முதல்வரானப் பின் முதல் பிறந்தநாள் கொண்டாடும் விஜய்..வருத்தத்தில் ரசிகர்கள்..ஏன் தெரியுமா?
ஒவ்வொரு ஆண்டும் விஜயின் பிறந்தநாளில் அவரது படத்தின் அப்டேட் வெளியாகி வந்த நிலையில் இந்த ஆண்டு எந்த அப்டேட்டும் வெளியாகாதது என்பதால் ரசிகர்கள் வருத்தத்தில் உள்ளனர்
தமிழ்நாட்டின் முதலமைச்சரான விஜய் இன்று தனது 52வது பிறந்தநாளை கொண்டாடுகிறார். ஒவ்வொரு ஆண்டும் விஜயின் பிறந்தநாளை அவரது ரசிகர்கள் கோலாகலமாக கொண்டாடி வருவது வழக்கம். தமிழக முதல்வராக விஜய் பதவியேற்றப் பின் அவர் கொண்டாடும் முதல் பிறந்தநாள் இது. அந்த வகையில் ரசிகர்கள் , தவெக ஆதரவாளர்கள் , அரசியல் கட்சித் தலைவர் மற்றும் திரைத்துறை பிரபலங்கள் என விஜய்க்கு அனைத்து திசைகளில் இருந்து வாழ்த்து மழை குவிந்து வருகிறது.
தமிழ் சினிமாவின் முன்னணி நடிகராக திகழ்ந்த விஜய் 2024ம் ஆண்டு அரசியலுக்குள் அடியெடுத்து வைத்தார். விஜயின் கடைசி படமாக எச் வினோத் இயக்கத்தில் ஜனநாயகன் படம் அறிவிக்கப்பட்டது. தமிழக வெற்றிக் கழகம் கட்சியைத் தொடங்கிய அவர், 2026 சட்டமன்ற தேர்தலில் தனித்து போட்டியிட்டு வெற்றி பெற்று ஆட்சியைப் பிடித்தார். மே 10ம் தேதி தமிழ்நாட்டின் முதலமைச்சராக விஜய் பதவியேற்றார்.
அப்டேட் இல்லாத பிறந்தநாள்
ஒவ்வொரு ஆண்டும் விஜயின் பிறந்தநாளின் போது அவர் நடித்து வரும் படத்தின் ஃபர்ஸ்ட் லுக் அல்லது டீசர் வெளியாவது வழக்கம். இதனாலேயே ஒவ்வொரு ஆண்டும் விஜயின் பிறந்தநாளை ரசிகர்கள் ஆவலாக எதிர்பார்த்து காத்திருப்பார்கள். கடந்த ஆண்டு விஜய் பிறந்தநாளை முன்னிட்டு ஜனநாயகன் திரைப்படத்தின் முன்னோட்டம் வெளியிடப்பட்டது. அந்த வகையில் தமிழக முதல்வராக விஜய் பதவியேற்றப் பின் அவர் கொண்டாடும் முதல் பிறந்த நாள் இது. இத்தனை ஆண்டுகள் நடிகராக விஜயின் பிறந்தநாளை கொண்டாடி வந்த ரசிகர்கள் இந்த ஆண்டும் தமிழ்நாட்டின் முதல்வராக அவரது பிறந்தநாளை கொண்டாடி வருகிறார்கள். ஆனாலும் முதல் முறையாக விஜயின் பிறந்தநாளில் அவரது படம் தொடர்பான எந்த தகவலும் வெளியாகாதது ரசிகர்களுக்கு ஒரு மனவருத்தத்தை கொடுத்துள்ளது என்றே சொல்லலாம்.
விஜயின் ஜனநாயகன் படத்தின் ரிலீஸ் பற்றிய அப்டேட் வெளியாகுமா என ரசிகர்கள் எதிர்பார்த்து காத்திருந்தனர். ஜனநாயகன் படம் குறித்து இதுவரை எந்த தகவலும் வெளியாகாததும் ரசிகர்களுக்கு ஏமாற்றத்தை கொடுத்துள்ளது.
தலைப்பு செய்திகள்
ட்ரெண்டிங் செய்திகள்
