Anand Mahindra: குடியரசுத் தலைவராக பதவியேற்றுள்ள திரௌபதி முர்முவுக்கு ஆனந்த் மகிந்திரா வாழ்த்து

Anand Mahindra: குடியரசுத் தலைவராக பதவியேற்றுள்ள திரௌபதி முர்முவுக்கு ஆனந்த் மகிந்திரா வாழ்த்து தெரிவித்துள்ளார்.

ஆனந்த் மகிந்திரா

நாட்டின் உச்சபட்ச அரசியலமைப்பு பதவியான குடியரசு தலைவராக திரௌபதி முர்மு ( Draupadi Murmu) இன்று பதவியேற்று கொண்டார். 

மகிந்திரா அண்ட் மகிந்திரா நிறுவன தலைவர் ஆனந்த மகிந்திரா (Anand Mahindra) சமூக வலைதளங்களில் ரொம்பவே ஆக்டிவாக இருப்பவர். பல தன்னம்பிக்கை வீடியோக்கள், முக்கியத்துவம் வாய்ந்தவைகளை பாராட்டி பகிர்வது வழக்கமானது. அந்தவகையில், தற்போது, பதவியேற்றுள்ள திரௌபதி முர்முக்கு தனது வாழ்த்துகளை தெரிவித்துள்ளார்.

ஆனந்த் மகிந்திரா தனது டிவிட்டர் பக்கத்தில் #MondayMotivation  என்று குறிப்பிட்டு, இதற்காக நீங்கள் எங்கும் தேட வேண்டிய அவசியமில்லை என்று எழுதியுள்ளார். அளவில்லா துணிச்சலுடன், தனது பணியை செய்ய பொறுப்பேற்றுகிறார். அவருக்குள் இருந்த தன்னம்பிக்கையும் தைரியமும், அவரை எல்லா தடைகளையும் கடந்து வாழ்க்கையில் முன்னேற செய்திருக்கிறது. அவருக்கு என் செவ்வணக்கம். நாடு பெருமை கொள்ளும் தருணம் இது” என்று குறிப்பிட்டுள்ளார். 

Look no further for your #MondayMotivation Above all else, she is a person of extraordinary courage and a commitment to serve. Her inner strength has enabled her to withstand all the challenges life has thrown at her. I join in saluting her. A moment of intense pride for India. https://t.co/I2wKB24kph

— anand mahindra (@anandmahindra) July 25, 2022

 

திரௌபதி முர்முவுக்கு வழக்கமாக 21 துப்பாக்கி குண்டுகள் முழங்கப்பட்டது. இந்திய தலைமை நீதிபதி என்.வி. ரமணா, அவருக்கு பதவி  பிரமாணம் செய்து வைத்தார்.

• குடியரசு தலைவராக தேர்ந்தெடுக்கப்பட்டுள்ள திரௌபதி முர்முவுக்கு இந்திய தலைமை நீதிபதி என்.வி. ரமணா பதவி பிரமாணம் செய்து வைத்துள்ளார். நாடாளுமன்றத்தில் நடைபெற்ற இந்த நிகழ்ச்சியில், துணை குடியரசு தலைவராக பதவி காலம் முடிவடையவுள்ள வெங்கையா நாயுடு, பிரதமர் மோடி, காங்கிரஸ் தலைவர் சோனியா காந்தி உள்ளிட்டோர் கலந்து கொண்டனர்.
• இவர்களை தவிர, முர்முவின் சொந்த மாநிலமான ஒடிசாவின் முதலமைச்சர் நவீன் பட்நாயக், மக்களவை சபாநாயகர் ஓம் பிர்லா, அனைத்து கட்சிகளை சேர்ந்து எம்பிக்கள் ஆகியோரும் பதவியேற்பு விழாவில் கலந்து கொண்டனர்.
• பதவியேற்புக்கு முன்பாக, திரௌபதி முர்மு, அண்ணல் காந்தியடிகளின் நினைவிடமான ராஜ்காட்டிற்கு சென்று தேசபிதாகவுக்கு மரியாதை செலுத்தினார். பின்னர், பதவிகாலம் முடிவடைய உள்ள குடியரசு தலைவர் ராம்நாத் கோவிந்த், முதல் பெண்மணி சவிதா கோவிந்த் ஆகியோரை சந்தித்து பேசினார். இதையடுத்து, குடியரசு தலைவராக தேர்வு செய்யப்பட்ட திரௌபதி முர்முவும் குடியரசு தலைவர் ராம்நாத் கோவிந்தும் பதவியேற்பு விழா நடைபெறவுள்ள நாடாளுமன்ற வளாகத்திற்கு சென்றனர்.
• முன்னதாக, ஞாயிற்றுக்கிழமையன்று, திரௌபதி முர்மு, வெங்கையா நாயுடு, பிரதமர் மோடி, மத்திய அமைச்சர்களுக்கு குடியரசு தலைவர் மாளிகையில் ராம்நாத் கோவிந்த் விருந்தளித்தார். 
• 64 வயதான திரெளபதி முர்மு, வியாழன் அன்று, எதிர்க்கட்சி குடியரசு தலைவர் வேட்பாளர் யஷ்வந்த் சின்ஹாவை தோற்கடித்து வரலாறு படைத்தார். முதல் பழங்குடியினராகவும், நாட்டின் உச்சபட்ச அரசியலமைப்பு பதவியை வகிக்கும் இரண்டாவது பெண்மணி என்ற பெறுமையையும் பெற்றுள்ளார்.
• முர்முவின் சொந்த ஊரான ஒடிசாவின் ராய்ராங்பூர் வியாழக்கிழமை முதல் திருவிழா கோலம் பூண்டது. அவரது பதவியேற்பு விழாவைக் கொண்டாட அவரது கிராமத்தில் உள்ள மக்கள் பல்வேறு நிகழ்ச்சிகளை ஏற்பாடு செய்துள்ளனர்.
• 2015 ஆம் ஆண்டு ஜார்க்கண்ட் ஆளுநராக பதவியேற்ற முதல் பெண் என்ற பெறுமையும் முர்முவையே சாரும்.
• ஒடிசாவிலிருந்து இரண்டு முறை பாஜக எம்எல்ஏவாக தேர்ந்தெடுக்கப்பட்ட முர்மு, பிஜு ஜனதா தளம், பாஜக ஆதரவுடன் மாநிலத்தில் ஆட்சி செய்தபோது நவீன் பட்நாயக் அமைச்சரவையில் அமைச்சராக பொறுப்பு விகித்தார்.
• ஒடிசா அரசில் போக்குவரத்து, வணிகம், மீன்வளம் மற்றும் கால்நடை வளர்ப்பு போன்ற அமைச்சகங்களை கையாண்ட பல்வேறு நிர்வாக அனுபவத்தை கொண்டவர் முர்மு.
• கவுன்சிலராக தனது அரசியல் வாழ்க்கையைத் தொடங்கிய முர்மு, பின்னர் ராய்ரங்பூர் தேசிய ஆலோசனைக் குழுவின் துணைத் தலைவரானார்.