Ponniyin Selvan : இதுதாங்க பொன்னியின் செல்வன் படத்துல விக்ரமோட டெடிக்கேஷன்.. ஓப்பன் பண்ண நிழல்கள் ரவி..!
நிழல்கள் ரவி, பொன்னியின் செல்வன் திரைப்படத்தில் நடித்தது குறித்தும், நடிகர் விக்ரம் கடின உழைப்பு குறித்தும் தனியார் யூடியூப் சேனல் ஒன்றுக்கு பேட்டியளித்த வீடியோ இணையத்தில் வைரலாகி வருகிறது.
மணிரத்னம் இயக்கத்தில் பிரம்மாண்ட பொருட்செலவில் உருவாகியுள்ள ’பொன்னியின் செல்வன்’ திரைப்படம் வரும் செப்டம்பர் 30ஆம் தேதி வெளிவருகிறது. முன்னதாக இப்படத்தின் விக்ரம், கார்த்தி, ஐஸ்வர்யா ராய், த்ரிஷா கதாபாத்திரங்களின் புகைப்படங்கள் வெளியாகி சமூக வலைதளங்களில் பெரும் வரவேற்பைப் பெற்றுள்ளன. இந்தநிலையில், பொன்னியின் செல்வன் படத்தின் டீசரை தயாரிப்பு நிறுவனமான லைகா நிறுவனம் தனது யூடியூப் பக்கத்தில் வெளியிட்டது.
கல்கியின் ’பொன்னியின் செல்வன்’ நாவலைத் தழுவி அதே பெயரில் இந்தப் படம் எடுக்கப்பட்டுள்ளது. இரண்டு பாகங்களாக பொன்னியின் செல்வன் வெளிவர உள்ள நிலையில், இந்தப் படத்தில் விக்ரம், கார்த்தி, ஜெயம் ரவி, த்ரிஷா, ஐஸ்வர்யா ராய், சரத்குமார், ஜெயராம் உள்ளிட்ட மிகப்பெரும் நட்சத்திரப் பட்டாளமே நடித்துள்ளது. ஏ.ஆர்.ரஹ்மான் இப்படத்துக்கு இசையமைத்துள்ளார். ரவி வர்மன் ஒளிப்பதிவு செய்துள்ளார்.
பொன்னியின் செல்வன் டீசர் வெளியானதை தொடர்ந்து படத்தின் எதிர்ப்பார்ப்பு நொடிக்கு நொடி அதிகரித்துக்கொண்டே வருகிறது. எங்கையாவது யாராவது படத்தின் சீக்ரெட் குறித்து ஏதாவது சொல்லிவிட்டால் அதுதான் அன்றைய நாளில் மிகப்பெரிய வைரல்.
அந்தவகையில், பொன்னியின் செல்வன் திரைப்படத்தில் குணசித்திர நடிகர் நிழல்கள் ரவி, கடம்பூர் சம்புவுரையாராக நடித்து வருகிறார். இந்தநிலையில் நிழல்கள் ரவி, பொன்னியின் செல்வன் திரைப்படத்தில் நடித்தது குறித்தும், நடிகர் விக்ரம் கடின உழைப்பு குறித்தும் தனியார் யூடியூப் சேனல் ஒன்றுக்கு பேட்டியளித்தார். தற்போது அந்த வீடியோ இணையத்தில் வைரலாகி வருகிறது.
One Day #ChiyaanVikram Climbed On To A Horse At 7:30 Morning & Delivered Dialogues The Whole Day And Got Down Only At 5.00 In The Evening That Is The Level Of Dedication He Had - Says Nizhalgal Ravi#PonniyinSelvan #Cobra #PS1 pic.twitter.com/VhkhI8wRje
— ᴅᴀᴠɪᴅ ᴀᴅᴀᴍ CVF (@David_AdamCVF) July 9, 2022
அதில் அவர், ”பொன்னியின் செல்வன் படத்துல எல்லாமே லைவ்ல ரிக்கார்ட் பண்ணாங்க. டைலாக்லாம் சுத்தமான தமிழ். ஐஸ்வர்யா ராய்லாம் அவ்வளவு அழகா தமிழ் பேசுனாங்க. ஐஸ்வர்யா ராய் அழகா கொஞ்சி கொஞ்சி தமிழ் பேசுனாங்க. த்ரிஷா அருமையா தமிழ் பேசுனாங்க, நல்லா பேசுவாங்க. அதல்லாம் கேட்டும்போது அவ்வளவு நல்லா இருந்துச்சு.
ஒரு நாள் நடிகர் சியான் விக்ரம் காலை 7:30 மணிக்கு குதிரையில் ஏறி ஒரு நாள் முழுவதும் டயலாக்குகளை பேசி சாயங்காலம் 5.00 மணிக்குதான் இறங்குனாரு, அதுதான் அவரோட டெடிக்கேஷன் டெடிக்கேஷன்” என்று குறிப்பிட்டார்.
நேற்று நடிகர் விக்ரமுக்கு உடல்நிலை சரியில்லாமல் மருத்துவமனையில் அனுமதிக்கப்பட்டு, மாலை நலமுடன் வீடு திரும்பியதாக கூறப்பட்டது. இந்த சூழலில் நடிகர் நிழல்கள் ரவி பேசிய வீடியோ இணையத்தில் படு வைரலாகி வருகிறது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
