Oppenheimer First Review: கிரிஸ்டோஃபர் நோலனின் ஓப்பன்ஹைமர் படம் ஒரு மாஸ்டர்பீஸ்.. படத்தைப் புகழ்ந்து தள்ளிய விமர்சகர்கள்..

பாரிஸில் நடைபெற்ற ஓப்பன்ஹைமர் படத்தை பார்த்த விமர்சகர்கள் படத்தைஒரு மாஸ்டர்பீஸ் என்று புகழ்ந்துள்ளார்கள்

ஓப்பன்ஹைமர். image source:twitter

ஹாலிவுட்டில் புகழ்பெற்ற இயக்குனரான கிறிஸ்டோஃப்ர் நோலன்  தற்போது  அனு ஆயுதத்தைக் முதல் முதலில்  கண்டுபிடித்தவரான ஒப்பன்ஹைமரின் வாழ்க்கை வரலாற்றை இயக்கி வருகிறார். இந்த படத்தில் ஓப்பன்ஹெய்மராக சிலியன் மர்ஃபி நடித்து வருகிறார். கடந்த இருபது ஆண்டுகளாக நோலனின் படங்களில் நடித்துவரும் சிலியன் மர்ஃபி முதல் முறையாக பிரதானக் கதாபாத்திரமாக நடித்துள்ளார். சின்காப்பி இன்க் மற்றும் அட்லாஸ் எண்டர்டெயின்மெண்ட் நிறுவனங்களின் சார்பில் நோலன், அவரின் மனைவி எம்மா தாமஸ் மற்றும் சார்லஸ் ரோவன் ஆகியோர் இணைந்து தயாரித்துள்ளார்கள்.  யூனிவர்சல் பிக்சர்ஸ் நிறுவனம் இப்படத்தை உலகம் முழுவதும் வெளியிட உள்ளது. புலிட்சர் விருது பெற்ற American Prometheus: The Triumph and Tragedy of J. Robert Oppenheimer எனும் புத்தகத்தை தழுவி இப்படம் உருவாகி வருகிறது.

கிராஃபிக்ஸ் காட்சிகளே இல்லாத படம்

 எப்போது தனது படங்களை முடிந்த அளவிற்கு தத்ரூபமாக எடுக்க நினைப்பவர் நோலன்.தற்போது ஓப்பன்ஹைமர் படத்தில் ஒரு படி மேலே சென்று மிக அசாத்தியமான ஒரு சாதனையைச் செய்துள்ளார் நோலன். கிட்டத்தட்ட 100 மில்லியன் செலவில் உருவாகியிருக்கும் இந்தப் படம் ஒரு கிராஃபிக்ஸ் காட்சிகள் கூட இல்லாமல் முற்றிலும் தத்ரூபமாக எடுக்கப்பட்டுள்ளது.

பாராட்டுக்களை பெறும் ஓப்பன்ஹைமர்

வரும் ஜூலை 21 ஆம் தேதி திரைய்ரங்குகளில் வெளியாக இருக்கும் ஓப்பன்ஹைமர் படம் எப்படி இருக்க்அபோகிறது என்கிற ஆர்வம் அனைவரிடமும் இருந்து வருகிறது. இந்நிலையில் கடந்த 11 ஆம் தேதி பாரிஸில் ஓப்பன்ஹைமர் படத்தின் சிறப்புக் காட்சி திரையிடப்பட்டது. இதில் கலந்துகொண்ட சர்வதேச பத்திரிகைகள்  படம் குறித்த தங்களது விமர்சனங்களை வெளியிட்டுள்ளன. நாம் எதிர்பார்த்த பதில்தான் அவர்களிடம் இருந்து வந்திருக்கிறது. “ஓப்பன்ஹைமர் ஒரு மிகத் தீவிரமான அதே நேரத்தில் ஒரு மாஸ்டர்பீஸ்” என்று அந்தப் படத்தைப் புகழ்ந்துள்ளார்கள் அவர்கள். இந்த தகவலை தெரிந்து கொண்ட பிறகு தங்களது பயத்தை விட்டு  ரசிகர்கள் செய்ய வேண்டியது படம் வெளியாகும் வரை காத்திருப்பது மட்டும்தான்.

கிறிஸ்டோஃபர் நோலன்

அனைத்து வகையிலும் ஒரு தரமான திரைப்படத்தை எப்படி உருவாக்க வேண்டும் என்பதற்கு, உலக திரைப்பட கலைஞர்களுக்கு ஒரு ஆகச்சிறந்த முன்னோடியாக விளங்குபவர் பிரபல ஹாலிவுட் இயக்குநர் கிறிஸ்டோபர் நோலன்.  நேர்த்தியான மேக்கிங் மற்றும் வித்தியாசமான கதைக்களங்கள் அவருக்கான அடையாளமாக உருவாகியுள்ளது. முழுமையான கமர்சியல் கதாபாத்திரமான பேட் மேனை மையப்படுத்தியே அனைவரும் ஏற்றுக்கொள்ளும் வகையிலான கதைக்களத்தை உருவாக்கி பெரும் வெற்றி கண்டவர் நோலன் என்பது குறிப்பிடத்தக்கது. இந்நிலையில், கடந்த 2020ம் ஆண்டு வெளியான டெனட் திரைப்படத்தை தொடர்ந்து தற்போது ஓப்பன்ஹெய்மர் திரைப்படத்தை இயக்கியிருக்கிறார் வருகிறார் நோலன்.