Beast Record: 15 நாட்களுக்குள் இப்படி ஒரு சாதனையா? அசரடித்த அரப்பிக்குத்து பாடல்! கொண்டாடும் ஃபேன்ஸ்!

விஜய் நடிப்பில் உருவாகியுள்ள பீஸ்ட் படத்தின் அரபிக்குத்து பாடல் சாதனை படைத்துள்ளது

பீஸ்ட் அரபிக்குத்து

நெல்சன் திலீப் குமார் இயக்கத்தில் விஜய் நடிப்பில் உருவாகியுள்ள  ‘பீஸ்ட்’ படம் வருகிற ஏப்ரல் மாதம் வெளியாக உள்ளது. மிகப் பெரிய எதிர்பார்ப்பை உருவாகியுள்ள இந்தப்படத்தின் பின்னணி வேலைகள் விறு விறுப்பாக நடைபெற்று கொண்டிருக்கிறது. படத்தின் ப்ரோமோஷன் வேலைகள் முன்னதாக தொடங்கிய நிலையில் அண்மையில் படத்திலிருந்து, ஃபர்ஸ்ட் சிங்கிள் லிரிக்கல் வீடியோவாக, அரபிக்குத்து பாடல் வெளியிடப்பட்டது.

யூட்யூபில் வெளியான இப்பாடல், 100 மில்லியன் பார்வையாளர்களை கடந்து அசத்தி இருக்கிறது. பிப்ரவரி 14-ம் தேதி வெளியான இப்பாடல் 24 மணி நேரத்தில் 25 மில்லியன் பார்வையாளர்களை கடந்தது. வெளியானவுடன் ரசிகர்களின் மனதில் இடம் பிடித்த இந்த பாடல், இன்ஸ்டா ரீல்ஸ்களிலும், வாட்ஸ்-அப் ஸ்டேட்டஸ்களிலும் ஒலிக்க தொடங்கியது. 4 நாட்களில் 50 மில்லியன் பார்வையாளர்களை கடந்து 14 நாட்களில் 100 மில்லியன், அதாவது 10 கோடி பார்வையாளர்களை எட்டி இருக்கிறது. மேலும், 30 லட்சத்திற்கும் அதிகமான லைக்குகளை பெற்றுள்ளது. அதனை அடுத்து, சன் பிக்சர்ஸ் தயாரிப்பு நிறுவனம் சிறப்பு வீடியோ ஒன்றை வெளியிட்டிருக்கிறது. அதில், அரபிக்குத்து பாடலின் ரெக்கார்ட்டுகளை குறிப்பிட்டுள்ளது. இந்த வீடியோ சமூக வலைதளத்தில் அதிகமாக பகிரப்பட்டு வருகிறது.

Celebrating #HalamithiHabibo’s sensational records 🔥@actorvijay @Nelsondilpkumar @anirudhofficial @Siva_Kartikeyan @hegdepooja @jonitamusic @manojdft @AlwaysJani @Nirmalcuts #Beast #ArabicKuthu #BeastFirstSingle pic.twitter.com/yn6VqpjA1J

— Sun Pictures (@sunpictures) February 26, 2022

ஏப்ரல் மாதம், திரையரங்குகளில் பீஸ்ட் படம் வெளியாகும் என்பது உறுதியாகிவிட்ட நிலையில், ரிலீஸ் தேதி என்ன என்பது குறித்து இன்னும் அதிகாரப்பூர்வ அறிவிப்பு வெளியாகவில்லை. மேலும், யோகிபாபு, வி.டி.வி. கணேஷ், ரெடின் கிங்ஸ்லி நகைச்சுவை கதாபாத்திரத்தில் நடித்துள்ளார். தொடர்ந்து, அபர்ணா தாஸ், ஜான் விஜய், டான்சிங் ரோஸ் புகழ் நடிகர் உள்பட ஏராளமான பட்டாளமே நடித்துள்ளனர்.

தமிழ் புத்தாண்டு பண்டிகையை அடுத்து ஏப்ரல் 14-ம் தேதி வெளியாகும் என எதிர்ப்பார்க்கப்படுகிறது. எனினும், ஏப்ரல் 14-ம் தேதியா அல்லது 28-ம் தேதியா என்பது உறுதியாகவில்லை. படம் வெளியாவதற்கு தயாராகி வருவதால், ப்ரொமோஷன் பணிகளும் முழு வீச்சில் தொடங்கப்பட்டுள்ளது. படத்தின் ஃபர்ஸ்ட் சிங்கிள் மற்றும் அரபிக் பாடலை தொடர்ந்து டீசர் விரைவில் வெளியாகும் என ரசிகர்கள் எதிர்ப்பார்த்துள்ளனர். இதனால், படக்குழு அடுத்தடுத்து அப்டேட்டுகளை அறிவிக்க உள்ளது. 

---

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூடியூபில் வீடியோக்களை காண