Director Parthiban: இரவின் நிழல் சர்ச்சை.. பொய் சொன்னாரா பார்த்திபன்.. அவரே கொடுத்த விளக்கம் - வீடியோ!

இரவின் நிழல் திரைப்படம் முதல் நான் லீனியர் சிங்கிள் ஷாட் படம் என்பதில் எந்த ஐய்யமும் இல்லை என பார்த்திபன் பேசி இருக்கிறார்.

பார்த்திபன்- ப்ளூ சட்டை மாறன்

இரவின் நிழல் திரைப்படம் முதல் நான் லீனியர் சிங்கிள் ஷாட் படமா இல்லையா என்பது குறித்த சர்ச்சை எழுந்துள்ள நிலையில், அது குறித்து இயக்குநர் பார்த்திபன் விளக்கம் அளித்துள்ளார். 

 

இனிய மாலை வனக்கம் pic.twitter.com/2hLlB3UPl1

— Radhakrishnan Parthiban (@rparthiepan) November 12, 2022

இது குறித்து பார்த்திபன் வெளியிட்டுள்ள பதிவில், “அன்பான ரசிகர்களுக்கு பணிவான வணக்கம். இரவின் நிழல் திரைப்படம் முதல் நான் லீனியர் சிங்கிள் ஷாட் படம் என்பதில் எந்த ஐய்யமும் இல்லை. அந்த பெருமையுடன் மட்டுமே இந்தப்படம் தயாரிக்கப்பட்டது. அந்த பெருமைக்காக மட்டுமே, மிகப்பெரிய பொருட் செலவில், 3 வருடங்களாக என்னை மாதிரி அர்ப்பணிப்புள்ள கலைஞனால் எடுக்கப்பட்ட படம் இது. இந்தப்படம் முதல் முதல் நான் லீனியர் சிங்கிள் ஷாட்  படமா அல்லது இராண்டாவது நான் லீனியர் சிங்கிள் ஷாட் படம் என்பதை தாண்டி, இந்தப்படம் அமேசான் ஓடிடி தளத்தில் இன்று வெளியாகி இருக்கிறது. அனைவரும் படத்தை பாருங்கள். முடிவை உங்களுடைய பார்வைக்கே விட்டு விடுகிறேன்.” என்று பேசியிருக்கிறார். 

தமிழ் சினிமாவில் புதிய முயற்சிகளை மேற்கொள்ளும் இயக்குநர்களில் ஒருவரான பார்த்திபன் எழுதி இயக்கி, நடித்து தயாரித்த படம் இரவின் நிழல். கடந்த ஜூலை 15 ஆம் தேதி வெளியான இப்படத்தில் நடிகைகள் பிரிகிடா, வரலட்சுமி சரத்குமார், நடிகர் ரோபோ சங்கர் உள்ளிட்டோர் முக்கிய கதாபாத்திரத்தில் நடித்திருந்தனர். ஏ.ஆர்.ரஹ்மான் இப்படத்திற்கு இசையமைத்திருந்தார். இரவின் நிழல் படம் தான் உலகிலேயே முதல் “நான்லீனியர் சிங்கிள் ஷாட்” படம் என்ற அடையாளத்துடன் வெளியாகி ரசிகர்களிடையே வரவேற்பை பெற்றது. 

The most Awaited film of the year #IravinNizhal - The world's first non linear single shot movie is now streaming on Amazon prime @PrimeVideoINhttps://t.co/6Y6Mu8uv7h@rparthiepan @arrahman @theVcreations @akiraproductio2 @iravin_nizhal @musiconDhwani @GenauRanjith pic.twitter.com/nlnrxP6pG4

— Nikil Murukan (@onlynikil) November 12, 2022

ஆனால் பிரபல சினிமா விமர்சகர் ப்ளூ சட்டை மாறன் fish and cat என்ற படம் தான் முதல் நான் லீனியர் சிங்கிள் ஷாட் படம் என்றும், இரவின் நிழல் இல்லை என்றும் தெரிவித்து பார்த்திபனை குற்றம்சாட்டினார். இதற்கிடையில் இரவின் நிழல் படம் இன்று ஓடிடியில் வெளியானது. பல முறை இப்படத்தின் ஓடிடி ரிலீஸ் தள்ளிப்போன நிலையில், இன்று காலை தனக்கு கூட தெரிவிக்காமல் அமேசானில் படம் வந்துவிட்டதாக பார்த்திபன் தெரிவித்திருந்தார்.

மகிழ்ச்சியை கூட…
அறிவித்து அனுபவிக்க முடியவில்லை.
அமேசானில் ‘இரவின் நிழல்’ எனக்கேத் தெரியாமல்!
Please
நேரம் ஒதுக்கி முழுமையாய் பாருங்கள்(single shot)
ஆதரவை தர வேண்டுகிறேன்!
நன்றியுடன் pic.twitter.com/aX02ySAJNb

— Radhakrishnan Parthiban (@rparthiepan) November 12, 2022

அதேசமயம் முறையான அறிவிப்போடு வந்திருக்கலாம் என்ற தனது ஆதங்கத்தையும் வீடியோ வாயிலாக அவர் வெளிப்படுத்தியிருந்த நிலையில், அதிலும் கூட உலகின் முதல் நான்லீனியர் சிங்கிள் ஷாட் படம் இரவின் நிழல்தான் என அவர் கூறியிருந்தார்.

ஆனால் அமேசான் ப்ரைம்  தனது தளத்தில் இப்படம் உலகின் 2வது நான்லீனியர் சிங்கிள் ஷாட் படம் என தெரிவித்து இருந்தது. இதனை பார்த்த ரசிகர்கள் அதிர்ச்சியடைந்தனர். 

வாய் வெல்லாது. வாய்மையே வெல்லும்.

Iravin Nizhal is not the first single shot movie. Mentioned in Amazon Prime and IMDB site. pic.twitter.com/396QDgrGmw

— Blue Sattai Maran (@tamiltalkies) November 12, 2022

மேலும் தியேட்டரில் இரவின் நிழல் படத்தின் கதைக்குள் செல்வதற்கு முன் காட்டப்படும் மேக்கிங் காட்சிகள் இடம் பெறவில்லை. இதனை குறிப்பிட்டு பலரும், சமூக வலைத்தளத்தில் பார்த்திபனிடம் கேள்வி எழுப்பும் நிலையில், ப்ளூ சட்டை மாறன் ட்விட்டரில் பதிவு ஒன்றை வெளியிட்டார். அதில், வாய் வெல்லாது. வாய்மையே வெல்லும் என தெரிவித்து அமேசான் தளத்தில் இடம் பெற்ற இரவின் நிழல் படம் குறித்த ஸ்க்ரீன்ஷாட்டுகளை பகிர்ந்துள்ளார். இந்த குற்றச்சாட்டுகளுக்கு பார்த்திபன் என்ன சொல்லப் போகிறார் என அவரது ரசிகர்கள் எதிர்பார்ப்புடன் காத்திருந்த நிலையில், அதற்கான விளக்கம் தற்போது கிடைத்துள்ளது.