சிகிச்சை முடிந்து வீடு திரும்பி உள்ளதாகவும், 3 நபர்கள் கொரோனா தொற்று பாதிக்கப்பட்டு சிகிச்சை பலனின்றி இன்று இறந்துள்ளதாக தகவல் தெரிவித்துள்ளன.

தமிழக சுகாதாரத் துறையின் அறிவிப்பின்படி கரூர் மாவட்டத்தில் கொரோனா தொற்று பாதிக்கப்பட்ட மொத்த விவரம் தற்போது காணலாம். தமிழகத்தில் குறிப்பாக கரூர் மாவட்டத்தில் தொடர்ந்து பாதிக்கப்பட்டோர் எண்ணிக்கை 2,1035ஆகும். அதில் சிகிச்சை முடிந்து வீடு திரும்பியவள் எண்ணிக்கை 1,9762 ஆகவும், தற்போது சிகிச்சையில் உள்ளவர்கள் விவரம் 947ஆகவும்,  இதுவரை கரூர் மாவட்டத்தில் 326 நபர்கள் கொரோனா தொற்று பாதிக்கப்பட்டு சிகிச்சை பலனின்றி இறந்துள்ளதாகவும் தமிழக சுகாதாரத் துறை தற்போது அறிவிப்பை வெளியிட்டது.

இந்நிலையில் இன்று தமிழக முதலமைச்சர் மு க ஸ்டாலின், பாரத பிரதமர் நரேந்திர மோடியை சந்தித்து தமிழகத்துக்கு தேவையான  தடுப்பூசி மருந்து மற்றும் நிவாரண பொருட்களை கேட்டு மனு ஒன்றை அளித்துள்ளார். அதன் அடிப்படையில் தமிழகத்தில் வரும் நாட்களில் விரைவாக தடுப்பூசி தட்டுப்பாடின்றி அனைத்து மாவட்டங்களுக்கும், அனைத்து பொது மக்களும் பயனடையும் வகையில் சிறப்பு முகாம்கள் ஏற்பாடு செய்ய இருப்பதாக தகவல் தெரிவித்துள்ளனர்.

கரூரில் தடுப்பூசி தட்டுப்பாடு காரணமாக இரண்டு நாட்களுக்கு ஒருமுறை மாவட்டத்தில் 30க்கும் மேற்பட்ட சிறப்பு தடுப்பூசி மையத்தில் தடுப்பூசி போடப்பட்டு வருகிறது. அதன் அடிப்படையில் தொடர்ந்து இரண்டு நாட்கள் தடுப்பூசி போட்ட நிலையில் நாளை தடுப்பூசி போடுவது குறித்து எந்த அதிகாரப்பூர்வ அறிவிப்பு வரவில்லை. ஆகவே பல்வேறு மக்கள் குழப்பத்தில் உள்ளனர். இன்று இரவுக்குள் நாளை தடுப்பூசி போடப்படும் இடங்களை மாவட்ட நிர்வாகம் அறிவிக்கும் என மருத்துவர்கள் தெரிவித்துள்ளனர்.

எனினும், கரூர் மாவட்ட நிர்வாகத்தின் சிறப்பான முயற்சியால் 30-க்கும் மேற்பட்ட இடங்களில் சிறப்பு தடுப்பூசி முகாம், 20 மேற்பட்ட பஞ்சாயத்து கிராம பொது மக்களிடையே காய்ச்சல் முகாமும் நடைபெற்று வருகிறது.  இந்த காய்ச்சல் முகாமில் பொதுமக்கள் நேரில் சென்று தங்களது உடல் பரிசோதனையை செய்துகொண்டு அதில் ஏதேனும் மாற்றம் இருந்தால் அருகில் உள்ள ஆரம்ப சுகாதார நிலையத்தை அணுக வேண்டும் என மாவட்ட நிர்வாகம் சார்பாக வேண்டுகோள் விடுத்துள்ளனர்.

கரூர் மாவட்டத்தில் நாளொன்றுக்கு 1000 தடுப்பூசிகள் வீதம் 2 நாட்களுக்கு ஒருமுறை பொதுமக்களுக்கு சென்ற இடம் வகையில் சிறப்பு  முகாம் மூலம் போடப்பட்டு வருகிறது. இன்னும் பல்வேறு இடங்களில் மாவட்ட மக்களுக்கு தடுப்பூசி கிடைக்காமல் காத்துக் கொண்டு இருக்கும் நிலையும் வந்துள்ளது. ஆகவே, மாவட்ட நிர்வாகம் நோய் தடுப்பூசி முகாம் இன்னும் கூடுதலாக சிறப்பு மையத்தை ஏற்படுத்தி அனைத்து பொது மக்களுக்கும் தடுப்பூசி சென்றடையும் வகையில் ஏற்பாடு செய்ய வேண்டும் என சமூக ஆர்வலர்கள் கோரிக்கை வைத்துள்ளனர். 

இதேபோல் கரூர் மாவட்ட காவல் துறையின் சார்பாக நாள்தோறும் வாகன சோதனையில் ஈடுபட்டு வருகின்றனர். அப்போது நாளொன்றுக்கு 50 க்கும் மேற்பட்ட நபர்கள் முகக்கவசம் அணியாமலும், தமிழக அரசின் சமூக இடைவெளியை கடைப்பிடித்தாலும் பயணம் மேற்கொண்டு வருவதால் அவர்கள் மீது வழக்கு பதிவு செய்து வாகனங்கள் உடனடியாக பறிமுதல் செய்யப்பட்டு வருகிறது. என மாவட்ட காவல் கண்காணிப்பாளர் அலுவலகத்தில் இருந்து நாள்தோறும் செய்திக்குறிப்பை வெளியிட்டு வருகின்றனர்.