Mahindra Discount: ரூ.4 லட்சம் வரை தள்ளுபடி..! தூக்கி கொடுத்த மஹிந்த்ரா - எந்தெந்த SUV, EVக்கு எவ்வளவு ஆஃபர்?

Mahindra Discount March 2026: மஹிந்த்ரா நிறுவனத்தின் கார் மாடல்களுக்கு மார்ச் மாத இறுதி வரையில் 4 லட்சம் ரூபாய் வரையில் சலுகை மற்றும் தள்ளுபடிகள் அறிவிக்கப்பட்டுள்ளன.

மஹிந்த்ரா கார்களுக்கு தள்ளுபடி அறிவிப்பு

Source : ABP LIVE

Show Quick Read

Key points generated by AI, verified by newsroom

Mahindra Discount March 2026: மஹிந்த்ரா நிறுவனத்தின் எந்தெந்த எஸ்யுவிக்களுக்கு எவ்வளவு சலுகைகள் மார்ச் மாதத்தில் வழங்கப்படுகின்றன என கீழே விவரிக்கப்பட்டுள்ளது.

ரூ.4 லட்சத்திற்கு சலுகைகள்:

நடப்பு நிதியாண்டு முடிவடைய இன்னும் ஒரு சில வாரங்களே உள்ள நிலையில், கார் உற்பத்தி நிறுவனங்கள் விற்பனையை அதிகரிக்க அதிரடியான சலுகைகளை அறிவித்து வருகின்றன. அந்த வகையில் மஹிந்த்ரா நிறுவனமும் தனது போர்ட்ஃபோலியோவில் உள்ள பல எஸ்யுவிக்கள் மீது, வாடிக்கையாளர்களை கவரும் விதமான சலுகை மற்றும் தள்ளுபடி திட்டங்களை வெளியிட்டுள்ளது. அதன்படி, மாடல் மற்றும் வேரியண்ட் அடிப்படையில் ப்ராண்டின் மாடல்கள் மீது அதிகபட்சமாக ரூ.4 லட்சம் வரையில், மார்ச் மாதத்தில் பயனர்கள் சேமிக்கலாம்.

எந்த கார்களுக்கு அதிக சலுகைகள்?

பெரும்பாலான சலுகைகளானது 2025ம் ஆண்டில் உற்பத்தி செய்யப்பட்ட கார் மாடல்களுக்கு முன்னுரிமையுடன் வழங்கப்பட்டுள்ளன. கையிருப்பில் உள்ள பழைய யூனிட்களை புதிய நிதியாண்டு தொடங்குவதற்குள் விற்று தீர்க்கும் வகையில் இந்த நடவடிக்கை எடுக்கப்பட்டுள்ளது. அதேநேரம், 2026ம் ஆண்டில் உற்பத்தி செய்யப்பட்ட கார் மாடல்களுக்கு மிதமான சலுகைகள் மட்டுமே வழங்கப்படுகின்றன. பெரும்பாலும் அக்செசரீஸ்கள் மட்டும் எக்சேஞ்ச் இன்செண்டீவ்ஸ்களாகவே உள்ளன. ஒட்டுமொத்தத்தில் சற்றே பழைய மஹிந்த்ரா கார்களை வாங்க விருபும் நபர்கள், மார்ச் மாதத்தில் பெரிய பலனை ஈட்டலாம்.

எந்த கார் மாடலுக்கு எவ்வளவு சலுகை, தள்ளுபடி?

மிதமான சலுகைகளை பெறும் மாடல்களில் ப்ராண்டின் பிரபலமான காரான பொலேரோ இடம்பெற்றுள்ளது. இதன் B4, B6 மற்றும் B8 வேரியண்ட்கள் தலா 10 ஆயிரம் ரூபாய் பணத்தள்ளுபடி மற்றும் 10 ஆயிரம் ரூபாய் மதிப்பிலான அக்செசரீஸ்களை பெறுகின்றன. அதேநேரம், B6 ஆப்ஷனல் வேரியண்டானது 20 ஆயிரம் ரூபாய் பண தள்ளுபடியுடன் அக்செசரிஸ் சலுகைகள் உடன் 30 ஆயிரம் ரூபாய் மதிப்பிலான பலன்களை பெறுகிறது.

