Shaakuntalam: காதல் காவியமாக உருவாகும் சமந்தாவின் “சாகுந்தலம்” ... ரிலீஸ் தேதியை அறிவித்த படக்குழு
தமிழ் சினிமாவின் முன்னணி நடிகையாக உள்ள நடிகை சமந்தா மகாகவி காளிதாஸ் எழுதிய புராணக்கதையான சாகுந்தலத்தை தழுவி எடுக்கப்படும் படத்தில் நடித்துள்ளார்.
நடிகை சமந்தா நடித்துள்ள சாகுந்தலம் திரைப்படத்தின் ரிலீஸ் தேதியை படக்குழு அறிவித்துள்ளதால் ரசிகர்கள் மகிழ்ச்சியடைந்துள்ளனர்.
View this post on Instagram
தமிழ் சினிமாவின் முன்னணி நடிகையாக உள்ள நடிகை சமந்தா மகாகவி காளிதாஸ் எழுதிய புராணக்கதையான சாகுந்தலத்தை தழுவி எடுக்கப்படும் படத்தில் நடித்துள்ளார். இந்த படத்திற்கு “சாகுந்தலம்” என பெயரிடப்பட்டுள்ள நிலையில், இதில் சகுந்தலா என்ற கேரக்டரில் கதையின் நாயகியாக சமந்தா நடித்துள்ளார். மேலும் அதிதி பாலன், பிரகாஷ்ராஜ், கௌதமி, மோகன்பாபு, மதுபாலா, கபீர் சிங் உள்ளிட்ட பலரும் நடித்திருக்கும் நிலையில் குணசேகரன் இந்த படத்தை இயக்கியுள்ளார். மணிஷர்மா இப்படத்திற்கு இசையமைக்கிறார்.
View this post on Instagram
ஏற்கனவே சாகுந்தலம் படத்தின் ஃபர்ஸ்ட் லுக் போஸ்டர் கடந்த பிப்ரவரி மாதம் வெளியாகியிருந்தது. அதில் மான்கள், வெள்ளை மயில்கள், அன்னப்பறவைகளுக்கு நடுவே வெள்ளை தேவதையாய் சமந்தா இருக்கும் காட்சி ரசிகர்களை வெகுவாக கவர்ந்திருந்தது. தமிழ்,தெலுங்கு,மலையாளம்,இந்தி, கன்னடம் ஆகிய 5 மொழிகளில் இப்படம் வெளியாகவுள்ளது. இந்நிலையில் சாகுந்தலம் படத்தின் இறுதிக்கட்டப் பணிகள் விறுவிறுப்பாக நடைபெற்று வரும் நிலையில் ரிலீஸ் தேதியை படக்குழு தெரிவித்துள்ளது.
View this post on Instagram
அதன்படி சாகுந்தலம் படம் திரைப்படம் நவம்பர் 4 ஆம் தேதி வெளியாகும் என அறிவிக்கப்பட்டுள்ளது. இதுதொடர்பான போஸ்டரில் சமந்தாவும், தேவ் மோகனும் கட்டித்தழுவுவது போன்ற காட்சிகள் இடம்பெற்றுள்ளது. இது ரசிகர்களிடையே படம் குறித்து பெரும் எதிர்பார்ப்பை ஏற்படுத்தியுள்ளது.
தலைப்பு செய்திகள்
ட்ரெண்டிங் செய்திகள்
