Kaathu Karuppu Kalai: விஜய்க்கு போட்டி.. ஹீரோவாகும் காத்து கருப்பு கலை.. கலாய்த்த வெங்கட் பிரபு!
சமீபகாலமாக சமூக வலைத்தளங்களில் பிரபலமாக இருக்கும் நபர்களை சினிமாவில் நடிக்க வைக்கும் முயற்சிகள் தொடர்ச்சியாக நடைபெற்று வருகிறது. அந்த வகையில் காத்து கருப்பு கலையரசன் ஹீரோவாக அறிமுகம் ஆகிறார்.
பிரபல சமூக வலைத்தள பிரபலமாக வலம் வரும் காத்து கருப்பு கலை விரைவில் ஒரு படத்தில் ஹீரோவாக அறிமுகமாகிறார்.
சமீபகாலமாக சமூக வலைத்தளங்களில் பிரபலமாக இருக்கும் நபர்களை சினிமாவில் நடிக்க வைக்கும் முயற்சிகள் தொடர்ச்சியாக நடைபெற்று வருகிறது. ஜி.பி.முத்து சில படங்களில் நடித்த நிலையில் தற்போது டிடிஎஃப் வாசனும் மஞ்சள் வீரன் என்னும் படத்தில் நடித்து வருகிறார். அந்த வகையில் பிரபல சமூக வலைத்தள பிரபலமாக வரும் காத்து கருப்பு பல சர்ச்சைகளை சந்தித்தார். அதன்பிறகு யூட்யூப் சேனல் ஒன்றில் பிரபலங்களை நேர்காணல் செய்து வருகிறார்.
இந்நிலையில் காத்து கருப்பு கலையரசன் ரத்தபூமி என்ற படம் மூலம் ஹீரோவாக அறிமுகம் ஆகிறார். இதன் படப்பூஜை நேற்று நடைபெற்றது. பின்னர் படக்குழுவினர் செய்தியாளர்களை சந்தித்தனர். அப்போது வெளியான வீடியோவில், அப்படத்தின் இயக்குநர் பேசும்போது, ‘தமிழ் சினிமாவின் அடுத்த தளபதி இவர் தான். ஆக்ஷன் ஹீரோவாக வரக்கூடிய எல்லா தகுதியும் இவரிடம் உள்ளது. இந்த படத்துக்கு ரத்தபூமி என ஏன் டைட்டில் வைத்துள்ளேன். என்ன காரணம் என கேட்டால், தமிழ் சினிமாவில் தளபதி என்ற இடம் காலியாக உள்ளது. இவர் தான் அடுத்த தளபதி” என கூறினார்.
Namakku tough competition kudupanga polaye @csamudhan saar https://t.co/tT0Z7IN24T
— venkat prabhu (@vp_offl) March 10, 2024
தொடர்ந்து பேசிய காத்துகருப்பு கலை, “கதை ஆரம்பித்தவுடன் ஹீரோயின் மேல மோத வரும் ரயிலை ஒரு விரலால் நிப்பாட்டுறீங்க’ என சொன்னதும் எனக்கும் ரொம்ப பிடிச்சி போச்சு. மேலும் இந்த படத்தில் ஒரு மாஸ்ஸான வசனம் இடம்பெற்றுள்ளது. அதாவது, ‘நீ என்ன பத்தி பேசுனா.. நான் உன்ன பத்தி பேசுனேன்..நீ என் குடும்பத்தை பத்தி திட்டுன.. நான் உன் குடும்பத்தை திட்டுன.. நீ இதுக்குமேல் பேசுனா அப்புறம் பேசமாட்டடா.. நான் உன்னை கொன்னுருப்பேன் டா’ என்ற வசனத்தை கேட்டதும் நடிக்க முடிவு பண்ணிட்டேன்' என சொன்னார்.
— venkat prabhu (@vp_offl) March 10, 2024
இந்த வீடியோவை இயக்குநர் வெங்கட் பிரபு பார்த்துள்ளார். உடனடியாக தமிழ்ப்படம், ரத்தம் உள்ளிட்ட படங்களை இயக்கியுள்ள சி.எஸ்.அமுதனை டேக் செய்து, “நமக்கு போட்டி ரொம்ப கடினமாக இருக்கும் போலேயே” என தெரிவித்திருந்தார். இதற்கு பதிலளித்த சி.எஸ்.அமுதன், “நாம் நம்முடைய இடத்தை எப்போதும் விட்டு விடக்கூடாது. உழைச்சிட்டே இருந்தா தான் நாம் இவங்களோட காலத்துல இருக்க முடியும்” என கிண்டலாக பதிவிட்டுள்ளார். இந்த எக்ஸ் வலைத்தள பதிவு இணையத்தில் வைரலாகியுள்ளது.
தலைப்பு செய்திகள்
ட்ரெண்டிங் செய்திகள்
