Bigg Boss Shanthi: ‛மைனா வந்த பின் பிக்பாஸ் வீட்டில் குரூப் உருவாகிடுச்சு...’ வெளியேறிய சாந்தி ஓபன் டாக்!

ஏராளமான நெருங்கிய நண்பர்கள் இருக்கையில் அங்கு உண்மையான விளையாட்டு என்பது இருக்காது. நண்பர்களுக்காக ஒரு சாஃப்ட் கார்னர் இருக்கும் இடத்தில் உண்மையான போட்டிக்கான வாய்ப்பு சற்று குறைவாகவே இருக்கும்.

சாந்தி - மைனா நந்தினி

விஜய் டிவியின் பிரபலமான ரியாலிட்டி ஷோ பிக் பாஸ் சீசன் 6 மிகவும் பரபரப்பாக நடைபெற்று வருகிறது. இந்த நிகழ்ச்சியில் ஒவ்வொரு வாரமும் ஒரு போட்டியாளர் எலிமினேட் செய்யப்படுவார். அந்த வகையில் இரண்டாவது வாரமான கடந்த ஞாயிற்றுக்கிழமை டான்ஸ் மாஸ்டர் சாந்தி மற்ற நாமினேட்டட் போட்டியாளர்களை விடவும் குறைந்த வாக்கு எண்ணிக்கையால் பிக் பாஸ் வீட்டில் இருந்து எலிமினேட் செய்யப்பட்டார். நெட்டிசன்களின் யூகம் படி முதலில் எலிமினேட் செய்யப்பட்டது வயதில் மூத்த போட்டியாளர் தான் என்ற ஃபார்முலா இந்த சீசனிலும் ஒர்க் அவுட் ஆகிவிட்டது. 

சாந்தி பேட்டி :

பிக் பாஸ் வீட்டில் இருந்து முதலில் எலிமினேஷன் செய்யப்பட்ட டான்ஸ் மாஸ்டர் சாந்தி வீட்டில் இருந்து வெளியேறிய உடன் ஒரு நேர்காணலின் போது வீட்டினுள் நடக்கும் சில ஸ்வாரஸ்யமான விஷயங்களை பகிர்ந்துள்ளார். குறிப்பாக விஜய் டிவி ஸ்டார் மைனா நந்தினியின் என்ட்ரி குறித்து அவர் கூறிய சில விஷயங்கள் பிக் பாஸ் ரசிகர்களை சற்று யோசிக்க வைத்துள்ளது. 

 

மைனா குரூப் :

சாந்தி கூறுகையில் "மைனா இந்த பிக் பாஸ் சீசனில் ஒரு போட்டியாளர் என்ற தகவல் ஏற்கனவே எனக்கு தெரியும். வீட்டிற்குள் சென்ற போது அவர் இல்லை. ஆனால் அவர் என்ட்ரியாவார் என்று எதிர்பார்த்தேன். மைனாவின் என்ட்ரி சற்று வித்தியாசமாகவே தோன்றியது. ஏனென்றால் அவருக்கு வீட்டினுள் இருந்த போட்டியாளர்கள் பல பேர் ஏற்கனவே நெருங்கிய நண்பர்கள். அவர்கள் அனைவரும் மாமா, மச்சான்ஸ் என்று தான் ஒருவரை ஒருவர் அழைத்து கொள்கிறார்கள். ஏராளமான நெருங்கிய நண்பர்கள் இருக்கையில் அங்கு உண்மையான விளையாட்டு என்பது இருக்காது. நண்பர்களுக்காக ஒரு சாஃப்ட் கார்னர் இருக்கத் தானே செய்யும். அப்படி இருக்கும் இடத்தில் உண்மையான போட்டிக்கான வாய்ப்பு சற்று குறைவாகவே இருக்கும். அஜீம், மணி, ரக்ஷிதா, அமுதவாணன் என ஒரு குரூப் ஃபார்ம் ஆகி விட்டது" என்றார் சாந்தி. 

குட்டிஸ் குரூப் :

மேலும் அவர் கூறுகையில் "இவர்கள் அனைவரும் ஒரு குரூப் என்றால், குட்டிஸ் பட்டாளம் ஒரு தனி குரூப். ஷெரின், குயின்சி, அசல், நிவா இப்படி அவர்கள் அனைவரும் ஒரு குரூப்பாக இருக்க தனலட்சுமி, ஆயிஷா இருவரும் ஒரு தனி செட் என ஒரு குரூப்பிஸம் உருவாகி விட்டது பிக் பாஸ் வீட்டிற்குள்" என்றார் சாந்தி.

ஏஜ் ஃபேக்டர் ஒரு காரணமா ?

சாந்தி பிக் பாஸ் வீட்டில் இருந்து வெளியேற காரணமாக கூறப்பட்டது ஏஜ் ஃபேக்டர். இது குறித்த கேள்விக்கு நச் என்ற ஒரு பதிலை கூறினார் சாந்தி. "வயது வெறும் நம்பர் தான். நான், ஜி.பி. முத்து அண்ணா வயசானவங்க என்றாலும் இதுவரையில் ஒரு தடவை கூட டாக்டர் கிட்ட போனதில்லை. ஆனால் இந்த குட்டிஸ் எல்லாம் தினமும் டாக்டரிடம் போனார்கள். தலைவலி, சளி, காய்ச்சல், இருமல் என ஏதாவது ஒரு காரணம் சொல்லி செல்வார்கள். நான் ஒரு நாள் முழுக்க நிக்க சொன்ன கூட நின்னுக்கிட்டே வேலை செய்வேன். எனக்கு டிஸ்க் பிரச்சனை இருக்கும் இருந்தாலும் கிச்சனில் முழு நேரமும் நின்னுக்கிட்டே தான் வேலை செய்தேன். நான் ஒரு முறை கூட கால் வலிக்குது டாக்டர் கிட்ட போகணும் என்று சொன்னதே இல்லை. இப்ப சொல்லுங்க யாரு வயசானவங்க. அதை ஒரு குறையா சொல்வது நியாயமில்லை. மீண்டும் வைல்ட் கார்டு என்ட்ரியாக பிக் பாஸ் வீட்டிற்குள் நுழைய வாய்ப்பு கிடைத்தால் நிச்சயம் சென்று சிறப்பாக விளையாடுவேன்" என்றார் சாந்தி.