Watch Video: வெள்ளிக்குடம், கில்லியில் விளையாடிய விதம்! 18 ஆண்டுகளுக்குப் பிறகு சேர்ந்த வேலு குடும்பம்..
ரசிகர்களின் சில அன்பு மெசேஜ்களையும், ஆஷிஷ் - ஜானகி இணைந்து செய்த இன்ஸ்டாகிராம் ரீல்ஸையும், மீம்ஸ்களையும் பகிர்ந்திருக்கிறார் ஜானகி.
விஜய் தனது சினிமா வாழ்கையில் 29 ஆண்டுகளை நிறைவு செய்திருக்கிறார். சமீபத்தில் வெளியான ‘பீஸ்ட்’ திரைப்படம் கலவையான விமர்சனங்கள் பெற்று வரும் நிலையில், நேற்று கில்லி படம் வெளியாகி 18 ஆண்டுகளை நிறைவு செய்திருக்கிறது. பீஸ்ட் படத்தையும் மறந்து கில்லியை கொண்டாடிய விஜய் ரசிகர்கள், அப்படத்தை பற்றிய பல நோஸ்டால்ஜிக் பதிவுகளை பதிவு செய்தனர்.
அந்த வரிசையில், கில்லி படத்தில் விஜயின் அப்பா, அம்மாவாக நடித்திருந்த ஆஷிஷ் வித்யார்த்தி, ஜானகி ஆகியோர் இன்ஸ்டாகிராமில் நெகிழ்ச்சியாக ஒரு பதிவை பகிர்ந்திருக்கின்றனர். ஜானகி பகிர்ந்த்ருந்த பதிவில், “18 ஆண்டுகள் கடந்தும் கில்லி படத்தின் காட்சிகள் இன்னும் ரசிகர்களால் கொண்டாடப்படுகிறது. சில பேர் இப்படத்தை 1000 முறை பார்த்திருப்பதாக மெசேஜ் அனுப்பி இருக்கின்றனர். நானும், ஆஷிஷ் வித்யார்த்தியும் கடந்த வாரம் சென்னையில் வெளியே சென்று வந்தோம். அப்போது எங்களை கவனித்த கில்லி ரசிகர்கள், அப்படத்தை பற்றியும், அதில் எங்களை அவர்கள் ரசித்தது பற்றியும் பகிர்ந்து கொண்டனர். எங்களுக்கு அன்பை வாரி அளித்து வரும் ஒவ்வொருவருக்கும் நன்றிகள்” என தெரிவித்திருக்கிறார்.
’கில்லி’ ரசிகர்களை மகிழ்ச்சியில் ஆழ்த்திய இன்ஸ்டாகிராம் பதிவு:
View this post on Instagram
இதனுடன், ரசிகர்களின் சில அன்பு மெசேஜ்களையும், ஆஷிஷ் - ஜானகி இணைந்து செய்த இன்ஸ்டாகிராம் ரீல்ஸையும், மீம்ஸ்களையும் பகிர்ந்திருக்கிறார் அவர். இந்த பதிவு கில்லி ரசிகர்களிடையே மிகுந்த வரவேற்பை பெற்றிருக்கிறது.
ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
