வைரலில் ஹரிஷ் கல்யாண்-ப்ரியா பவானி சங்கர் ரொமான்ஸ்: ஓமணப்பெண்ணே அப்டேட்ஸ்!

ஓமணப்பெண்ணே ஷூட்டிங்கின் போது எடுத்த ரீல்ஸ் வீடியோ இணையத்தில் வைரல் ஆகிறது.

ஹரிஷ் கல்யாண் - ப்ரியா பவானி சங்கர்

பியார் பிரேமா காதல் படத்தின் வெற்றிக்குப் பிறகு ஹரிஷ் கல்யாண்ணுக்கு தமிழ் சினிமாவில் ரசிகர்கள் எக்கச்சக்கமாக அதிகமாக உள்ளனர் குறிப்பாக பெண் ரசிகர் கூட்டம் அதிக அளவில் உள்ளது. எனவே தொடர்ந்து காதல் படங்களில் நடித்துவரும் ஹரிஷ் கல்யான் தமிழ் சினிமாவின் சாக்லேட் பாயாக இருந்து வருகிறார். இஸ்பேட் ராஜாவும் இதய ராணியும், தாராள பிரபு, கன்னிராசி உள்ளிட்ட படங்களைத் தொடர்ந்து ஹரிஷ் கல்யாண் இப்பொழுது ஓமணப் பெண்ணே என்ற படத்தில் நடித்து வருகிறார் இதில் இவருக்கு ஜோடியாக நடிகை பிரியா பவானி சங்கர் நடித்துள்ளார். பெல்லி சுப்புலுவின் விஜய் தேவர்கொண்டா கதாபாத்திரத்தில் ஹரிஷ் கல்யாண்ணும் ரிது வர்மா நடித்திருந்த கதாபாத்திரத்தில் நடிகை பிரியா பவானி சங்கர் நடிக்கிறார்கள்.

ஹரிஷ் கல்யாண் மற்றும் பிரியா பவானி சங்கர் முதல் முறையாக இந்த படத்தில் இணைவதால் பெரும் எதிர்பார்ப்பில் உருவாகி வரும் இந்த படம் பிரபல தெலுங்கு படத்தின் ரீமேக். இப்பொழுது தென்னிந்தியாவின் ஐகானாக மாறியுள்ள விஜய் தேவரகொண்டா நடிப்பில் தெலுங்கில் குறைந்த பட்ஜெட்டில் எடுக்கப்பட்டு மிகப்பெரிய வசூல் சாதனை புரிந்து விஜய் தேவரகொண்டாவுக்கு ஹீரோ அந்தஸ்தை கொடுத்த 2016 ல் வெளிவந்த 'பெல்லி சுப்புலு' திரைப்படத்தின் ரீமேக்தான் ஓமணப்பெண்ணே. விஜய் தேவரகொண்டா வுக்கு ஜோடியாக கண்ணும் கண்ணும் கொள்ளையடித்தால் பட நடிகை ரிது வர்மா நடித்திருப்பார். திருமணம் செய்துகொள்ள இருந்த இருவரும் பின் நண்பர்களாக பழகி தனியாக தொழில் ஆரம்பித்து பின் எவ்வாறு சேர்கிறார்கள் என்பதே படத்தின் கதை.

சில வாரங்களுக்கு முன்பு ஓமணப்பெண்ணே படத்தின் முதல் சிங்கள் வெளியிடப்பட்டு ரசிகர்களிடம் மிகப்பெரிய வரவேற்பு பெற்றிருந்தது. இந்த படத்தின் இரண்டாவது பாடலும் ஹிட் அடித்துள்ளது ரசிகர்களிடையே எதிர்பார்ப்பை உருவாகியுள்ளது. இந்த திரைப்படத்திற்கு கிருஷ்ணன் வசந்த் ஒளிப்பதிவு செய்ய, விஷால் சந்திரசேகர் இசையமைக்கிறார்.

தெலுங்கு ரசிகர்களை வெகுவாக கவர்ந்து, வசூல் சாதனை புரிந்த பெல்லி சூபுளு படம் இப்பொழுது தமிழில் ஓமணப்பெண்ணே என்ற பெயரில் இயக்குனர் கார்த்திக் சுந்தர் இயக்கத்தில் உருவாகி உள்ளது. படப்பிடிப்பு தளத்தில் இருவரும் எடுத்துக் கொண்ட சில க்யூட்டான புகைப்படங்கள் சமூக வலைத்தளத்தில் வைரலாகின. இதனிடையே ஹரீஷ் கல்யாண் மற்றும் ப்ரியா பவானி சங்கர் இணைந்து செய்யும் ஒரு ரொமான்ஸ் ரீல்ஸ், இணையதளத்தில் வீடியோவாக வெளியாகி வைரலாகி வருகிறது.

இதை தன் இன்ஸ்டாகிராம் பக்கத்தில் பகிர்ந்து இருக்கும் ஹரீஷ் கல்யாண்,  “தட் லவ்-ல இருந்தாலே கண்ணுக்கு எல்லாம் ஹை ஸ்பீடுல தெரியுமாம் மாமன்ட்” என்று பதிவிட்டு வீடியோவை பகிர்ந்திருக்கிறார். இந்த வீடியோவை கண்டு ரசித்து வருகிறார்கள் இணையவாசிகள். இதில் ஹரிஷ் கல்யான், ப்ரியா பவானி சங்கர் ஜோடி அற்புதமாக இருப்பதாக கமெண்ட்டில் கூறிவருகின்றனர் ரசிகர்கள்.