Suriya : அஜித் இல்ல விஜய் இல்ல...சூர்யா தான் கஷ்டம்.. இயக்குநர் வெங்கட் பிரபு ஓபன் டாக்

விஜய் அஜித் சூர்யா ஆகிய மூவரில் நடிகர் சூர்யாவுடன் பணியாற்றுவது தான் மிக சவாலானது என தி கோட் படத்தின் இயக்குநர் வெங்கட் பிரபு தெரிவித்துள்ளார்

சூர்யா , வெங்கட் பிரபு , தி கோட்

Source : Twitter

தி கோட் 

சென்னை 28 படத்தின் மூலம் இயக்குநராக அறிமுகமானவர் இயக்குநர் வெங்கட் பிரபு . தொடர்ந்து கோவா , சரோஜா  உள்ளிட்ட படங்களின் வழி தனக்கென ஒரு தனித்துவமான பாணியை உருவாக்கி ரசிகர்களை கவர்ந்தார். சிறிய பட்ஜெட்டில் சின்ன சின்ன நடிகர்களை வைத்து காமெடி ஜானரில் படங்களை இயக்கிவந்த வெங்கட் பிரபு தன்னால் பெரிய ஸ்டார்களை வைத்து மாஸான படங்களையும் கொடுக்க முடியும் என நிரூபித்தது மங்காத்தா படம். தொடர்ந்து சூர்யாவுடன் மாஸ் என்கிற மாஸிலாமணி  தற்போது விஜயின் தி கோட் படத்தை இயக்கியுள்ளார் வெங்கட் பிரபு. அடுத்தபடியாக சிவகார்த்திகேயன் படத்தை இயக்கவிருப்பதாகவும் வெங்கட் பிரபு சமீபத்தில் தெரிவித்துள்ளார்.

சூர்யாவுடன் வேலை செய்வது தான் சவாலானது

தி கோட் படத்தின் ப்ரோமோஷன் நிகழ்ச்சிகளில் பேசிய வெங்கட் பிரபு விஜய் அஜித்தைக் காட்டிலும் சூர்யாவுடன் வேலை செய்வது தான் அதிக சவாலான வேலை என்று தெரிவித்துள்ளார். “விஜய் அஜித்திடம் கூட ஒரு படத்தின் ஒன்லைன் சொல்லி நான் சம்மதம் வாங்கிவிட்டேன் , ஆனால் சூர்யாவிடம் நான் நிறைய கதைகளை சொல்ல வேண்டியதாக இருந்தது. சூர்யா திரைக்கதையில் மிக அதிக கவனம் செலுத்தக்கூடிய ஒரு நபர். அதனால் ஒரு கதையை அவரிடம் சொல்லி அவருடைய சம்மதம் வாங்குவது என்பது சவாலான ஒரு காரியம். ஆனால் திரைக்கதையில் எல்லா திருத்தங்களையும் செய்துவிட்டால் அதற்குபிறகு அவர் கதையில் தலையிடமாட்டார். நீங்கள் என்ன கேட்டாலும் அதை நடித்து கொடுப்பார். “ என்று வெங்கட் பிரபு தெரிவித்துள்ளார். 

#Venkataprabhu about #Suriya ⭐:

• I Got approval from #Ajith sir and #Vijay with just one liner.. but for #Suriya sir, I had to work so many different scripts..✌️

• He's very much into scripts.. So Getting approval is a tough part.. but once u get the approval, there's no… pic.twitter.com/UQj78gsdX6

— Laxmi Kanth (@iammoviebuff007) August 27, 2024

தி கோட்

வெங்கட் பிரபு இயக்கத்தில் விஜய் நடித்துள்ள படம் தி கோட். எ.ஜி.எஸ் என்டர்டெயின்மெண்ட் தயாரித்துள்ள இப்படத்திற்கு யுவன் ஷங்கர் ராஜா இசையமைத்துள்ளார். பிரசாந்த், பிரபு தேவா, சினேகா, லைலா, மோகன், மீனாக்‌ஷி செளதரி, வைபவ் , பிரேம்ஜி , ஜெயராம் உள்ளிட்ட பல்வேறு நட்சத்திரங்கள் இப்படத்தில் நடித்துள்ளார்கள். யுவன் ஷங்கர் ராஜா இப்படத்திற்கு இசையமைத்துள்ளார். வரும் செப்டம்பர் 5 ஆம் தேதி இப்படம் திரையரங்குகளில் வெளியாக இருக்கிறது. தி கோட் படத்தின் ப்ரோமோஷன் வேலைகளை படக்குழு துவங்கியுள்ளது.