Maruti Baleno: குறைந்த பட்ஜெட்டில் பிரீமியம் கார்: ரூ.50,000 முன்பணத்தில் மாருதி பலேனோ- EMI திட்டம்!
ப்ரீமியல் ஹேட்ச்பேக் பிரிவில் முக்கியமான கார் மாருதி பலேனோ. இது டொயோட்டா கிளான்ஸா, டாட்டா ஆல்ட்ரோஸ் மற்றும் ஹூண்டாய் ஐ20 ஆகிய கார்களுக்கு நேரடிப்போட்டியாக அமையும்.
Maruti Baleno on EMI: நீங்கள் குறைந்த பட்ஜெட்டில் பிரீமியம் ஹேட்ச்பேக் கார் வாங்க விரும்பினால், மாருதி பலேனோ உங்களுக்கு ஒரு சிறந்த தேர்வாக அமையும். இதன் அடிப்படை வேரியண்டான சிக்மாவின் எக்ஸ் ஷோரூம் விலை ரூ.5.99 லட்சமாக நிர்ணயிக்கப்பட்டுள்ளது. பதிவு கட்டணம் மற்றும் இன்சூரன்ஸ் செலவுகள் ஆகிய அனைத்தையும் சேர்த்த பிறகு, இதன் ஆன் ரோடு விலை சுமார் ரூ.6.80 லட்சமாக வருகிறது.
50 ஆயிரம் கேஷில் வாங்குவது எப்படி?
இந்த காரை வாங்க முழுத் தொகையையும் உடனடியாக செலுத்த வேண்டிய அவசியமில்லை. வெறும் ரூ.50,000 மட்டுமே முன்பணம் செலுத்தி இந்த காரை நீங்கள் மிக எளிதாக வாங்கலாம். மீதமுள்ள ரூ.6.30 லட்சத்தை 9 சதவீத வட்டி விகிதத்தில் வங்கிக் கடனாகப் பெற முடியும். இந்தக் கடனை 4 ஆண்டுகளில் திரும்பச் செலுத்தினால், மாதத் தவணையாக (இஎம்ஐ) ரூ.15,702 கட்ட வேண்டும்.
இதுவே 5 ஆண்டுகளுக்கு சுமார் ரூ.13,000, 6 ஆண்டுகளுக்கு ரூ.11,374 மற்றும் 7 ஆண்டுகளுக்கு ரூ.10,152 என இஎம்ஐ தொகையைச் செலுத்த வேண்டும். உங்களின் வங்கியின் வட்டி, பிராசஸிங் கட்டணம் மற்றும் தனிப்பட்ட விவரங்களைப் பொறுத்து இந்த இஎம்ஐ தொகையில் சிறிய மாற்றங்கள் ஏற்படலாம்.
ஏழு ஆண்டு கால அவகாசத்தில் சுமார் ரூ.1.60 லட்சம் வட்டியாகச் செலுத்த வேண்டும் என்பதால், காரின் மொத்த விலை ரூ.8.52 லட்சமாக மாறும். தற்போது சந்தையில் இந்தக் கார் டொயோட்டா கிளான்சா, டாடா அல்ட்ராஸ், ஹூண்டாய் ஐ20, நிஸான் மேக்னைட், ரெனால்ட் கைகர், மாருதி ஸ்விஃப்ட் மற்றும் ஃபிரான்க்ஸ் போன்ற பல மாடல்களுக்கு நேரடி போட்டியாக விளங்குகிறது.
பலேனோ ஃபேஸ்லிஃப்ட் மாடல் அறிமுகம்
இதற்கிடையே, புதிய பலேனோ ஃபேஸ்லிஃப்ட் மாடல் சந்தையில் விரைவில் அறிமுகமாக உள்ளது. இதில் ஏற்படவுள்ள மிக முக்கியமான மாற்றம் இதன் வெளிப்புற வடிவமைப்பில் தான் என்று கூறப்படுகிறது. புதிய ஸ்போர்ட்டியான கிரில், மேம்படுத்தப்பட்ட எல்இடி ஹெட்லைட்கள், புதிய முன்பக்க பம்பர், புதிய டிஆர்எல்கள், டெயில்லைட்கள் மற்றும் நவீன அலாய் வீல்கள் இடம்பெற்று காரின் தோற்றத்தை மேலும் பிரமாண்டமாக மாற்றும் என எதிர்பார்க்கப்படுகிறது.
உட்புறத்தில் அடிப்படை வடிவமைப்பு அப்படியே இருந்தாலும், புதிய அப்ஹோல்ஸ்டரி, தரமான டேஷ்போர்டு, பெரிய டச்ஸ்கிரீன் இன்ஃபோடெயின்மென்ட் சிஸ்டம், வயர்லெஸ் ஆண்ட்ராய்டு ஆட்டோ, ஆப்பிள் கார்பிளே, 360-டிகிரி கேமரா, டிஜிட்டல் இன்ஸ்ட்ரூமென்ட் கிளஸ்டர் மற்றும் காற்றோட்டமான வென்டிலேட்டட் இருக்கைகள் வழங்கப்படலாம். இந்த மாற்றங்கள் புதிய பலேனோ காரின் உட்புறத்தை முன்பு இருந்ததை விட மிகவும் பிரீமியமாகவும் தொழில்நுட்ப ரீதியாக மேம்பட்டதாகவும் நிச்சயம் மாற்றும்.
ரேஞ்ச் எப்படி?
செயல்திறனைப் பொறுத்தவரை, தற்போதைய 1.2 லிட்டர் பெட்ரோல் இன்ஜின் மற்றும் சிஎன்ஜி ஆப்ஷன் இதிலும் தொடரும். கூடுதலாக 1.0 லிட்டர் டர்போ பெட்ரோல் இன்ஜின் அல்லது ஹைப்ரிட் தொழில்நுட்பம் புதிதாக அறிமுகம் செய்யப்படலாம். ஒருவேளை இதில் ஹைப்ரிட் மாடல் வந்தால், அதன் செயல்திறன் மேம்படுவது மட்டுமின்றி, 30 முதல் 35 கி.மீ வரையிலான சிறப்பான ரேஞ்ச் கிடைக்கும் என எதிர்பார்க்கப்படுகிறது.
தலைப்பு செய்திகள்
ட்ரெண்டிங் செய்திகள்
