மல்டி ஸ்டாரர் படங்கள்தான் டார்கெட்.. மம்முட்டியுடன் இணையும் விஜய்சேதுபதி.. ஷூட்டிங் எப்போது?

காக்க முட்டை படத்தை இயக்கிய மணிகண்டன் இயக்கத்தில் உருவாக இருக்கும் படத்தில் மலையாள மெகா ஸ்டார் மம்மூட்டியுடன் ஜோடி சேர உள்ளார் நடிகர் விஜய் சேதுபதி. இப்படத்தின் படப்பிடிப்பு இந்த மாதம் தொடங்கவுள்ளது.

விஜய் சேதுபதி - மம்மூட்டி காம்போ

தமிழ் சினிமாவில் ஒரு ஹீரோ என்றால் அவர் இப்படி தான் இருக்க வேண்டும் என தொன்றுதொட்டு பின்பற்றி வந்த ஃபார்முலாவை தகர்த்து எறிந்த ஒரு நடிகர் விஜய் சேதுபதி. ஒரு முன்னணி நடிகராக வலம் வந்த விஜய் சேதுபதியின் டார்கெட் தற்போது மல்டி ஸ்டாரர் படங்களில் நடிப்பதாக மாறியுள்ளது.

சமீப காலமாக மல்டி ஸ்டாரர் படங்களாக தேர்வு செய்து நடித்து வருகிறார். ரஜினி, கமல், விஜய், ஷாருக்கான் என சினிமா உலகின் டாப் ஹீரோக்களின் படங்களில் நெகடிவ் கதாபாத்திரத்தில் நடித்து நடிப்பில், அனைவரையும் மிஞ்சி வருகிறார். அந்த வகையில் நடிகர் விஜய் சேதுபதி, அடுத்ததாக ஜோடி சேர போவது மலையாள திரையுலகின் மெகா ஸ்டார் மம்மூட்டியுடன் என்ற தகவல் தற்போது வெளியாகியுள்ளது. 

 

ஜூனியர் ஆர்ட்டிஸ்ட் டு மக்கள் செல்வன் :

ஒரு ஜூனியர் ஆர்டிஸ்டாக தமிழ் சினிமாவில் பல ஹீரோக்களின் படங்களில் ஆங்காங்கே எட்டி பார்த்தவரா இன்று அனைத்து மொழி படங்களிலும் கலக்கி வரும் ஹீரோ என்று ஆச்சரியப்படும் அளவிற்கு அபாரமான வளர்ச்சி. ஆனால் இந்த அசுர வளர்ச்சிக்கு பின்னால் கடுமையான உழைப்பு உள்ளது என்பதை யாராலும் மறுக்கவே முடியாது. இவர் மல்டி ஸ்டாரர் படங்களில் நடிக்கும் போது மற்ற ஹீரோக்களுடனான இவரது காம்போ தூள் பறக்கிறது. அதே சமயம் தனது கதாபாத்திரங்களில் வித்தியாசம் காட்டுவதில் கை தேர்ந்தவராக வலம் வருகிறார். இந்த ஆண்டு இவர் நடிப்பில் வெளியான மாமனிதன், காத்து வாக்குல ரெண்டு காதல், விக்ரம் என மூன்று படங்களிலுமே வெரைட்டியான கதாபாத்திரத்தில் தெறிக்க விட்டு இருந்தார். மூன்று படங்களுமே சூப்பர் டூப்பர் ஹிட் படங்களாக வெற்றி பெற்றன. 

 

According to rumors, #Mammootty and #VijaySethupathi are teaming up for a movie, which will be directed by Manikandan pic.twitter.com/obR50GuuLQ

— CinemaScroll (@CinemaScroll) November 3, 2022

 

அடி தூள் காம்போ :

சூப்பர் ஸ்டார் ரஜினியுடன் தர்பார், உலகநாயன் கமல்ஹாசனுடன் விக்ரம், இளைய தளபதி விஜயுடன் மாஸ்டர், பாலிவுட் கிங் கான் ஷாருக்கானுடன் ஜவான் என அடுத்தடுத்து மாஸ் காட்டி வரும் இந்த ஹீரோ தான் தனக்கு வில்லனாக வர வேண்டும் என அடம் பிடித்துள்ளார் பாலிவுட் சூப்பர் ஸ்டார் ஷாருக்கான் என்பது குறிப்பிடத்தக்கது. அடுத்ததாக மலையாள மெகா ஸ்டாருடன் ஜோடி சேர உள்ளார் விஜய் சேதுபதி. 

உடனடியாக தொடங்கும் படப்பிடிப்பு :

மலையாள ரசிகர்கள் மெகா ஸ்டார் என கொண்டாடி வரும் நடிகர் மம்மூட்டி இதுவரையில் 400க்கும் மேற்பட்ட திரைப்படங்களில் நடித்துள்ளார். மம்மூட்டி - விஜய் சேதுபதி காம்போவில் உருவாகவிருக்கும் படத்தினை இயக்க உள்ளார் சூப்பர் ஹிட் வெற்றிப்படமாக அமைந்த "காக்க முட்டை" படத்தை இயக்கிய மணிகண்டன். இப்படத்தின் படப்பிடிப்பு உடனடியாக இந்த மாதமே தொடங்கவுள்ளது என்ற தகவல் தற்போது வெளியாகியுள்ளது.

படத்திற்கு ஏற்ற லொகேஷன் தேர்வு தற்போது நடைபெற்று வருகிறது. இரண்டு டாப் ஸ்டார்களின் கால்ஷீட்டும் தயாராக உள்ளன என்பதால் படத்தின் படப்பிடிப்பை விறுவிறுப்பாக நடத்தி முடிக்க உள்ளாராம் இயக்குனர் மணிகண்டன். படத்தின் ஷூட்டிங் நடைபெறும் போதே, படம் குறித்த மற்ற அப்டேட்களும் வெளியாகும் என கூறப்படுகிறது.