![metaverse](https://cdn.abplive.com/imagebank/metaverse-top.png)
The GOAT: விஜய்யின் தி கோட் பட தொலைக்காட்சி உரிமையை தட்டித்தூக்கிய பிரபல சேனல்.. இத்தனை கோடிகளா!
The GOAT Satellite Digital Rights: வெங்கட் பிரபு இயக்கத்தில் விஜய் நடித்துள்ள தி கோட் படத்தின் தொலைக்காட்சி உரிமையை 90 கோடிகளுக்கு பிரபல சேனல் கைப்பற்றியுள்ளதாகத் தகவல்.
![The GOAT: விஜய்யின் தி கோட் பட தொலைக்காட்சி உரிமையை தட்டித்தூக்கிய பிரபல சேனல்.. இத்தனை கோடிகளா! Thalapathy Vijay The GOAT Movie Satellite Rights Bagged By Vijay TV 90 Crore OTT Rights Netflix The GOAT: விஜய்யின் தி கோட் பட தொலைக்காட்சி உரிமையை தட்டித்தூக்கிய பிரபல சேனல்.. இத்தனை கோடிகளா!](https://feeds.abplive.com/onecms/images/uploaded-images/2024/06/12/a4987160be6f863ec3ee4b7f96ed2e131718204933381574_original.jpg?impolicy=abp_cdn&imwidth=1200&height=675)
தமிழ் சினிமாவில் இந்த ஆண்டு பெரும் ஆவலுடன் ரசிகர்கள் எதிர்பார்த்துக் காத்திருக்கும் உச்ச நட்சத்திரங்களின் திரைப்படங்களில் ஒன்று விஜய்யின் ‘தி கோட்’ - தி கிரேட்டஸ் ஆஃப் ஆல் டைம் (The GOAT).
விஜய்யின் 68ஆவது படம்
ஏஜிஎஸ் நிறுவனம் தயாரித்துள்ள இந்தப் படத்தின் இறுதிக்கட்ட ஷூட்டிங் முன்னதாக ரஷ்யா, துபாய் உள்ளிட்ட பகுதிகளில் நடைபெற்ற நிலையில், மற்றொருபுறம் எடிட்டிங், டப்பிங் உள்ளிட்ட போஸ்ட் ப்ரொடக்ஷன் பணிகள் முழுவீச்சில் நடைபெற்று வருகின்றன. நடிகர் விஜய்யின் 68ஆவது படமாக உருவாகியுள்ள தி கோடி படத்தில் நடிகர்கள் பிரஷாந்த், பிரபு தேவா, மோகன், ஜெயராம், பிரேம்ஜி, அஜ்மல், நடிகைகள், சினேகா, லைலா, மீனாட்சி சவுத்ரி எனப் பெரும் நட்சத்திரப் பட்டாளமே நடித்துள்ளது. புதிய கீதை படத்துக்குப் பிறகு இசையமைப்பாளர் யுவன் ஷங்கர் ராஜா இப்படத்தில் விஜய்யுடன் இணைந்து எதிர்பார்ப்புகளை எகிறச் செய்துள்ளார்.
தொலைக்காட்சி உரிமை
வரும் செப்.5ஆம் தேதி தி கோட் திரைப்படம் வெளியாகும் என ஏற்கெனவே அறிவிக்கப்பட்டுவிட்ட நிலையில், படத்தின் விஎஃபெக்ஸ் காட்சிகள் நடைபெறும் புகைப்படத்தை சமீபத்தில் வெங்கட் பிரபு பகிர்ந்திருந்தார். இந்நிலையில், தி கோட் படத்தின் தொலைக்காட்சி உரிமையை விஜய் தொலைக்காட்சி நிறுவனம் ரூ.90 கோடிகளுக்குக் கைப்பற்றியுள்ளதாகத் தகவல் வெளியாகியுள்ளது.
ஏற்கெனவே தி கோட் படத்தின் ஓடிடி உரிமையை நெட்ஃப்ளிக்ஸ் நிறுவனம் ரூ.125 கோடிகளுக்கு பெற்றுவிட்டதாகத் தகவல்கள் வெளியாகியுள்ளது குறிப்பிடத்தக்கது.
கலவையான விமர்சனங்களைப் பெற்ற விசில் போடு
தி கோட் படத்தின் முதல் சிங்கிளான விசில் போடு பாடல் முன்னதாக வெளியாகி கலவையான விமர்சனங்களைப் பெற்றது. நடிகர் விஜய்யின் குரலில் இந்தப் பாடல் அமைந்திருந்தபோதும் இந்தப் பாடலுக்கு இன்றைய 2கே கிட்ஸ் இணையத்தில் அதிருப்தி தெரிவித்த நிலையில், விஜய்யின் குரலிலேயே அடுத்த பாடல் விரைவில் வெளியாக உள்ளதாகத் தகவல் வெளியாகியுள்ளது. மேலும் தி கோட் படத்தின் இசை வெளியீட்டு விழா ஆகஸ்ட் மாதம் பிரமாண்டமாக நடைபெறும் எனவும் எதிர்பார்க்கப்படுகிறது.
மேலும் வரும் ஜூன் 22ஆம் தேதி நடிகர் விஜய் தன் 50ஆவது பிறந்தநாளைக் கொண்டாடும் நிலையில் அன்றைய தினம் தி கோட் படத்தின் சிறப்பு அப்டேட் ஒன்று வெளியாகும் என்றும் விஜய் ரசிகர்கள் உற்சாகத்துடன் எதிர்பார்த்துக் காத்துள்ளனர்.
மேலும் படிக்க: Actor Darshan : கொலை வழக்கில் சிக்கிய கன்னட நடிகர்..7 நாட்கள் காவல்துறை கண்காணிப்பில் வைக்க நீதிமன்றம் உத்தரவு
தலைப்பு செய்திகள்
ட்ரெண்டிங் செய்திகள்
![metaverse](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)