Honda Scooters: Dio முதல் Activa 125 வரை.. ஹோண்டா ஸ்கூட்டர்கள் என்னென்ன இருக்குது? விலை, மைலேஜ் எப்படி?

Honda Scooters: ஹோண்டா நிறுவனத்தின் ஸ்கூட்டர்கள் என்னென்ன? என்பதை கீழே காணலாம்.

ஹோண்டா டியோ 125

Source : twitter

Honda Scooters: இந்தியாவின் பிரபலமான இரு சக்கர வாகன தயாரிப்பு நிறுவனம் ஹோண்டா. இவர்களின் இரு சக்கர வாகனங்களுக்கு என்று இந்தியாவில் மிகப்பெரிய வரவேற்பு உள்ளது. இந்தியாவில் தற்போது ஸ்கூட்டர்கள் பயன்படுத்துபவர்களின் எண்ணிக்கை பன்மடங்கு அதிகரித்துள்ளது.

ஹோண்டா நிறுவனத்தின் ஸ்கூட்டர்கள் என்னென்ன? என்பதை கீழே காணலாம்.

1. Honda Dio:

ஹோண்டாவின் மிகவும் புகழ்பெற்ற ஸ்கூட்டர் இந்த Honda Dio.  இதில் இரண்டு வேரியண்ட் உள்ளது. அடிப்படை வேரியண்ட் ரூபாய் 91 ஆயிரத்து 573. டாப் வேரியண்ட் டீலக்ஸ் ரூபாய் 1 லட்சத்து 6 ஆயிரத்து 89 ஆகும். ட்ரம் ப்ரேக் மற்றும் அலாய் சக்கரங்கள் பொருத்தப்பட்டுள்ளது. முதல் வேரியண்டில் ஹாலோஜன் விளக்குகள், இரண்டாவது வேரியண்டில் எல்இடி விளக்குகள் பொருத்தப்பட்டுள்ளது. இதில் 109.51 சிசி எஞ்ஜின் பொருத்தப்பட்டுள்ளது. 5.3 லிட்டர் பெட்ரோல் டேங்கர் உள்ளது.

2. Honda Activa:

ஹோண்டா நிறுவனத்தின் மிகவும் புகழ்பெற்ற ஸ்கூட்டர் இந்த Honda Activa. இதில் 4 வேரியண்ட் உள்ளது. அடிப்படை வேரியண்ட் ரூபாய் 96 ஆயிரத்து 373. டாப் வேரியண்ட் ரூபாய் 1 லட்சத்து 12 ஆயிரத்து 507. முதல் வேரியண்ட் தவிர மற்ற 3 வேரியண்டில் எல்இடி விளக்குகள் பொருத்தப்பட்டுள்ளது. 109.51 சிசி எஞ்ஜின் பொருத்தப்பட்டுள்ளது. 47 கி.மீ்ட்டர் வரை மைலேஜ் அளிக்கிறது. 5.3 லிட்டர் பெட்ரோல் டேங்கர் பொருத்தப்பட்டுள்ளது.

3. Honda Activa 125:

ஹோண்டாவின் வெற்றிகரமான ஸ்கூட்டர் இந்த Honda Activa 125.  110 சிசி ஆக்டிவா சக்கைப் போடு போட்ட நிலையில், 125 சிசி திறன் கொண்ட Honda Activa 125 ஸ்கூட்டரும் மாபெரும் வெற்றி பெற்றுள்ளது. இதில் 3 வேரியண்ட் உள்ளது. முதல் வேரியண்ட் ரூபாய் 1 லட்சத்து 11 ஆயிரத்து 340. டாப் வேரியண்ட் ரூபாய் 1 லட்சத்து 18 ஆயிரத்து 834. ப்ளூடூத், ஜிபிஎஸ் வசதி கொண்ட இந்த ஸ்கூட்டரில் 123.92 சிசி எஞ்ஜின் பொருத்தப்பட்டுள்ளது. 5.3 லிட்டர் பெட்ரோல் டேங்கர் வசதி உள்ளது. 47 கிலோமீட்டர் மைலேஜ் அளிக்கிறது.

4. Honda Dio 125:

ஹோண்டாவின் மிகவும் புகழ்பெற்ற ஸ்கூட்டர் இந்த Honda Dio 125. இதில் 3 வேரியண்ட் பொருத்தப்பட்டுள்ளது. அடிப்படை வேரியண்ட் ரூபாய் 1 லட்சத்து 13 ஆயிரத்து 551. டாப் வேரியண்ட் ரூபாய் 1 லட்சத்து 21 ஆயிரத்து 405 ஆகும். ப்ளூடூத் மற்றும் ஜிபிஎஸ் வசதி உள்ளது. 123.92 சிசி எஞ்ஜின் பொருத்தப்பட்டுள்ளது. 47 கிலோமீட்டர் வரை மைலேஜ் அளிக்கிறது. 5.3 லிட்டர் பெட்ரோல் டேங்கர் வசதி உள்ளது.

ஹோண்டாவின் இந்த 4 ஸ்கூட்டர்களும் இந்திய சந்தையில் மாபெரும் வரவேற்பை பெற்ற ஸ்கூட்டர்கள் ஆகும். பெண்கள், முதியவர்கள், இளைஞர்கள் என அனைத்து தரப்பினரும் பயன்படுத்தும் வகையில் இந்த ஸ்கூட்டர்கள் உள்ளது. இதனால், இந்த ஸ்கூட்டர்களுக்கு இந்திய சந்தையில் தனி வரவேற்பு உள்ளது.