Top Entertainment Headlines Today: அட்லீ - பிரியா தம்பதி குழந்தை பெயர்.. விபத்தில் சிக்கிய பாடகி... இன்றைய டாப் சினிமா செய்திகள்

Top Entertainment Headlines Today May 7: இன்றைய தினத்தில் திரையுலகத்தில் என்னென்ன நடந்தது என்பதை கீழே காணலாம்.

அட்லீ, ப்ரியா, ரக்‌ஷிதா சுரேஷ்

குழந்தைக்கு வித்தியாசமான பெயர்.. நெட்டிசன்களின் கவனத்தை ஈர்த்த அட்லீ - ப்ரியா தம்பதி..!

இயக்குநர் அட்லீ - ப்ரியா தம்பதி தங்கள் குழந்தையின் பெயரை முதன்முறையாக இணையத்தில் அறிவித்துள்ளனர். கோலிவுட்டின் பிரம்மாண்ட இயக்குநர் ஷங்கரின் பட்டறையில் தொடங்கி, இன்று பாலிவுட் சூப்பர் ஸ்டார் ஷாருக்கானை இயக்கும் அளவுக்கு வளர்ந்துள்ளவர் இயக்குநர் அட்லீ. இவரும் விஜய் டிவியின் கனா காணும் காலங்கள் தொடரில் அறிமுகமாகி தொலைக்காட்சி, சினிமா என பிரபலமாக வலம் வந்த ப்ரியாவும் 2014ஆம் ஆண்டு திருமணம் செய்து கொண்டனர். மேலும் படிக்க

மலேசியாவில் மோசமான கார் விபத்தில் சிக்கிய 'பொன்னியின் செல்வன்' பட பாடகி ரக்‌ஷிதா!

பொன்னியின் செல்வன் திரைப்படத்தில் பாடிய பாடகி, சூப்பர் சிங்கர் புகழ் ரக்‌ஷிதா மோசமான கார் விபத்தில் சிக்கியது அதிர்ச்சியை ஏற்படுத்தியுள்ளது. விஜய் டிவியின் சூப்பர் சிங்கர் நிகழ்ச்சியில் தன் சிறு வயது முதலே பாடத் தொடங்கி புகழ் வெளிச்சத்துக்கு வந்தவர் பாடகி ரக்‌ஷிதா. சூப்பர் சிங்கர் ஜூனியரிலேயே பெரும் ரசிகர் பட்டாளத்தைப் பெற்ற ரக்‌ஷிதா, இறுதியாக 2018ஆம் ஆண்டு சூப்பர் சிங்கர் சீசன் 6 நிகழ்ச்சியிலும் கலந்துகொண்டு ஓட்டுகளை அள்ளினார். மேலும் படிக்க

தமிழ்நாட்டில் இன்று முதல் ’தி கேரளா ஸ்டோரி’ திரையிடப்படாது என அறிவிப்பு... இதுதான் காரணம்!

சர்ச்சையைக் கிளப்பி வரும் தி கேரளா ஸ்டோரி திரைப்படம் இன்று முதல் தமிழ்நாட்டில் திரையிடப்படாது என  மல்டிப்ளெக்ஸ் திரையரங்குகள் அறிவித்துள்ளன. கேரளாவில் இந்து மற்றும் கிறிஸ்துவ பெண்கள் கட்டாய இஸ்லாமிய மதத்துக்கு மாற்றம் செய்யப்பட்டு ஐஎஸ்ஐஎஸ் அமைப்பில் சேர்க்கப்படுவது போன்ற கதைக்களத்துடன் ‘தி கேரளா ஸ்டோரி’ எனும் படத்தின் ட்ரெய்லர் கடந்த ஏப்ரல் 26ஆம் தேதி வெளியானது. மேலும் படிக்க

கங்குவா லுக்கில் வெயிட் ஏற்றிய சூர்யா.. கொடைக்கானலில் பிரியாணி விருந்து... லைக்ஸ் அள்ளும் ஃபோட்டோ!

பெரும் எதிர்பார்ப்புகளுக்கு மத்தியில  சிறுத்தை சிவா இயக்கத்தில் பிரம்மாண்டமாக பீரியட் படமாக  நடிகர் சூர்யாவின் கங்குவா திரைப்படம் தயாராகி வருகிறது. சூர்யாவின் 42ஆவது படமான இந்தப் படத்தை யூவி கிரியேஷன்ஸ் - ஸ்டுடியோ கிரீன் தயாரிக்கிறது. பதினாறாம் நூற்றாண்டில் கதை நடப்பது போலவும், ஃபேண்டஸி கதையாகவும் இப்படம் தயாராகி வரும் நிலையில், 13 கதாபாத்திரங்களில் சூர்யா நடிப்பதாகவும் சூர்யாவின் கரியரில் தயாராகும் மிக பிரம்மாண்டமான படமாக இப்படம் இருக்கும் என ரசிகர்கள் உற்சாகம் தெரிவித்து வருகின்றனர். மேலும் படிக்க

பரதேசியாக நடித்தாலும் முப்பொழுதும் உன் கற்பனைகளே... டீன்ஸ் ஹார்ட் த்ரோப் அதர்வா பிறந்தநாள் 

கோலிவுட்டின் ஹார்ட் த்ரோப் அதர்வா இன்று தனது 34 வது பிறந்தநாளை கொண்டாடுகிறார். 80'ஸ், 90'ஸ் கிட்ஸ்களின் ஃபேவரட் நடிகராக திகழந்த நடிகர் முரளியின் மகன் அதர்வா ஒரு பைலட்டாக வேண்டும் என்றே விரும்பியுள்ளார். ஒரு சில திரைப்படங்களில் நடித்த பிறகு நடிப்பில் மிகுந்த ஈடுபாடு கொண்டு தற்செயலாக நடிகரானவர். தான் நடிக்கும் ஒவ்வொரு திரைப்படத்தையும் மிகவும் நேர்த்தியாகவும் சவாலான கதாபாத்திரங்களை தேர்வு செய்து நடித்து வருகிறார். மேலும் படிக்க