நீதிபதி சந்துருதான் ரியல் ஹீரோ.. சி.எஸ்.கே வெல்ல வாழ்த்துக்கள்.. வாழ்த்திய நடிகர் சூர்யா

ஐபிஎல் தொடரின் இறுதி போட்டியில் வென்று சென்னை அணி மீண்டும் சாம்பியன் பட்டத்தை வெல்ல வேண்டும் என்று நடிகர் சூர்யா வாழ்த்து தெரிவித்துள்ளார்.

நடிகர் சூர்யா-சிஎஸ்கே

ஐ.பி.எல். தொடரின் 2021ம் ஆண்டிற்கான இறுதிப்போட்டி இன்று துபாயில் சர்வதேச கிரிக்கெட் மைதானத்தில் நடைபெற உள்ளது. இந்த போட்டியில் சென்னை சூப்பர் கிங்ஸ் அணியும், கொல்கத்தா நைட் ரைடர்ஸ் அணியும் நேருக்கு நேர் மோதுகின்றன. சுமார் 9 ஆண்டுகளுக்கு பிறகு சென்னையும், கொல்கத்தாவும் ஐ.பி.எல். இறுதிப்போட்டியில் நேருக்கு நேர் மோதுகின்றன.

இந்நிலையில் சென்னை சூப்பர் கிங்ஸ் மற்றும் கொல்கத்தா நைட் ரைட்ர்ஸ் ஆகிய இரண்டு அணிகளுக்கும் பல்வேறு தரப்பில் இருந்து போட்டிக்கு முந்தைய வாழ்த்து செய்திகள் வந்த வண்ணம் உள்ளன.இந்நிலையில் இன்றைய போட்டிக்கு முன்பாக நடைபெற்று வரும் ஸ்டார் ஸ்போர்ட்ஸ் ஹாட்ஸ்டார் ஷோவில்  நடிகர் சூர்யா தன்னுடைய படம் குறித்து பேசினார். அதில் அவர் தன்னுடைய ஜெய்பீம் படம் குறித்தும் சென்னை சூப்பர் கிங்ஸ் அணிக்கு வாழ்த்து தெரிவித்தும் பேசியுள்ளார். அதாவது,"நீதிபதி சந்துரு கையாண்ட  வழக்கில் இருந்து எடுக்கப்பட்டது தான் ஜெய்பீம். பழங்குடி பெண் ஒருவருக்கு ஏற்பட்ட அநீதிக்கு ஆதரவாக வழக்கறிஞர் ஒருவர் செயல்படும் கதை தான் ஜெய்பீம். சென்னை சூப்பர் கிங்ஸ் மீண்டும் சாம்பியன் ஆக என்னுடைய வாழ்த்துக்கள்" எனக் கூறினார். 

Yellove on wheels.! 🦁 En route! 💛#CSKvKKR #WhistlePodu pic.twitter.com/EQwm3U0QlV

— Chennai Super Kings - Mask P😷du Whistle P🥳du! (@ChennaiIPL) October 15, 2021

முன்னதாக ராயல் சேலஞ்சர்ஸ் பெங்களூரு ட்விட்டர் பக்கத்தில் இன்றைய ஐபிஎல் இறுதி போட்டி தொடர்பான பதிவு ஒன்று போடப்பட்டுள்ளது. அந்தப் பதிவில் இறுதி போட்டியில் விளையாடும் இரண்டு அணிகளுக்குமே வாழ்த்துகள் தெரிவிக்கப்பட்டுள்ளன. மேலும் சிறப்பாக விளையாடும் அணி கோப்பையை வெல்லட்டும் என்று கூறியுள்ளது. 

 

Thanks for the #Yellove 💛

— Chennai Super Kings - Mask P😷du Whistle P🥳du! (@ChennaiIPL) October 15, 2021

ராயல் சேலஞ்சர்ஸ் பெங்களூரு அணியின் வாழ்த்திற்கு சென்னை சூப்பர் கிங்ஸ் அணியின் ட்விட்டர் கணக்கில் இருந்து நன்றி தெரிவித்து பதிவு ஒன்று போடப்பட்டுள்ளது. அதில், "நீங்கள் காட்டும் 'யெல்லோ லவ்' விற்கு நன்றி" எனப் பதிவிட்டுள்ளது. இந்தப் பதிவை பலரும் தற்போது ட்விட்டர் தளத்தில் பகிர்ந்து வருகின்றனர். 

 

S-Milesₜₒₙₑₛ Ahead of the Big Game 💥

Jaadu for the 200th time in IPL.
Faf Du Class in #Yellove for the 100th time.#CSKvKKR #WhistlePodu 🦁💛 pic.twitter.com/BxZaKPTirK

— Chennai Super Kings - Mask P😷du Whistle P🥳du! (@ChennaiIPL) October 15, 2021

இன்று மாலை நடைபெறும் இறுதி போட்டியில் சென்னை சூப்பர் கிங்ஸ் சார்பில் ரவீந்திர ஜடேஜா மற்றும் டூபிளசிஸ் ஆகிய இருவரும் மைல்கல் சாதனையை படைக்க உள்ளனர். அதாவது சென்னை அணிக்காக இன்று 200ஆவது போட்டியில் ரவீந்திர ஜடேஜா பங்கேற்க உள்ளார். அதேபோல் டூபிளசிஸ் சென்னை அணிக்காக இன்று தன்னுடைய 100ஆவது போட்டியில் களமிறங்க உள்ளார். இது அவர்கள் இருவருக்கும் ஒரு சிறப்பான போட்டியாக அமைந்தும் என்று கருதப்படுகிறது. 3 முறை சாம்பியன் பட்டம் வென்ற சென்னை அணி 2 முறை ஐபிஎல் சாம்பியன் பட்டம் வென்ற கொல்கத்தா அணியை எதிர்த்து விளையாடுகிறது. 

மேலும் படிக்க: ஜடேஜா டூ திவாட்டியா- வித்தை காட்டிய ஐபிஎல் 2021 தொடரின் டாப் கேட்ச்கள் !