Keerthy Suresh: நீங்களுமா? கார் ரேஸில் களமிறங்கிய கீர்த்தி சுரேஷ்! டிராக்கில் சீறிப் பாய்ந்து அசத்தல்!

பிரபல நடிகை கீர்த்தி சுரேஷ் அபுதாபியில் கார் ரேஸில் ஈடுபட்ட வீடியோ இணையத்தில் வைரலாகி வருகிறது.

கார் ரேஸ் களத்தில் கீர்த்தி சுரேஷ்

Source : twitter

தமிழ் மற்றும் தெலுங்கு திரையுலகின் முன்னணி நடிகையாக உலா வருபவர் நடிகை கீர்த்தி சுரேஷ். இவருக்கு இரண்டு மொழிகளிலும் லட்சக்கணக்கான ரசிகர்கள் உள்ளனர். இவர் நடிப்பில் கடைசியாக ரகு தாத்தா என்ற படம் வெளியானது.

கார் ரேஸ்:

கீர்த்தி சுரேஷ் தற்போது அபுதாபியில் சுற்றுப்பயணம் மேற்கொண்டுள்ளார். உலகின் மிகவும் முக்கியமான நகரங்களில் ஒன்றாக கருதப்படும் அபுதாபியில் விளையாட்டு, பொழுதுபோக்கு என பல தரப்பட்ட அம்சங்களும் உள்ளது.

கீர்த்தி சுரேஷ் அங்குள்ள கார் ரேஸ் ஒன்றில் பங்கேற்றுள்ளார். கார் பந்தயத்திற்கான அதிகாரப்பூர்வ ரேஸ் நடக்கும் பந்தய டிராக்கில் மற்ற கார் ரேஸ் வீரர்களுடன் அவரும் கார் ரேஸில் ஈடுபட்டுள்ளார். இது பயிற்சியா? போட்டியா? என்பது குறித்து தெரியவில்லை.

Creating forever memories with incredible experiences, epic luxury and sensory wonders in this captivating city - #InAbuDhabi 😻@VisitAbuDhabi pic.twitter.com/cLCL7CRyh4

— Keerthy Suresh (@KeerthyOfficial) October 11, 2024

துபாயில் உலா வரும் கீர்த்தி சுரேஷ்:

கார் ரேஸ் வீரர்களுடன் அமர்ந்து நிபுணரின் அறிவுரையை கேட்பது, பின்னர் கார் பந்தயத்திற்கு தயாரவது, பின்னர் ரேஸ் கார் ஓட்டியது, கார் பந்தய வீராங்கனைக்கான உடையுடன் நடந்து வருவது போன்ற காட்சிகளுடன் கீர்த்தி சுரேஷ் இந்த வீடியோவை பகிர்ந்துள்ளார். பின்னர், துபாயில் உள்ள மிகப்பெரிய வணிக வளாகத்தில் உலா வந்ததையும் வீடியோவாக பதிவிட்டுள்ளார்.

கீர்த்தி சுரேஷின் இந்த வீடியோ தற்போது இணையத்தில் வைரலாகி வருகிறது. ரஜினி, விஜய், விக்ரம், தனுஷ், சிவகார்த்திகேயன், விஷால் ஆகியோருடன் நடித்துள்ள இவர் தற்போது ரிவால்வர் ரீட்டா மற்றும் கன்னிவெடி என்ற படத்தில் நடித்து வருகிறார். தமிழில் கடைசியாக நேரடிப் படமாக ஜெயம் ரவியுடன் இணைந்து சைரன் படத்தில் நடித்துள்ளார். மேலும், இந்தியில் பேபி ஜான் என்ற படத்திலும் நடித்து பாலிவுட்டில் நடிக்க உள்ளார்.

தமிழ் திரையுலகில் ஏற்கனவே நடிகர் அஜித் கார் மற்றும் பைக் ரேஸில் திறமையான வீரராக உலா வருகிறார். நடிகர் ஜெய், நடிகை நிவேதா பெத்துராஜ் இருவரும் கார் ரேஸில் பங்கேற்று வருகிறார்கள். தற்போது இந்த பட்டியலில் கீர்த்தி சுரேஷூம் இணைந்துள்ளார்.