Rowdy Pictures: குஜராத்தி மொழியில் தடம் பதிக்கும் ரவுடி பிக்சர்ஸ்! ஏப்ரல்-28-ல் திரைக்கு வருகிறது சுப் யாத்ரா!
Rowdy Pictures : ரவுடி பிக்சர்ஸ் நிறுவனம் குஜராத்தி மொழி சினிமாவில் சுப்யாத்ரா என்ற திரைப்படம் மூலம் அறிமுகம் ஆகிறது.
தமிழ் சினிமாவின் க்யூட் தம்பதியர் நயன்தாரா - விக்னேஷ் சிவன் இருவரின் தயாரிப்பு நிறுவனமான ரவுடி பிக்சர்ஸ் குஜாராத்தி மொழியில் முதல் திரைப்படத்தை தயாரித்துள்ளது. ரவுடி பிக்சர்ஸ் தயாரிப்பில் சுப்யாத்ரா (Shubhyatra) திரைப்படம் ஏப்ரல் 28- ஆம் தேதி உலக அளவில் திரையரங்குகளில் வெளியாகிறது.
இந்தப் படத்தை தேசிய விருது பெற்ற மணீஷ் சைனி இயக்குகிறார். மல்ஹர் ஹீரோ ரோலில் நடிக்கிறார்.
2016 ஆம் ஆண்டு எம்.மணிகண்டன் இயக்கிய ’ஆண்டவன் கட்டளை’ திரைப்படம் வெளியாகி ஹிட் ஆனது. ரசிகர்களிடையே பெரும் வரவேற்ப்பை பெற்றது. இதை ரவுடி பிக்சர்ஸ் தயாரிப்பில் ரீமேக் ஆகிறது. விஜய் சேதுபதி, யோகி பாபு, ரித்திகா சிங் உள்ளிட்ட பலர் நடிப்பில் வெளியாகியிருந்தது ‘ஆண்டவன் கட்டளை’. இது விமர்சன ரீதியிலாக பெரும் வரவேற்ப்பை பெற்றிருந்தது.
இந்நிலையில், இதை ரீமேக் செய்வதன் மூலம் குஜராத்தி சினிமாவிலும் தயாரிப்பாளராக அறிமுகமாகிறது விக்னேஷ் சிவன் - நயன்தாரா ஜோடி. தமிழ் சினிமாவில் பல்வேறு படங்களைத் தயாரித்துள்ள ரவுட் பிக்சர்ஸ் நிறுவனம் முதன்முறையாக இதர மொழியில் படத் தயாரிப்பில் களமிறங்கியுள்ளது.
சுப்யாத்ரா
இந்தப் படத்தில் விஜய் சேதுபதி கதாபாத்திரத்தில் மல்ஹர் தக்கர், ரித்திகா சிங் கதாபாத்திரத்தில் மோனல் கஜ்ஜார் நடித்துள்ளனர். தேசிய விருது வென்ற இயக்குநர் மனீஷ் சைனி இயக்கியுள்ளார். இது ஏப்ரல் மாதம் 28-ஆம் தேதி உலக அளவில் பல்வேறு திரையங்குகளில் வெளியாகிறது. இது தொடர்பாக ரவுடி பிக்சர்ஸ் டிவிட்டரில் அதிகாரப்பூர்வமாக திரைப்பட வெளியீடு குறித்து அறிவித்திருந்தது.
ரவுடி பிக்சர்ஸ் தயாரிப்பு:
கூலாங்கல், நெற்றிகண் உள்ளிட்ட திரைப்படங்களை தயாரித்து இருந்தது. இதோடு செவன் க்ரீன்ஸ் நிறுவனத்தோடு இணைந்து ’காத்து வாக்குல இரண்டு காதல்’ திரைப்படத்தை தயாரித்து இருந்தது.
நயன்தாரா - விக்னேஷ் சிவன் குடும்பம்
கோலிவுட்டின் லேடி சூப்பர் ஸ்டாராகக் கொண்டாடப்படும் நயன்தாரா கடந்த ஆண்டு ஜூன் மாதம் தமிழ் சினிமாவின் பிரபல இயக்குநரும் தன் நீண்ட நாள் காதலருமான விக்னேஷ் சிவனை திருமணம் செய்துகொண்டதுடன் வாடைகைத் தாய் மூலம் இரட்டைக் குழந்தைகளுக்குத் தாயானார்.
உயிர். உலகம் எனக் குழந்தைகளுக்குப் பெயரிட்டு தங்கள் பெர்சனல் பக்கங்களை அவ்வளவாக வெளிப்படுத்தாமல், மீடியா வெளிச்சமின்றி தன் குழந்தைகளை வளர்த்து வருகின்றனர் நயன்தாரா - விக்னேஷ் சிவன் தம்பதியினர்.
குடும்ப வாழ்வில் நுழைந்தபோதும், தங்கள் சினிமா பயணத்தையும் தெளிவாகத் திட்டமிட்டு இருவரும் பயணித்து வரும் நிலையில், இவர்களது புகைப்படங்களும் வீடியோக்களும் தொடர்ந்து ட்ரெண்டாகி வருகின்றன. சமீபத்தில் கூட, இருவரும் குழந்தைகளை அழகாக தூக்கிக் கொண்டு சென்றபோது, மீடியாவிடம்ப் ‘ப்ளீஸ் குழந்தைகள் இருக்காங்க. ஃபோட்டோ வேண்டாமே!. என்று கேட்டுக்கொண்டனர். இருவரும் சமூக வலைதளத்தில் க்யூட் குடும்பமாக திகழ்கின்றனர்.
மேலும் வாசிக்க.’
தலைப்பு செய்திகள்
ட்ரெண்டிங் செய்திகள்
