Vijay Viral Photo: பீஸ்ட் ஷூட்டிங் முடிஞ்சுது.. அன்பை பரிமாறிய விஜய்.. வைரல் புகைப்படம்!!
பீஸ்ட் திரைப்படத்தின் கடைசி நாள் படப்பிடிப்பின்போது நடிகர் விஜயும், இயக்குனர் நெல்சன் திலீப்குமாரும் எடுத்துக்கொண்ட புகைப்படம் வைரலாகி வருகிறது.
தமிழ் திரையுலகின் முன்னணி நடிகர் விஜய். இவரது திரைப்படங்களுக்கு என்று லட்சக்கணக்கான ரசிகர்கள் உள்ளனர். லோகேஷ் கனகராஜ் இயக்கத்தில் மாஸ்டர் படத்திற்கு பிறகு, நடிகர் விஜய் பீஸ்ட் திரைப்படத்தில் நடித்து வருகிறார். நெல்சன் திலீப்குமார் இயக்கும் இந்த படத்தை சன் பிக்சர்ஸ் நிறுவனம் தயாரித்து வருகிறது.
இந்த நிலையில், சன் பிக்சர்ஸ் நிறுவனம் தனது அதிகாரப்பூர்வ டுவிட்டர் பக்கத்தில் பதிவிட்டுள்ளதாவது, “ பீஸ்ட் திரைப்படத்தின் இறுதிநாள் படப்பிடிப்பின் சிறப்பான தருணம்” என்று பதிவிட்டு நடிகர் விஜய், இயக்குனர் நெல்சன் திலீப்குமாரை மகிழ்ச்சியில் கட்டியணைக்கும் படத்த பகிர்ந்துள்ளனர். தற்போது இந்த படம் வைரலாக பரவி வருகிறது.
நடிகர் விஜய் திரையுலகில் அறிமுகமாகி சமீபத்தில் 29 ஆண்டுகள் நிறைவடைந்ததை அவரது ரசிகர்கள் கொண்டாடினர்.
Here’s a special moment from Thalapathy @actorvijay’s last day of shoot for #Beast with director @Nelsondilpkumar@hegdepooja @anirudhofficial @manojdft @nirmalcuts @anbariv #BeastShootWrap pic.twitter.com/6f2Tj2a4lE
— Sun Pictures (@sunpictures) December 11, 2021
இந்த நிலையில், பீஸ்ட் படத்தின் இறுதிநாள் படப்பிடிப்பின் புகைப்படத்தையும் அவர்கள் வைரலாக கொண்டாடி வருகின்றனர். கடந்த சில தினங்களுக்கு முன்பு, பீஸ்ட் திரைப்படத்தின் 100வது நாள் படப்பிடிப்பின் எடுக்கப்பட்ட புகைப்படத்தை நெல்சன் திலீப்குமார், சன்பிக்சர்ஸ் நிறுவனம் பகிர்ந்திருந்தது. அந்த படமும் மிகவும் வைரலாகியது.
பீஸ்ட் திரைப்படத்தில் நடிகர் விஜய்க்கு ஜோடியாக பூஜா ஹெக்டே நடித்துள்ளார். அவருடன் இயக்குனர் செல்வராகவன், டான்சிங் ரோஸ் புகழ் ஷபீர் கல்லக்கல், யோகிபாபு, விடிவி கணேஷ் உள்ளிட்டோர் முக்கிய கதாபாத்திரத்தில் நடித்துள்ளனர். சமீபத்தில் நெல்சன் இயக்கத்தில் வெளியான டாக்டர் திரைப்படம் வசூல் ரீதியாக மாபெரும் வெற்றி பெற்றது என்பது குறிப்பிடத்தக்கது.
பீஸ்ட் திரைப்படத்திற்கு அனிருத் இசையமைத்துள்ளார். பீஸ்ட் திரைப்படம் பொங்கல் விருந்தாக திரைக்கு வரும் என்று எதிர்பார்க்கப்படுகிறது. பீஸ்ட் படத்தின் அப்டேட்டிற்காக காத்துக் கொண்டிருந்த விஜய் ரசிகர்களுக்கு இந்த புகைப்படம் விருந்தாக அமைந்துள்ளது.
மேலும் படிக்க : RRR படத்தின் OTT ரிலீஸ் எப்போ தெரியுமா? - படக்குழுவினர் வெளியிட்ட அதிகாரப்பூர்வ அறிவிப்பு !
மேலும் படிக்க : Shriya Saran | ரசிகர்களுடன் படம் பார்க்க ஆட்டோவில் வந்த ஸ்ரேயா சரண்! - வைரலாகும் புகைப்படங்கள்!
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
