Nikki Galrani: புது ப்ளான்! திருமணம் முடிந்த கையோடு நிக்கி கல்ராணி எடுத்த அதிரடி முடிவு!

நடிகை நிக்கி கல்ராணியும் பிரபல தமிழ் மற்றும் தெலுங்கு நடிகரான ஆதியும் காதலித்து வந்த நிலையில் சமீபத்தில் திருமணம் செய்துகொண்டனர்.

நிக்கி கல்ராணி

நிக்கி கல்ராணி

தமிழ் சினிமாவில் ஜி.வி பிரகாஷ் நடித்த டார்லிங் படத்தின் மூலம் கதாநாயகியாக அறிமுகமானவர் நடிகை நிக்கி கல்ராணி. இதையெடுத்து யாகாவாராயினும் நாகாக்க, கோ 2, வேலைன்னு வந்துட்டா வெள்ளைக்காரன், கடவுள் இருக்கான் குமாரு, மொட்டசிவா கெட்டசிவா, மரகத நாணயம், ராஜவம்சம் உள்ளிட்ட பல படங்களில் நிக்கி நடித்துள்ளார். தற்போது  தமிழ், தெலுங்கு, மலையாளம், கன்னடம் என பல மொழிகளில் பிஸியாக இருக்கிறார். 

 

 

 

 

 

View this post on Instagram

 

 

 

 

 

 

 

 

 

 

 

A post shared by Aadhi Pinisetty (@aadhiofficial)

சமீபத்தில் திருமணம்..

நடிகை நிக்கி கல்ராணியும் பிரபல தமிழ் மற்றும் தெலுங்கு நடிகரான ஆதியும் காதலித்து வந்த நிலையில் சமீபத்தில் திருமணம் செய்துகொண்டனர். காதல் தொடர்பான எந்த தகவலுமே கசியாத நிலையில் திடீரென தங்களது புகைப்படங்களை வெளியிட்டு பலருக்கும் ஷாக்கிங் சர்ப்ரைஸ் கொடுத்தனர் இருவரும். மே18ல் நடந்த திருமணத்தில் திரைத்துறையை சேர்ந்த நெருங்கிய நண்பர்கள் , மற்றும் உறவினர்கள் கலந்து கொண்டனர். திருமணத்தில் விக்னேஷ் சிவன்,  தெலுங்கு நடிகர்கள் நானி , சுதீப் கிஷன் உள்ளிட்ட திரைத்துறையினரும் கலந்துகொண்டனர். 

 

 

 

 

 

View this post on Instagram

 

 

 

 

 

 

 

 

 

 

 

A post shared by Nikki Galrani Pinisetty (@nikkigalrani)

நடுவர்..

திருமணம் முடிந்த கையோடு மீண்டும் வேலையில் கவனம் செலுத்தத் தொடங்கியுள்ளார் நிக்கி. கலர்ஸ் தமிழ் சேனலில் ஒரு ரியாலிட்டி ஷோவில் நடுவராக நிக்கி கல்ராணி பங்கேற்க இருப்பதாக தகவல் வெளியாகி இருக்கிறது. வெல்லும் திறமை என்று பெயரிடப்பட்டுள்ள ரியாலிட்டி ஷோ ஜூன் மாதம் ஒளிபரப்பாக உள்ளதாகவும், இதில் நிக்கி நடுவராக பங்கேற்க உள்ளதாகவும் தகவல் வெளியாகியுள்ளது. திருமணம் முடிந்த கையோடு அடுத்தக்கட்ட வேலையை பொறுப்பாக தொடங்கும் நிக்கிக்கு ரசிகர்கள் வாழ்த்துகளை தெரிவித்து வருகின்றனர்