Beast First Single: புத்தாண்டுக்கு வருகிறதா பீஸ்ட் சிங்கிள்? பீஸ்ட் அப்டேட்ஸுக்காக வரிசைகட்டும் நெட்டிசன்ஸ்

பீஸ்ட் படத்தின் பர்ஸ்ட் சிங்கிள் புத்தாண்டு நள்ளிரவில் வெளியாக இருப்பதாக தகவல் வெளியாகியுள்ளது.

பீஸ்ட்

கோலமாவு கோகிலா, டாக்டர் ஆகிய படங்களை இயக்கியிருக்கும் நெல்சன் திலீப்குமார் தற்போது விஜய்யை வைத்து பீஸ்ட் படத்தை இயக்கி முடித்துள்ளார். சன் பிக்சர்ஸ் தயாரிக்கும் பீஸ்ட் படத்தில் விஜய்க்கு ஜோடியாக பூஜா ஹெக்டே நடித்துள்ளார். அனிருத் இசையமைத்திருக்கும் இப்படத்தில் இயக்குநர் செல்வராகவன், கிங்ஸ் லீ உள்ளிட்டோரும் நடித்திருக்கின்றனர்.

செல்வராகவன் இப்படத்தில் ஹேக்கராக நடிக்கிறார் என்று கூறப்படுகிறது. அதுமட்டுமின்றி, மால் ஒன்றை கைப்பற்றி தீவிரவாதிகள் சிறைப்பிடித்து வைத்திருக்கும் மக்களை காப்பாற்றுவதுதான் கதை எனவும் தகவல் வெளியானது. 

நெல்சனுன் திலீப்குமாருடன் விஜய் முதல்முறையாக இணைந்துள்ளதாலும், டாக்டர் படம் நூறு கோடி ரூபாய் வசூல் செய்துள்ளதாலும் பீஸ்ட் படத்தின் மீதான எதிர்பார்ப்பு ரசிகர்களிடம் பன்மடங்கு அதிகரித்துள்ளது.

விறுவிறுப்பாக நடந்துவந்த பீஸ்ட் படத்தின் படப்பிடிப்பு சமீபத்தில் நிறைவடைந்தது. அப்போது விஜய்யுடன் நெல்சன் எடுத்துக்கொண்ட புகைப்படங்களும், பீஸ்ட் படத்தின் செட் புகைப்படங்களும் வெளியாகி சமூக வலைதளங்களில் வைரலாகின. பட வெளியீடு தொடர்பான அறிவிப்பு விரைவில் வெளியாக இருக்கிறது.

இந்நிலையில் பீஸ்ட் படத்தின் ஃபர்ஸ்ட் சிங்கிள் பாடல் புத்தாண்டு நள்ளிரவில் வெளியிட படக்குழு திட்டமிட்டுள்ளதாக கோலிவுட்டிலிருந்து தகவல் வெளியாகியுள்ளது. இதனால் விஜய் ரசிகர்கள் உற்சாகமடைந்துள்ளனர்.

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூட்யூபில் வீடியோக்களை காண  

மேலும் வாசிக்க: Spider Man: ரஜினி இல்லை... அஜித் இல்லை... விஜய் இல்லை... அதிகாலையில் தியேட்டரை அதிரவிட்ட ஸ்பைடர் மேன்!