![ABP Premium](https://cdn.abplive.com/imagebank/Premium-ad-Icon.png)
Sardar hits 100 crores : 100 கோடி வசூல் செய்த சர்தார்... படக்குழுவினர் வெளியிட்ட அதிகாரபூர்வமான அறிவிப்பு
சிவகார்த்திகேயனின் பிரின்ஸ் திரைப்படம் எதிர்பார்த்த அளவு வெற்றியை தராமல் நெகடிவ் விமர்சனங்களை பெற்றதாலும், சர்தார் திரைப்படத்திற்கு மக்களின் பேராதரவு கிடைத்தது.
![Sardar hits 100 crores : 100 கோடி வசூல் செய்த சர்தார்... படக்குழுவினர் வெளியிட்ட அதிகாரபூர்வமான அறிவிப்பு Sardar movie hits 100 crores worldwide official announcement from received Sardar hits 100 crores : 100 கோடி வசூல் செய்த சர்தார்... படக்குழுவினர் வெளியிட்ட அதிகாரபூர்வமான அறிவிப்பு](https://feeds.abplive.com/onecms/images/uploaded-images/2022/11/07/ef3e364c8b14dd3ed18e3b3b20cace461667810801764224_original.jpg?impolicy=abp_cdn&imwidth=1200&height=675)
தீபாவளி வெளியீடாக பிரின்ஸ் பிக்சர்ஸ் சார்பில் S.லக்ஷ்மன் குமார் தயாரிப்பில் நடிகர் கார்த்தி நடிப்பில், இயக்குனர் P S மித்ரன் இயக்கத்தில் வெளியான திரைப்படம் “சர்தார்”. உளவாளி கதையை மையமாக வைத்து அரசியல், காமெடி கலந்த கமர்ஷியல் மசாலா திரைப்படமாக வெளியான இப்படம் ரசிகர்கள் மத்தியில் அமோக வரவேற்பை பெற்றது.
நேரடியாக சிவகார்த்திகேயனுடன் மோதிய கார்த்தி :
நடிகர் சிவகார்த்திகேயனின் 'பிரின்ஸ்' திரைப்படத்தோடு நேரடியாக மோதியது நடிகர் கார்த்தியின் 'சர்தார்' திரைப்படம். தமிழ் சினிமாவின் முன்னணி நடிகராக இருக்கும் கார்த்தி தனது திரைப்படங்களை மிகவும் நேர்த்தியாக தேர்ந்தெடுத்து நடித்து வருகிறார். அந்த வகையில் இப்படத்தில் பல கெட்-அப், பல லொகேஷன் என ஒரு வித்தியாசமான கார்த்தியாக ரசிகர்களை கவர்ந்தார்.
Official from team #Sardar - film hits 100crores worldwide. Congratulations @Karthi_Offl and the entire team 🎉 pic.twitter.com/nbqH0Mr9LM
— Rajasekar (@sekartweets) November 7, 2022
'பிரின்ஸ்' பிளாப்பால் 'சர்தார்' படத்திற்கு மக்கள் பேராதரவு :
படம் வெளியான முதல் நாள் கலவையான விமர்சனங்களை பெற்று இருந்தாலும் இரண்டாவது நாளில் இருந்து சூடு பிடிக்க ஆரம்பித்தது. மேலும் சிவகார்த்திகேயனின் பிரின்ஸ் திரைப்படம் எதிர்பார்த்த அளவு வெற்றியை தராமல் நெகடிவ் விமர்சனங்களை பெற்றதாலும், சர்தார் திரைப்படத்திற்கு மக்களின் பேராதரவு கிடைத்தது.
உலகளவில் 100 கோடி வசூல் செய்த சர்தார் :
வெளியான 2 வது வாரத்திலேயே உலகளவில் சுமார் 80 கோடியை வசூல் செய்த திரைப்படம் பாக்ஸ் ஆபிசில் இன்று 100 கோடியை வசூலை எட்டியுள்ளது என்ற அதிகாரபூர்வமான தகவலை வெளியிட்டுள்ளனர் படக்குழுவினர். இந்த ஆண்டு நடிகர் கார்த்தி நடிப்பில் வெளியான 'விருமன்' மற்றும் 'பொன்னியின் செல்வன்' திரைப்படம் இரண்டுமே வசூல் ரீதியாகவும் விமர்சன ரீதியாகவும் நல்ல வரவேற்பை பெற்றதோடு அந்த பட்டியலில் "சர்தார்" திரைப்படமும் இணைந்துள்ளது. பிளாக் பஸ்டர் ஹிட் திரைப்படமாக வெற்றிபெற்ற சர்தார் திரைப்படத்தின் ஒட்டுமொத்த படக்குழுவினருக்கும் பாராட்டுக்கள் குவிந்து வருகின்றன.
#Sardar 17 Days Box Office Collection :-
— Box Office - South India (@BoxOfficeSouth2) November 7, 2022
Tamil Nadu : ₹47.25 Cr
Andhra & Nizam : ₹16.50 Cr
Karnataka : ₹3.65 Cr
Kerala : ₹1.35 Cr
Rest of India : ₹0.50 Cr
Overseas : ₹19.35 Cr / $2.35 Mn
Total Worldwide Gross : ₹88.60 Cr pic.twitter.com/i75qpbUOIC
மேலும் லோகேஷ் கனகராஜ் இயக்கத்தில் நடிகர் கார்த்தி நடிப்பில் 2019 ஆண்டு தீபாவளிக்கு வெளியான "கைதி" திரைப்படமும் ரசிகர்கள் மத்தியில் ஏகபோக வரவேற்பை பெற்று வசூலையும் குவித்தது என்பது குறிப்பிடத்தக்கது.
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)