Watch Video: நீங்க தான் வேணும்... மோகன்லாலிடம் விஜய் வைத்த ரிக்வஸ்ட்... 'ஜில்லா' மெமரிஸ்

Watch Video : மோகன் லால் மற்றும் விஜய் இணைந்து நடித்த 'ஜில்லா' படம் குறித்த மெமரிஸ் பகிர்ந்து இருந்தார் மோகன் லால்.

மோகன்லால் - விஜய்

தமிழ் சினிமாவில் ஸ்டார் நடிகர் விஜய் நடிப்பில் 2014ம் ஆண்டு வெளியான சூப்பர் ஹிட் அதிரடி ஆக்ஷன் திரைப்படம் 'ஜில்லா'. ஆர்.டி. நேசன் இயக்கத்தில் விஜய், மோகன்லால், காஜல் அகர்வால், தம்பி ராமையா, பூர்ணிமா பாக்யராஜ், மகத், நிவேதா தாமஸ், சம்பத் உள்ளிட்ட பல நட்சத்திரங்கள் நடித்திருந்தனர். சூப்பர் குட் பிலிம்ஸ் நிறுவனம் தயாரித்த இப்படத்திற்கு டி. இமான் இசையமைத்து இருந்தார். ஜில்லா படத்தில் நடித்தது குறித்த தனது நினைவலைகளை நடிகர் மோகன்லால் மலையாள பிக் பாஸ்  சீசன் 6 நிகழ்ச்சியில் போட்டியாளர்களிடம் பகிர்ந்துள்ளார். அந்த வீடியோ தற்போது சோசியல் மீடியாவில் வைரலாகி வருகிறது. 

 

 

அதிரடி தலைவருக்கும் போலீஸ் அதிகாரியாக இருக்கும் அவரின் வளர்ப்பு மகனுக்கும் இடையே நடக்கும் வன்முறை, பாச போராட்டம், சட்டரீதியான அணுகுமுறையை மையமாக வைத்து வெளியான இப்படம் ரசிகர்கள் மத்தியில் நல்ல ஒரு வரவேற்பை பெற்றது. இப்படத்தில் நடிகர் விஜய் மகனாக சக்தி கேரக்டரிலும் நடிகர் மோகன்லால் தந்தையாக சிவன் கேரக்டரிலும் நடித்திருந்தனர். இருவரின் திரைப்பயணத்தில் இப்படம் மிகப்பெரிய சூப்பர் ஹிட் படமாக அமைந்தது. 

மலையாள பிக் பாஸ் சீசன் 6 நிகழ்ச்சியை நடிகர் மோகன்லால் தான் தொகுத்து வழங்கி வருகிறார். மே 21ம் தேதி நடிகர் மோகன்லால் பிறந்தநாளை முன்னிட்டு ஸ்பெஷல் நிகழ்ச்சி ஒன்று ஒளிபரப்பானது.   அப்போது பிக் பாஸ் போட்டியாளர்களில் ஒருவர் 'ஜில்லா' படம் தனக்கு மிகவும் பிடித்த படம் என கூறியதும் அப்படம் குறித்த தனது நினைவலைகளை மோகன்லால் பகிர்ந்து இருந்தார். 

 

'ஜில்லா' படத்தில் நடிப்பதற்காக விஜய் தனிப்பட்ட முறையில் தன்னை தொடர்பு கொண்டு அழைத்ததாக கூறி இருந்தார். சிவன் கதாபாத்திரத்திற்கு நான் கச்சிதமாக இருப்பேன் என உணர்ந்ததால் அவர் என்னை அந்த கேரக்டரில் நடிக்க அழைத்தார். எனக்கும் அந்த கேரக்டர் மிகவும் பிடித்து போனதால் அதற்கு சம்மதம் தெரிவித்தேன். அது எங்கள் இருவரின் கூட்டு முயற்சி என தெரிவித்து இருந்தார் நடிகர் மோகன்லால்.  

 

Actor Mohanlal About Thalapathy In Bigg Boss Show🔥#TheGreatestOfAllTime#Leo @actorvijaypic.twitter.com/8Dhvq05guk

— Mᴜʜɪʟツ𝕏 (@MuhilThalaiva) May 21, 2024

 

பிக் பாஸ் நிகழ்ச்சியில் நடிகர் மோகன்லால் பேசிய இந்த வீடியோ தற்போது சோசியல் மீடியாவில் மிகவும் வைரலாக பகிரப்பட்டு வருகிறது.