Coolie : கூலி படத்தில் பாலிவுட் நடிகர் ஆமீர் கான்...ரஜினி ரசிகர்களுக்கு செம அப்டேட்

லோகேஷ் கனகராஜ் இயக்கத்தில் ரஜினிகாந்த் நடிக்கும் கூலி திரைப்படத்தில் பாலிவுட் நடிகர் ஆமிர் கான் நடிக்க இருப்பதாக தகவல் வெளியாகியுள்ளது

லோகேஷ் கனகராஜ் , கூலி , ரஜினிகாந்த் , ஆமிர் கான் ,

Source : Twitter

வேட்டையன்

ரஜினிகாந்த் நடித்துள்ள வேட்டையன் திரைப்படம் கடந்த அக்டோபர் 10 ஆம் தேதி வெளியானது. ரசிகர்கள் மற்றும் மற்றும் விமர்ச்கர்களிடம் பாசிட்டிவான விமர்சனங்களைப் பெற்றுள்ளது வேட்டையன். வழக்கமாக ரஜினி படத்திற்கு முதல் நாளில் இருக்கு கூட்டம் வேட்டையன் படத்திற்கு இல்லாதது ரசிகர்களிடம் வருத்தமேற்படுத்தியது . ஆனால் படத்திற்கு படத்திற்கு பாசிட்டிவான விமர்சனங்கள் கிடைத்துள்ள நிலையில் அடுத்தடுத்த நாட்களில் கூட்டம் அதிகரித்து வருகிறது. கடந்த ஆண்டு ஜெயிலர் படத்தைப் போலவே வேட்டையன் படம் மிகபெரிய பாக்ஸ் ஆபிஸ் வெற்றிபெறும் என்று எதிர்பார்க்கப் படுகிறது. வேட்டையன் திரைப்படத்தின் வெற்றியை ரஜினி ரசிகர்கள் கொண்டாடி வரும் நிலையில் அவர்களுக்கு மற்றொரு ஸ்பெஷல் அட்பேட் கிடைத்துள்ளது. 

கூலி படத்தில் ஆமீர் கான்

வேட்டையன் படத்தைத் தொடர்ந்து ரஜினி அடுத்தபடியாக நடித்து வரும் படம் கூலி. லோகேஷ் கனகராஜ் இயக்கும் இப்படத்தை சன் பிக்ச்சர்ஸ் தயாரிக்கிறது. நாகர்ஜூனா , சத்யராஜ் , ஸ்ருதி ஹாசன் , உபேந்திரா , செளபின் சாஹிர் உள்ளிட்டவர்கள் இப்படத்தில் நடித்து வருகிறார்கள். அனிருத் இசையமைத்து வருகிறார். இவர்கள் தவிர்த்து இப்படத்தில் பாலிவுட்டின் உச்ச நட்சத்திரமான ஆமீர் கான் நடிக்க இருப்பதாக முன்பே தகவல்கள் வெளியாகி இருந்தன. தற்போது இந்த தகவல் சினிமா வட்டாரங்களில் கிட்டதட்ட உறுதிபடுத்தியுள்ளது. 

#AamirKhan confirmed for a Special appearance in #Coolie🔥
All bright chances for a 1000cr Kollywood film 💯 pic.twitter.com/ggWdyDL02w

— AmuthaBharathi (@CinemaWithAB) October 11, 2024

பாலிவுட்டின் வசூல் மன்னனான ஆமீர் கான் இப்படத்தில் இணைவது படத்தின் மீது தமிழ் ரசிகர்களுக்கு மட்டுமில்லாமல் இந்தி திரைப்பட ரசிகர்கள் மத்தியிலும் எதிர்பார்ப்புகளை அதிகரித்துள்ளது. விரைவில் இதுபற்றி படக்குழு சார்பாக அதிகாரப்பூர்வ அறிவிப்பு வெளியாகும் என எதிர்பார்க்கலாம். இந்த ஆண்டு தமிழில் வெளியான தங்கலான் , தி கோட் ஆகிய படங்கள் 1000 கோடி வசூல் எடுக்கும் என எதிர்பார்க்கப்பட்ட நிலையில் இப்படங்கள் எதிர்பார்த்ததை விட குறைவான வசூலையே எடுத்தன. தற்போது ரசிகரகளின்  1000 கோடி பாக்ஸ் ஆபிஸ் கனவு மொத்தமும் கூலி படத்தால் நினைவாகும் என கூறப்படுகிறது. 

---

மேலும் படிக்க : Keerthy Suresh: நீங்களுமா? கார் ரேஸில் களமிறங்கிய கீர்த்தி சுரேஷ்! டிராக்கில் சீறிப் பாய்ந்து அசத்தல்!