Trisha: அருவருப்பாக உள்ளது! அ.தி.மு.க. முன்னாள் நிர்வாகி மீது சட்ட நடவடிக்கை - நடிகை திரிஷா அறிவிப்பு

அ.தி.மு.க. முன்னாள் நிர்வாகி ஏ.வி.ராஜூயின் பேச்சு அருவருப்பாக உள்ளது என்றும், அவர் மீது சட்ட நடவடிக்கை எடுக்கப்படும் என்றும் திரிஷா தெரிவித்துள்ளார்.

திரிஷா

சேலம் மாவட்ட அ.தி.மு.க. ஒன்றிய செயலாளராக பொறுப்பு வகித்தவர் ஏ.வி.ராஜூ. ஜெயலலிதா மறைவிற்கு பிறகு கூவத்தூரில் அ.தி.மு.க. எம்.எல்.ஏ.க்கள் தங்க வைக்கப்பட்டிருந்தபோது நடந்த சம்பவங்கள் என்று இவர் நேற்று நிருபர்கள் முன்பு கூறிய சம்பவங்கள் பெரும் அதிர்ச்சியை ஏற்படுத்தியுள்ளது.

சட்ட நடவடிக்கை:

குறிப்பாக, தங்க வைக்கப்பட்டிருந்த அ.தி.மு.க. எம்.எல்.ஏ.க்களையும், நடிகையும் திரிஷாவையும் அவர் தொடர்புபடுத்தி அவர் கூறியது பெரும் சர்ச்சையை ஏற்படுத்தியது. இந்த விவகாரம் பெரும் பூதாகரமாக கிளம்பியுள்ள நிலையில், நடிகை திரிஷா இதுதொடர்பாக தனது இன்ஸ்டாகிராம் பக்கத்தில் கண்டனத்தை பதிவு செய்துள்ளார்.

It's disgusting to repeatedly see low lives and despicable human beings who will stoop down to any level to gain https://t.co/dcxBo5K7vL assured,necessary and severe action will be taken.Anything that needs to be said and done henceforth will be from my legal department.

— Trish (@trishtrashers) February 20, 2024

இதுதொடர்பாக திரிஷா தனது இன்ஸ்டாகிராம் பக்கத்தில் பதிவிட்டுள்ளதாவது, கவனத்தை ஈர்ப்பதற்காக எந்த நிலைக்கும் கீழே இறங்கும் கீழ்த்தரமான மனிதர்களையும், கேவலமான மனிதர்களையும் திரும்ப திரும்பப் பார்ப்பது அருவருப்பானது. எனது தரப்பில் இருந்து கடுமையான சட்ட நடவடிக்கை எடுக்கப்படும் என்று பதிவிட்டுள்ளார்.

கூவத்தூர் விவகாரம்:

கடந்த சில மாதங்களுக்கு முன்பு திரிஷா குறித்து நடிகர் மன்சூர் அலிகான் பேசியது சர்ச்சையை  ஏற்படுத்திய நிலையில், தற்போது மீண்டும் திரிஷா குறித்து அ.தி.மு.க. நிர்வாகி ஒருவர் பேசியிருப்பத பெரும் பரபரப்பை ஏற்படுத்தியுள்ளது. இந்த விவகாரம் தமிழ்நாடு அரசியல் வட்டாரத்திலும், கோலிவுட் வட்டாரத்திலும் பரபரப்பை ஏற்படுத்தவும் ஏ.வி. ராஜூவை கட்சியின் அடிப்படை உறுப்பினர் உள்ளிட்ட பதவிகளில் இருந்து நீக்குவதாகவும் அ.தி.மு.க. பொதுச்செயலாளர் எடப்பாடி பழனிசாமி அறிவித்தார். 

ஏ.வி. ராஜூ திரிஷா மட்டுமின்றி முன்னாள் எம்.எல்.ஏ. கருணாஸ், வெங்கடாச்சலம் ஆகியோர் பற்றியும் சர்ச்சைக்குரிய கருத்துக்களை கூறியதும் பரபரப்பை ஏற்படுத்தியது. இதுதொடர்பாக, கருணாஸ் எந்த கருத்தையும் தெரிவிக்கவில்லை. ஜெயலலிதா மறைவிற்கு பிறகு அ.தி.மு.க.வில் ஏற்பட்ட உட்கட்சி மோதல் காரணமாக கூவத்தூரில் சசிகலா ஆதரவு அ.தி.மு.க. எம்.எல்.ஏ.க்கள் அப்போது தங்க வைக்கப்பட்டிருந்தனர். அங்கேதான் தமிழ்நாட்டின் முதலமைச்சராக எடப்பாடி பழனிசாமி தேர்வு செய்யப்பட்டார் என்பதும் குறிப்பிடத்தககது.

மன்சூர் அலிகான் திரிஷா குறித்து பேசிய விவகாரம் பெரும் சர்ச்சையை ஏற்படுத்தி அடங்கிய நிலையில், தற்போது மீண்டும் திரிஷா குறித்து அ.தி.மு.க. முன்னாள் நிர்வாகி சர்ச்சைக்குரிய வகையில் பேசியிருப்பது பரபரப்பை ஏற்படுத்தியுள்ளது. 

மேலும் படிக்க: Karthigai Deepam: தீபாவுக்கு கிடைத்த பெரிய வாய்ப்பு‌.. கார்த்திகை தீபம் இன்றைய எபிசோட் அப்டேட்

மேலும் படிக்க: Manisha Koirala: மனிஷா கொய்ராலா நியாபகம் இருக்கா? - அதிர்ச்சியளிக்கும் அவரின் தற்போதைய நிலை!