அழகிய குடில்.. பாண்டிச்சேரி லோகேஷன்ஸ்.. வைரலாகும் நக்‌ஷத்ரா - ராகவ் ரொமாண்டிக் க்ளிக்ஸ்..

தொகுப்பாளினியாக வலம் வந்த நக்‌ஷத்ரா தன்னுடைய திறமையின் மூலம் சின்னத்திரை நாயகியாக உயர்ந்ததோடு, மக்கள் மனதில் இடம் பிடித்து முன்னணி நடிகை என்ற இடத்தைப் பிடித்துள்ளார்.

நக்ஷத்ரா-ராகவ் க்ளிக்ஸ்

சின்னத்திரையில் முன்னணி நாயகியாக வலம் வரும் நக்‌ஷத்ரா பாண்டிச்சேரி ஆரோவிலில்,  தன் காதல் கணவருடன் எடுத்துக்கொண்ட ரொமாண்டிக் புகைப்படங்கள் சோஷியல் மீடியாவில் வைரலாகிவருகிறது.

சென்னையில் பிறந்த நக்‌ஷத்ரா நாகேஷ் தன்னுடைய திரைப்பயணத்தை சின்னத்திரையில் தொகுப்பாளினியாக தொடங்கினார். தன்னுடைய துறுதுறுப்பான பேச்சினால் பல ரசிகர்களை தன் வசம் வைத்துள்ளார் நக்‌ஷத்ரா. ஆங்கரிங்கில் தனது பயணத்தை ஆரம்பித்த இவர், அடுத்ததாக சின்னத்திரை சீரியலிலும் என்ட்ரி கொடுத்தார். தற்போது விஜய் டிவியில் ஒளிப்பரப்பாகும் தமிழும் சரஸ்வதியும் சீரியலில் நடித்துவருகிறார்.

இவர், தன்னுடைய பள்ளிப்பருவத்தில் ராகவ் என்பவருடன் நட்புடன் இருந்த நிலையில், இருவருக்கும் காதல் மலர்ந்துள்ளது. ஆனால் எப்போது இவர்கள் காதலிக்க ஆரம்பித்தார்கள் என்று தெரியாதாம். இந்நிலையில் கடந்த ஆண்டு ராகவ்தான் தன்னுடைய காதலன் என்று சோஷியல் மீடியாவில் பகிர்ந்ததோடு பெற்றோர்கள் சம்மதத்துடன் நிச்சயதார்த்ததையும் நடந்துமுடிந்தது. இதற்கு சின்னத்திரை ரசிகர்கள் மற்றும் திரையுலகத்தினர் வாழ்த்துக்களை இன்ஸ்டாவில் பகிர்ந்தனர். நக்‌ஷத்ராவின் காதல் கணவர் ராகவ், மெடிஃபோகஸ் இந்தியா பிரைவேட் லிமிடெட்ட என்னும் நிறுவனத்தின் இயக்குனர் என்பதோடு,  தியேட்டர்காரன் என்னும் தியேட்டர் நாடக குழுவின் இணை நிறுவனரும் ஆவார்.

தற்போது கடந்த டிசம்பர் மாதம் நக்‌ஷத்ரா நாகேஷ் மற்றும் ராகவ் ஆகியோருக்கு திருமணம் நடந்துமுடிந்தது. இதனையடுத்து இந்த 2022-ஆம் ஆண்டிற்காக புத்தாண்டு கொண்டாட்டத்தை தனது கணவருடன் கொண்டாட முடிவு எடுத்த நக்ஷத்ரா பாண்டிச்சேரிக்கு சென்றிருக்கிறார். அங்கு பசுமை நிறைந்த ஆரோவில் என்ற இடத்தில் நக்‌ஷத்ரா நாகேஷ் தன் கணவர் ராகவ்வுடன் புத்தாண்டைக் கொண்டாடினார்..

மேலும் அங்கு எடுத்துக்கொண்ட புகைப்படங்கள் அனைத்திலும் ரொமாண்டிக்கிற்கு பஞ்சமே இல்லை என்றுதான் கூற வேண்டும்.  விஜய் டிவியில் ஒளிப்பரப்பாகிவரும் தமிழும் சரஸ்வதியும் சீரியல் ஷூட்டிங்கில் பிஸியாக இருந்தாலும் புதிய ஆண்டை தன்னுடைய காதல் கணவருடன் நக்ஷத்ரா கொண்டாடிய நிலையில் அங்கு எடுத்துக்கொண்ட புகைப்படங்கள் அனைத்தும் சோசியல் மீடியாவில் வைரலாகிவருகிறது.

மேலும் இந்தப் புகைப்படங்களை இணையத்தில் பார்த்த நெட்டிசன்கள் லைக்குளையும், கமெண்ட்களையும் தெறிக்கவிடுகின்றனர். குறிப்பாக எப்போதும்போல இவர்கள் இதே மகிழ்ச்சியுடன் இருக்க வேண்டும், வாழ்த்துக்கள் என சோசியல் மீடியாவில் பதிவிட்டுவருகின்றனர்.

தொகுப்பாளினியாக வலம் வந்த நக்‌ஷத்ரா தன்னுடைய திறமையின் மூலம் சின்னத்திரை நாயகியாக உயர்ந்ததோடு, மக்கள் மனதில் இடம் பிடித்து முன்னணி நடிகை என்ற இடத்தைப்பிடித்துள்ளார்.இவர் சின்னத்திரையில் மட்டுமில்லாமல் வெள்ளித்திரையிலும், குறும்படங்களிலும் சில படங்களில் நடித்துள்ளார் என்பது குறிப்பிடத்தக்கது..