Jennifer Lopez Ben Affleck Home: 10 பெட்ரூம், 17 பாத்ரூம்! தியேட்டர்! வீடா? ஸ்டார் ஹோட்டலா? ஹாலிவுட் காதலர்கள் வாங்கிய எஸ்டேட்!
பிரபல நடிகரான பென் அஃப்லெக்கும் பாடகியும் நடிகையுமான ஜெனிபர் லோபஸூம் லாஸ் ஏஞ்சல்ஸில் பிரம்மாண்ட எஸ்டேட் ஒன்றை வாங்கியிருப்பதாக தகவல் வெளியாகியுள்ளது.
பிரபல நடிகரான பென் அஃப்லெக்கும் பாடகியும் நடிகையுமான ஜெனிபர் லோபஸூம் லாஸ் ஏஞ்சல்ஸில் பிரம்மாண்ட எஸ்டேட் ஒன்றை வாங்கியிருப்பதாக தகவல் வெளியாகியுள்ளது. இந்த எஸ்டேட்டின் விலை 50 மில்லியன் டாலருக்கும் ( USD) மேலேவாம். இந்திய ரூபாய் மதிப்பில் 375 கோடியைத் தாண்டும். 20,000 Square foot பரப்பளவில் அமைந்திருக்கும் இந்த எஸ்டேட் லாஸ் ஏஞ்சல்ஸின் பெல் ஏர் பகுதியில் இருக்கிறது.
10 பெட்ரூம்கள், 17 பாத்ரூம்கள் கொண்ட இந்த எஸ்டேட்டில் விதவிதமான கிச்சன்கள், தியேட்டர், ஜிம், ஸ்விம்மிங் புல் என சகல வசதிகளும் இருக்கிறதாம். சிட்டி வியூவோடு இருக்கும் இந்த வீட்டில்தான் இந்தத்தம்பதி விரைவில் குடியேற திட்டமிட்டுள்ளதாக தெரிகிறது.இந்த எஸ்டேட்டை பிரபல தொழிலதிபர் டாட் லெம்கினிடம் இருந்து இந்தத்தம்பதி வாங்கியிருக்கிறார்கள். ஆரம்பத்தில் 65 மில்லியனுக்கு பேசப்பட்ட இந்த எஸ்டேட்டை பின்னர் 15 மில்லியன் டாலர்கள் டிஸ்கவுண்ட் செய்து 50 மில்லியன் டாலர்களுக்கு கொடுத்திருக்கிறார் டாட் லெம்கின்.
View this post on Instagram
முன்னதாக கடந்த வருடம் ஏப்ரலில் பென் அஃப்லெக்கும், ஜெனிபர் லோபஸ் இணைந்த நிலையில், ஜெனிபர் லோபஸ் கூடைப்பந்து வீரரான அலெக்ஸ் உடன் நிச்சயிக்கப்பட்ட நிச்சயதார்த்ததை நிறுத்தினார். அதனைத்தொடர்ந்து பல்வேறு நிகழ்ச்சிகளில் இந்தத்தம்பதி ஜோடியாக கலந்து கொண்டனர். இந்த உறவு பற்றி பேசிய ஜெனிபர் லோபஸ், “ நான் அவருடன் இருக்கும் போது அதிஷ்டசாலியாகவும், மகிழ்ச்சியாகவும் உணர்கிறேன். அது அழகான காதல் கதை. எங்களுக்கு இரண்டாவது வாய்ப்பு கிடைத்திருக்கிறது.” என்று பேசினார்.
பாடகர் மார்க் ஆண்டனியை திருமணம் செய்த ஜெனிபர் லோபஸூக்கு என இரட்டை குழந்தைகள் உள்ளனர். பென் அஃப்லெக் ஜெனிபர் கார்னரை திருமணம் செய்த நிலையில் அவருக்கும் மூன்று குழந்தைகள் உள்ளனர். இந்த தம்பதி தங்களது குடும்பம் மற்றும் குழந்தைகளுடன் தங்க வீடு ஒன்றை பார்த்து வருவதாக தகவல் வெளியான நிலையில், இந்த நடவடிக்கையை எடுத்ததாகத் தெரிகிறது.
தலைப்பு செய்திகள்
ட்ரெண்டிங் செய்திகள்
