மேலும் அறிய

Ayyappanum Koshiyum: தமிழில் சூரரைப்போற்று.. மலையாளத்தில் ’அய்யப்பனும் கோஷியும்’: அவார்டுகளை அள்ளிய மாஸ் ஹிட்ஸ்

68-ஆவது தேசிய விருதுகள் வழங்கும் விழாவில், அய்யப்பனும் கோஷியும், மாலிக் உள்ளிட்ட படங்கள் மொத்தம் 6 விருதுகளை மலையாளத் திரையுலகம் குவித்துள்ளது.

Written By : கீர்த்தனா | Updated at : 22 Jul 2022 07:50 PM (IST)

அய்யப்பனும் கோஷியும்

இந்திய சினிமாவின் 68ஆவது தேசிய விருதுகள் வழங்கும் விழா இன்று நடைபெற்ற நிலையில், தமிழ் சினிமாவில் சூரரைப் போற்று விருதுகளை வாரிக் குவித்தது போல் மலையாளத்தில் அய்யப்பனும் கோஷியும் 4 விருதுகளை வென்று கவனம் ஈர்த்துள்ளது.

விருதுவென்ற மலையாளப் படங்கள்

தேசிய விருதுகள் பட்டியலில் மலையாள சினிமாவின் ஆதிக்கம் தவிர்க்க முடியாத ஒன்று. சிறந்த கதையம்சம் கொண்ட மலையாள சினிமாக்கள் பல ஆண்டுகளாகவே தேசிய விருதுகள் வெற்றிப் பட்டியலில் தொடர்ந்து கோலோச்சி வருகின்றன.

அய்யப்பனும் கோஷியும்

Ayyappanum Koshiyum: தமிழில் சூரரைப்போற்று.. மலையாளத்தில் ’அய்யப்பனும் கோஷியும்’: அவார்டுகளை அள்ளிய மாஸ் ஹிட்ஸ்

அந்த வகையில் 68ஆவது தேசிய விருதுகள் வழங்கும் விழாவில், 'அய்யப்பனும் கோஷியும்’, ’மாலிக்’ உள்ளிட்ட படங்கள் மொத்தம் ஆறு விருதுகளைக் குவித்துள்ளன.

மலையாளத்தில் பிஜு மேனன், பிரித்விராஜ் ஆகியோர் நடிப்பில் 2020ஆம் ஆண்டு வெளியாகி பெரும் வெற்றி பெற்ற திரைப்படம் ’அய்யப்பனும் கோஷியும்’.

பிஜு மேனன் அய்யப்பன் என்னும் கதாபாத்திரத்திலும், ப்ரித்விராஜ் கோஷி என்னும் கதாபாத்திரத்திலும் நடிக்க இவர்களது ஈகோ மோதல்கள் மிக யதார்த்தமாக திரையில் படமாக்கப்பட்டிருக்கும்.

மொத்தம் 6 விருதுகள்

வெளியானது முதலே இப்படம் பெரும் கவனத்தை ஈர்த்து விமர்சனரீதியாக பெரும் வெற்றிபெற்ற நிலையில், தெலுங்கு, இந்தி மொழிகளில் படம் ரீமேக் செய்யப்பட்டுள்ளது.

இந்நிலையில் இன்று அறிவிக்கப்பட்ட 68ஆவது தேசிய விருதுகள் வழங்கும் விழாவில்
சிறந்த இயக்குநர் - சாச்சி
சிறந்த துணை நடிகர் - பிஜூ மேனன், சிறந்த பின்னணிப் பாடகி - நஞ்சம்மா,
சிறந்த சண்டைக் காட்சி ஆகிய விருதுகளை வென்றுள்ளது.