Meyyazhagan : கார்த்தி - அரவிந்த்சாமி கூட்டணியில் 'மெய்யழகன்'... இசை வெளியீட்டு விழா தேதியை வெளியிட்ட படக்குழு

Meyyazhagan : கார்த்தி மற்றும் அரவிந்தசாமி கூட்டணியில் உருவாகியுள்ள 'மெய்யழகன்' படத்தின் இசை வெளியீட்டு விழா நடைபெறும் தேதி குறித்த அதிகாரப்பூர்வமான அறிவிப்பை படக்குழு வெளியிட்டுள்ளது.

மெய்யழகன் இசை வெளியீட்டு விழா

Source : social media

 

தமிழ் திரையுலகின் சாக்லேட் பாய் கார்த்தி நடிப்பில் சமீபத்தில் வெளியான 'ஜப்பான்' திரைப்படம் பெரிய அளவில் கைகொடுக்கவில்லை. அதை தொடர் அவர் நடிப்பில் தற்போது வெளியாக தயாராக உள்ள திரைப்படம் 'மெய்யழகன்'. விஜய் சேதுபதி - திரிஷா நடிப்பில் சூப்பர் ஹிட் வெற்றி பெற்ற '96' படத்தை இயக்கிய பிரேம்குமார் இப்படத்தை இயக்கியுள்ளார். சூர்யா மற்றும் ஜோதிகாவின் 2D என்டர்டெயின்மென்ட் நிறுவனத்தின் தயாரிப்பில் உருவாகியுள்ள இப்படம்  வரும் செப்டம்பர் 27ம் தேதி வெளியாக உள்ளது. இது நடிகர் கார்த்தியின் 27வது படம் என்பது குறிப்பிடத்தக்கது.  

நடிகர் கார்த்தி மற்றும் நடிகர் அரவிந்த் சாமி முக்கியமான கதாபாத்திரத்தில் நடிக்க ஸ்ரீதிவ்யா ஹீரோயினாக நடித்துள்ளார். ராஜ்கிரண், தேவதர்ஷினி, ஜெயப்பிரகாஷ், ஸ்ரீரஞ்சனி, இளவரசு, கருணாகரன் மற்றும் பலர் துணை கதாபாத்திரங்களில் நடித்துள்ளனர். கோவிந்த் வசந்தா இசையமைக்க மகேந்திரன் ஜெயராஜு ஒளிப்பதிவு பணிகளையும், ஆர். கோவிந்தராஜ் எடிட்டிங் பணிகளையும் மேற்கொண்டுள்ளனர். 

 

மெய்யழகன் படத்தின் ஃபர்ஸ்ட் லுக் போஸ்டர் ஏற்கனவே வெளியாகி மக்களின் கவனம் பெற்றது. படம் வெளியாக இன்னும் ஒரு மாத கால அவகாசமே உள்ள நிலையில் படத்தின் இசை வெளியீட்டு விழாவை படக்குழு ஏற்பாடு செய்துள்ளது. வரும் ஆகஸ்ட் 31ம் தேதி கோயமுத்தூரில் உள்ள கொடிசியா வளாகத்தில் இந்த விழா நடைபெற உள்ளது. இந்த அதிகாரபூர்வமான அறிவிப்பை போஸ்டர் மூலம் படக்குழு வெளியிட்டுள்ளது. இந்த இசை வெளியீட்டு விழாவில் கார்த்தியின் சகோதரரும், படத்தின் தயாரிப்பாளருமான சூர்யா கலந்து கொள்வார் என எதிர்பார்க்கப்படுகிறது.

எதார்த்தமாக திரைக்கதையை நகர்த்துவதில் கெட்டிக்காரரான பிரேம் குமார் இப்படமும் அதே போல இருக்க வேண்டும் என மெனெக்கெட்டுள்ளார். படம் பல பெரிய விருதுகளை குவிக்கும் என்பது அவரின் விருப்பமாம். 

மேலும் சர்தார் 2 படத்திலும் பிஸியாக ஈடுபட்டுள்ளார் நடிகர் கார்த்தி. 1970 காலகட்டத்தில் நடைபெற்ற உண்மை சம்பவத்தை அடிப்படையாக கொண்டு இப்படம் உருவாகி வருகிறது. அதற்காக பிரமாண்டமான செட் எல்லாம் ஏற்பாடு செய்து வருகிறார்கள். சர்தார் முதல் பாகம் சூப்பர் ஹிட் வெற்றியை பெற்றதை தொடர்ந்து அதன் இரண்டாம் பாகமும் நல்ல வரவேற்பை பெரும் என எதிர்பார்க்கப்படுகிறது.