Kanguva Surya: கங்குவா லுக்கில் வெயிட் ஏற்றிய சூர்யா.. கொடைக்கானலில் பிரியாணி விருந்து... லைக்ஸ் அள்ளும் ஃபோட்டோ!

கங்குவா படத்தின் கொடைக்கானல் ஷூட்டிங் நிறைவடைந்ததாகவும், சூர்யா படக்குழுவினருக்கு பிரியாணி விருந்து வைத்து அசத்தியதாகவும் தகவல்கள் வெளியாகியுள்ளன.

கொடைக்கானலில் சூர்யா

பெரும் எதிர்பார்ப்புகளுக்கு மத்தியில  சிறுத்தை சிவா இயக்கத்தில் பிரம்மாண்டமாக பீரியட் படமாக  நடிகர் சூர்யாவின் கங்குவா திரைப்படம் தயாராகி வருகிறது.

சூர்யாவின் 42ஆவது படமான இந்தப் படத்தை யூவி கிரியேஷன்ஸ் - ஸ்டுடியோ கிரீன் தயாரிக்கிறது. பதினாறாம் நூற்றாண்டில் கதை நடப்பது போலவும், ஃபேண்டஸி கதையாகவும் இப்படம் தயாராகி வரும் நிலையில், 13 கதாபாத்திரங்களில் சூர்யா நடிப்பதாகவும் சூர்யாவின் கரியரில் தயாராகும் மிக பிரம்மாண்டமான படமாக இப்படம் இருக்கும் என ரசிகர்கள் உற்சாகம் தெரிவித்து வருகின்றனர்.

பாலிவுட் நடிகை திஷா பதானி முதன்முறையாக இந்தப் படத்தில் சூர்யாவுடன் ஜோடி சேர்ந்துள்ள நிலையில், நடிகை மிருணாள் தாக்கூர் மற்றொரு கதாநாயகி என தகவல்கள் வெளியாகி வருகின்றன. முக்காட்டார், அரத்தர், மண்டாங்கர், வெண்காட்டார், பெருமனத்தார் என இந்தப் படத்தில் சூர்யா கதாபாத்திரத்தின் வித்தியாசமான பெயர்களும் முன்னதாக அறிவிக்கப்பட்டன. 

முன்னதாக இப்படத்தின் படப்பிடிப்பு கோவா,பிஜூ தீவுகள் என நடைபெற்று வந்த நிலையில், இரண்டு வாரங்களுக்கு முன் கொடைக்கானலில் ஷூட்டிங் தொடங்கி நடைபெற்று வந்தது. 

இந்நிலையில், கங்குவா படத்தின் கொடைக்கானல் ஷூட்டிங் நிறைவடைந்ததாகவும், சூர்யா படக்குழுவினருக்கு பிரியாணி விருந்து வைத்து அசத்தியதாகவும் தகவல்கள் வெளியாகியுள்ளன.

மேலும் கங்குவா கெட் அப்பில் இருக்கும் கொடைக்கானல் ஷூட்டிங் தளத்தில் படத்தின் சண்டைப் பயிற்சியாளருடன் சூர்யா இருக்கும் புகைப்படமும் இணையத்தில் லைக்ஸ் அள்ளி வருகிறது. 

 

❤️😀 actor surya with my stunt assistant balajie #kanguva shooting 🌧️ pic.twitter.com/9PXS7H7Or6

— Supreme Sundar (@SupremeSundar_) May 7, 2023

கங்குவா படத்தில் சூர்யாவின் முகம் தெரியும்படியான போஸ்டர்கள் இதுவரை எதுவும் வெளியாகாத நிலையில், தன் கதாபாத்திரத்துக்காக சூர்யா எடைக் கூட்டியுள்ளது இந்தப் புகைப்படத்தில் தெரிகிறது. இந்நிலையில் சூர்யா ரசிகர்கள் உற்சாகமாக இந்தப் புகைப்படத்தை இணையத்தில் ட்ரெண்ட் செய்து வருகின்றனர்.

கொடைக்கானலில் கடந்த வாரத்தில் மழை பொழிந்தாலும் அதனைப் பொருட்படுத்தாது, படக்குழுவினர் முழுவீச்சில் படப்பிடிப்பில் ஈடுபட்டதாகவும், அடுத்தக்கட்ட படப்பிடிப்பு விரைவில் தொடங்கும் எனவும் சமூகவலைதளத்தில் தகவல் பரிமாறப்பட்டு வருகிறது.

முன்னதாக கங்குவா படத்தின் தென்னிந்திய உரிமை அமேசான் ஓடிடி தளத்தில் 80 கோடி ரூபாய்க்கு விற்பனையானதாகவும் இது வரை எந்த ஒரு தென்னிந்திய திரைப்படமும் இந்தத் தொகைக்கு விற்பனையானதில்லை எனவும் படத்தயாரிப்பாளர் ஞானவேல் ராஜா தெரிவித்திருந்தது குறிப்பிடத்தக்கது.

மேலும் படிக்க: Ilayaraja Controversy Tweet: மனோபாலாவை கொச்சைப்படுத்தி தற்பெருமை பேசுவதா? - இளையராஜாவிடம் கொந்தளிக்கும் நெட்டிசன்கள்