Vignesh Shivan : தோல்வியின் அனுபவம் நிறைய கத்துக்கொடுத்துச்சு.. விக்னேஷ் சிவன் உருக்கமான பதிவு!

தோல்வியின் அனுபவம் நிறைய கற்றுக்கொடுக்கிறது.  என் குழந்தைகளுடன் எல்லா தருணங்களையும் சுவாசிக்கவும் உணரவும் எனக்கு சிறிது நேரம் கொடுத்த பிரபஞ்சத்திற்கு நன்றி.”

விக்னேஷ் சிவன்

“வாழ்க்கையில் நாம் அனுபவிக்கும் அனைத்து வலிகளிலும் ஒரு நன்மை இருக்கிறது. தோல்வியின் அனுபவம் நிறைய கற்றுக்கொடுக்கிறது.  என் குழந்தைகளுடன் எல்லா தருணங்களையும் சுவாசிக்கவும் உணரவும் எனக்கு சிறிது நேரம் கொடுத்த பிரபஞ்சத்திற்கு நன்றி.” என இயக்குநர் விக்னேஷ் சிவன் இன்ஸ்டாகிராம் பக்கத்தில் உருக்கமாக பதிவிட்டுள்ளார்.

அடுத்த அறிவிப்பு

வாழ்க்கையில் நடப்பவை எல்லாவற்றிலும் நன்மை இருக்கவே செய்கிறது என்று நெகிழ்ச்சியுடம் பதிவிட்டுள்ளார் விக்னேஷ் சிவன். அவர் தனது இன்ஸ்டாகிராம் பக்கத்தில், “என் குழந்தைகளுடன் எல்லா தருணங்களை சுவாசிக்கவும், உணரவும் எனக்கு சிறிது நேரம் கொடுத்த பிரபஞ்சத்திற்கு நன்றி. வாழ்க்கையில் நாம் அனுபவிக்கும் அனைத்து வலிகளிலும் ஒரு நன்மை இருக்கிறது. பாராட்டும் வெற்றியும் நமக்கு கற்பிப்பதை விட, அவமானம் மற்றும் தோல்வியின் அனுபவம் நிறைய கற்றுக்கொடுக்கிறது.

#neverevergiveup அடுத்த படத்திற்கு தயாராகிறேன். கடவுளுக்கும், என்னுடைய கடினமான இந்த காலக்கட்டத்தில் என்னுடன் இருந்தவர்களுக்கும் நன்றி. என் மீதான உங்களின் நம்பிக்கை நான் யாரென்று என்னை அடையாளம் காண மட்டும் உதவவில்லை. எதிர்பாராத தருணங்களில் உறுதியுடன் இருப்பதற்கான நம்பிக்கையை கொடுத்துள்ளது. உங்களால் நான் மகிழ்ச்சியாக எதிர்காலத்தை நோக்கி முன்னேறுகிறேன்” என பதிவிட்டுள்ளார்.

நடிகர் அஜித்குமாரின் அடுத்த படத்தை இயக்குநர் விக்னேஷ் சிவன் இயக்க உள்ளதாக தகவல் வெளியானது. விக்னேஷ் சிவனும் உறுதி செய்திருந்தார். ஆனால், சில பிரச்சனைகள் காரணமாக விக்னேஷ் சிவன் அந்த படத்தில் இருந்து விலகியதாகவும் கூறப்பட்டது. இதை தொடர்ந்து விக்னேஷ் சிவன் தனது டிவிட்டர் கவர், ப்ரோபைல் இமேஜ்களை மாற்றியிருந்தார். அதற்கு பதிலாக மகிழ்திருமனி 'ஏகே 62' படத்தை இயக்க உள்ளதாகவும் தகவல் வெளியானது. விரைவில் அதிகாரப்பூர்வ அறிவிப்பு வெளியாகும் என கூறப்படுகிறது.

உடனிருந்தவர்களுக்கு நன்றி!

இந்த கடினமான காலங்களை சமாளிக்க உதவிய  கடவுளுக்கும்,  அனைத்து அன்பான மக்களுக்கும் நன்றி . உங்கள் அரவணைப்பு மற்றும் என் மீதான நம்பிக்கை என்னைக் கண்டறிய உதவியது மட்டுமல்லாமல், இந்த கணிக்க முடியாத, நிச்சயமற்ற சூழலில் உயிர்வாழ எனக்கு நம்பிக்கையையும் அளித்தது. இன்று, நான் மகிழ்ச்சியாக இருக்கிறேன். உங்கள் அன்பால், அக்கறையால் எதிர்காலத்தை வரவேற்க தயராகிறேன். எனது குடும்பத்தினர், நண்பர்கள், நலம் விரும்பிகள் மற்றும் சில இனிமையான ரசிகர்கள்.. உங்கள் அனைவருக்கும் நன்றி.

என் குழந்தைகளுடன் அனைத்து தருணங்களையும் சுவாசிக்கவும் உணரவும் எனக்கு சிறிது நேரம் கொடுத்த பிரபஞ்சத்திற்கு நன்றி !!! வாழ்க்கையில் நாம் அனுபவிக்கும் அனைத்து வலிகளிலும் நிறைய நன்மைகள் உள்ளன, பாராட்டும் வெற்றியும் நமக்குக் கற்பிப்பதை விட அவமானம் மற்றும் தோல்வியின் அனுபவம் நிறைய கற்றுக்கொடுக்கிறது! என்று பதிவிட்டிருந்தார்.

நயன்தாரா - விக்னேஷ் சிவன் குடும்பம்

கோலிவுட்டின் லேடி சூப்பர் ஸ்டாராகக் கொண்டாடப்படும் நயன்தாரா கடந்த ஆண்டு ஜூன் மாதம் தமிழ் சினிமாவின் பிரபல இயக்குநரும் தன் நீண்ட நாள் காதலருமான விக்னேஷ் சிவனை திருமணம் செய்துகொண்டதுடன் வாடைகைத் தாய் மூலம் இரட்டைக் குழந்தைகளுக்குத் தாயானார்.

உயிர். உலகம் எனக் குழந்தைகளுக்குப் பெயரிட்டு தங்கள் பெர்சனல் பக்கங்களை அவ்வளவாக வெளிப்படுத்தாமல், மீடியா வெளிச்சமின்றி தன் குழந்தைகளை வளர்த்து வருகின்றனர் நயன்தாரா - விக்னேஷ் சிவன் தம்பதியினர்.

குடும்ப வாழ்வில் நுழைந்தபோதும், தங்கள் சினிமா பயணத்தையும் தெளிவாகத் திட்டமிட்டு இருவரும் பயணித்து வரும் நிலையில், இவர்களது புகைப்படங்களும் வீடியோக்களும் தொடர்ந்து ட்ரெண்டாகி வருகின்றன. சமீபத்தில் கூட, இருவரும் குழந்தைகளை அழகாக தூக்கிக் கொண்டு சென்றபோது, மீடியாவிடம்ப் ‘ப்ளீஸ் குழந்தைகள் இருக்காங்க. ஃபோட்டோ வேண்டாமே!. என்று கேட்டுக்கொண்டனர். இருவரும் சமூக வலைதளத்தில் க்யூட் குடும்பமாக திகழ்கின்றனர்.

---