பாலிவுட் பாட்ஷாவுக்கு வாழ்நாள் சாதனையாளர் விருது! இந்தியாவுக்கு பெருமை சேர்க்கும் ஷாருக்கான்!
மிக உயரிய விருதான Pardo alla Carriera Ascona-locarno Tourism எனப்படும் வாழ் நாள் சாதனையாளர் விருது பாலிவுட் நடிகர் ஷாருக்கானுக்கு வழங்கப்படும் என அறிவிக்கப்பட்டுள்ளது.
பாலிவுட் பாட்ஷா, பாலிவுட் சூப்பர் ஸ்டார் என்ற பெயரால் அனைத்து மக்களின் மனதை கவர்ந்தவர் நடிகர் ஷாருக்கான். பிரபல இந்தி நடிகரான இவருக்கு வயது 58 ஆகும். 1980களில் பல தொலைக்காட்சி தொடர்களில் தனது வாழ்வை தொடங்கி பின் 1992 இல் தனியார் தொலைக்காட்சி தொடரில் காதல் நாடகமான தீவானாவில் நடிகராக அறிமுகமாகி முன்னணி பாத்திரத்தில் நடித்ததன் மூலம் தனது நடிப்பை மக்கள் மத்தியில் அறிமுகமாக்கினார். தன்னுடைய இந்த நடிப்பிலேயே சிறந்த ஆண் அறிமுகத்திற்கான பிலிம்பேர் விருதை பெற்று மக்கள் மனதை வென்றார். சிறந்த நடிகர் மட்டுமின்றி சிறந்த தயாரிப்பாளரும் ஆவார். அதன்பின் தில்வாலே துல்ஹனியா லே ஜாயேங்கே, தில் தோ பாகல் ஹை, குச் குச் ஹோதா ஹை, மொஹப்பதீன், கபி குஷி கபி கம் உட்பட பல காதல் படங்களில் நடத்து அதிக வசூல் செய்த கான் தன்னை இத்துறையில் நிலை நிறுத்திக் கொண்டார். அதன் பின்னர் தனது அடுத்தடுத்த நடிப்பு மூலம் கோடிக்கணக்கான மக்களின் மனதிலும் இடம் பிடித்தார். பன்முக தன்மை கொண்ட கான் தனது நடிப்பு திறமையால் பெற்ற விருதுகளும் ஏராளம்.
குறிப்பாக பிரான்ஸ், மொராக்கோ நாட்டின் உயரிய விருதுகள், லண்டனின் சர்வதேச பன்முகத்தன்மை வாய்ந்தவர் விருது, தாதாசாகேப் பால்கே விருது என பல விருதுகளை பெற்றுள்ளார். இந்த வரிசையில் சுவட்சர்லாந்தில் உள்ள லோகார்னோவில் ஆண்டு தோறும் வழங்கப்படும் திரைப்பட விருது விழாவில் வாழ்நாள் சாதனையாளர் விருதை பெற இருக்கிறார். இதனால் இந்த விருதைப் பெரும் முதல் இந்தியர் என்ற பெருமையை பெறுகிறார்.. வரும் ஆகஸ்ட் 7 ஆம் தேதி தொடங்கி 17 ஆம் தேதி வரை நடைபெறும் 77வது திரைப்பட விருது விழாவான இவ்விழாவில் மிக உயரிய விருதான Pardo alla Carriera Ascona-locarno Tourism எனப்படும் வாழ் நாள் சாதனையாளர் விருது பாலிவுட் நடிகர் ஷாருக்கானுக்கு வழங்கப்படும் என அறிவிக்கப்பட்டுள்ளது.
இந்த விருதை இதற்கு முன்னர் இத்தாலி இயக்குநர் பிரான்செஸ்கோ ரோசி, அமெரிக்க பாடகர் நடிகர் ஹாரி பெலாபோன்டே மற்றும் மலேசிய இயக்குநர் சாய் மிங்-லியாங் ஆகியோர் பெற்றுள்ளனர். இந்த வரிசையில் தற்போது ஷாருக்கானுக்கு இந்தாண்டு வழங்கப்படவுள்ளது. மேலும் இந்த விருது வழங்கும் விழாவில் சஞ்சய் லீலா பன்சாலி இயக்கத்தில் ஷாருக்கான் நடிப்பில் கடந்த 2022 ஆம் ஆண்டு வெளியாகி வரவேற்பை பெற்ற தேவதாஸ் திரைப்படம் திரையிடப்பட உள்ளது. இந்த வரிசையில் இவரது நடிப்பில் கடந்த வருடம் வெளியான பதான், ஜவான் படங்களும் மிகப்பெரிய வெற்றி பெற்று ஒவ்வொரு படமும் ரூ.1000 கோடி வசூலை பெற்றது. ஆகஸ்ட் மாதம் விருதை பெறவுள்ள ஷாருக்கான் தொடர்ந்து ரசிகர்களின் கேள்வி பதில் நிகழ்ச்சியிலும் கலந்து கொள்ளவிருப்பது குறிப்பிடத்தக்கது..
தலைப்பு செய்திகள்
ட்ரெண்டிங் செய்திகள்