மிகவும் மாடர்னானா மஹிந்த்ராவின் பொலேரோ நியோ மாடலானது, குறிப்பிட்ட ட்ரிம்கள் மீது 30 ஆயிரம் ரூபாய் வரையிலான பலன்களை பெறுகிறது. N8 வேரியண்டானது 20 ஆயிரம் ரூபாய் பணத்தள்ளுபடி உடன் 10 ஆயிரம் ரூபாய் மதிப்பிலான அக்செசரீஸ்களை இலவசமாக பெற வழிவகை செய்கிறது. அதேநேரம், N4, N10 மற்றும் N11 ஆகிய மாடல்கள் இலவச அக்செசரீஸ்கள் மற்றும் குறைந்த அளவிலான பணத்தள்ளுபடிகளை மட்டுமே பெறுகின்றன.

லட்சங்களில் எந்த கார்களுக்கு சலுகை?

ப்ராண்டின் உயர்ரக மாடல்களை நோக்கி நகர்ந்தால், மஹிந்த்ராவின் ஸ்கார்ப்பியோ க்ளாசிக்  மாடலானது கணிசமான சலுகைகளை பெறுகிறது. க்ளாசிக் எஸ் வேரியண்டிற்கு 85 ஆயிரம் பணத்தள்ளுபடி மற்றும் 40 ஆயிரம் மதிப்பிலான அக்செசரீஸ்கள் என மொத்தம் 1.25 லட்சம் ரூபாய் சேமிப்பு ஆப்ஷன் வழங்கப்படுகிறது. இந்த மாடலின் எஸ்11 வேரியண்டானது ஒரு லட்ச ரூபாய் மதிப்பிலான சலுகைகளை கொண்டுள்ளது.

காம்பேக்ட் எஸ்யுவி பிரிவில் XUV 3X0 கார் மாடலின் டாப் வேரியண்டான AX7L TGDI, 55 ஆயிரம் பணத்தள்ளுபடி மற்றும் 25 ஆயிரம் அக்செசரீஸ் பேக்கேஜ் என மொத்தம் 80 ஆயிரம் ரூபாய் மதிப்பிலான தள்ளுபடிகளை பெற்றுள்ளது. மிட்ஸ்பெக் வேரியண்ட்களான MX2, MX3, AX7 ஆகிய மாடல்களுக்கு மிதமான சலுகைகளை கொண்டுள்ளது.

மாடல்	வேரியண்ட் (அதிகபட்ச தள்ளுபடி)	பண தள்ளுபடி	மொத்த பலம்கள்
XUV 400 ப்ரோ	EL ப்ரோ	ரூ. 4,00,000	ரூ. 4,00,000
எக்ஸ்யூவி 700	AX5 / AX5 செலக்ட்	ரூ. 1,70,000	ரூ. 2,00,000
ஸ்கார்பியோ க்ளாசிக்	க்ளாசிக் எஸ்	ரூ. 85,000	ரூ. 1,25,000
XUV 3XO	AX7L TGDI	ரூ. 55,000	ரூ. 80,000
பொலேரோ	B6 ஆப்ஷனல்	ரூ. 20,000	ரூ. 30,000
பொலிரோ நியோ	N8	ரூ. 20,000	ரூ. 30,000

ரூ.4 லட்சம் எந்த காருக்கு?

மார்ச் மாதத்தில் மஹிந்த்ராவின் அதிகபட்ச சலுகையானது XUV 400 ப்ரோ மாடலுக்கு வழங்கப்பட்டுள்ளது. EL Pro வேரியண்டானது 4 லட்சம் ரூபாய் மதிப்பிலான பலன்களை பெற்று, தற்போதைய சூழலில் அதிக தள்ளுபடியில் விற்பனை செய்யப்படும் மின்சார காராக உள்ளது. EC ப்ரோ வேரியண்டானது ரூ.1.25 லட்சம் மதிப்பிலான சலுகை மற்றும் தள்ளுபடிகளை கொண்டுள்ளது. இறுதியாக XUV 700 மாடலின் குறிப்பிட்ட வேரியண்ட்கள் மீது 2 லட்சம் ரூபாய் வரையில் மஹிந்த்ரா நிறுவனம் சலுகைகளை அறிவித்துள்ளது.