Inimel Video Song: ஆண்டவர் எழுத்தில் ஷ்ருதியின் காதல் கற்பனையில் மிட் டவுன் பாய் லோகேஷ்! 'இனிமேல்' வீடியோ ரிலீஸ்!

இயக்குனர் லோகேஷ் கனகராஜ் , ஷ்ருதிஹாசன் இணைந்து நடித்துள்ள இனிமேல் பாடல் வெளியாகியுள்ளது.

இனிமேல் பாடல் ( Image Source : Twitter)

ராஜ்கமல் ஃபிலிம்ஸ் தயாரிப்பில் ஷ்ருதி ஹாசன் இயக்கி கமல் பாடல்வரிகளை எழுதி லோகேஷ் கனகராஜ் நடித்துள்ள இனிமேல் பாடல் வெளியாகியுள்ளது.

இனிமேல் பாடல் உருவான பின்னணி (கதை வடிவத்தில்)

லியோ படத்திற்குப் பிறகு தான் உண்டு தன் வேலை உண்டு என்று ரஜினிகாந்த் நடிக்க இருக்கும் தலைவர் 171 படத்திற்கான திரைக்கதையை எழுதிக் கொண்டிருந்தார் லோகேஷ் கனகராஜ். எந்த ஆங்கிளில் இருந்து பார்த்தாரோ தெரியவில்லை அவரை தனது பாடலில் நடிக்க வைக்க வேண்டும் என்று ஆசைப்பட்டுவிட்டார் கமலின் லிட்டில் பிரின்ஸஸ் ஷ்ருதி ஹாசன். ஒரு முக்கியமான வேலை உடனே ஆஃபிஸுக்கு வாங்க என்று கமல் அழைக்கு ராஜ்கமல் ஃபிலிம்ஸ் அலுவலகம் சென்றார் லோகேஷ். ' ஒரு பாட்டு நம்ம ஷ்ருதி தான் நடிக்கிறார் லிரிக்ஸ் நான் தான் கொஞ்சம் ஜென் ஜி ஸ்டைலில் முயற்சி பண்ணிருக்கேன் " என்று கமல் சொல்கிறார். சரி சார் நான் எதுவும் டைரக்‌ஷன் பன்னனுமா ஒகே பன்னிடலாம் என்று அடக்கமான கமலின் சிஷ்யன் லோகேஷ் சொல்லியிருக்கிறார். அதுதான் இல்ல. டைரக்‌ஷன் ஷ்ருதி பாத்துபாங்க. நீங்க நடிக்கனும் என்று கமல் ஷாக் கொடுத்திருக்கிறார்.

காதல் கான்செப்ட்:

சார் பிக்பாஸ் முடிஞ்சது இன்னும் ஏன் அதே மூடில் இப்படி வித்தியாசமான டெஸ்ட் எல்லாம் கற்பனை செய்கிறீர்கள் என்கிற லோகேஷின் நல்ல காமெடிக்கு, கமல் சிரிக்காத போதுததான் புரிந்தது அவர் சீரியஸாக பேசிக் கொண்டிருக்கிறார். சரி விக்ரம் 2 படம் வேறு லிஸ்ட்டில் இருக்கிறது சம்மதம் சொல்லிதான் ஆக வேண்டும் என்று லோகேஷ் மனசு மாறும்போது தான் ஷ்ருதி ஹாசன் சமீபத்தில் வெளியிட்ட பாடல் ஒன்று நினைவுக்கு வந்தது. பில்லி ஐலீஷ் மாதிரி கருப்பு நிறத்தில் உடம்பெல்லாம் ஊற்றி என்ன என்னமோ பன்னாங்க. ஒரு வேல நம்மள இந்த தடவ செங்கல் சூளையில் படுத்து உருண்டு நடனமாட சொல்லிவிடப் போகிறார் என்கிற பயத்தில் எதற்கும் ஒரு முறை என்ன கான்செப்ட் என்று கேட்டு வைத்தார் லோகேஷ்.

காதல் தான் கான்செப்ட் என்று ஷ்ருதி ஹாசன் கண்ணில் ஆர்வம் பொங்க பதில். சுத்தம். இதுக்கு செம்மண் கலவையே பரவாயில்லையே. அது வராமல்தானே ஒவ்வொரு படத்திலும் ஹீரோயின எல்லாம் கிரியேட்டிவா கொல பன்னிட்டு இருக்கேன். லியோ படத்தில் மன திருப்திக்காக த்ரிஷாவை அர்ஜூன் கொலை செய்யும் காட்சி ஒன்றை ரகசியமாக எழுதி வைத்தது நினைவுக்கு வந்தது.

சரி வீரத்த பத்தி கமலுக்கு அவ்வளவு சூப்பரான வசனம் கொடுத்துவிட்டு நாம இப்படி பயபட்டால் எப்படி. காதலில் களமிறங்க வேண்டியது தான் என்று ஒக்கே சொன்னார் லோகேஷ் கனகராஜ். ஆண்டவர் எழுத்தில், ஷ்ருதி ஹாசனின் காதல் கற்பனைகளில் இந்த கொலை கொள்ளை என்று திரிந்த இந்த மிட் டவுன் பாய் லோகேஷ் கனகராஜ் நடித்துள்ள இனிமேல் பாடல் இதோ.