உங்க சகோதரனிடம் சொல்லுங்கள்..ரசிகர்களின் கோரிக்கைக்கு கடுமையாக பதிலளித்த அஜித் அண்ணன்
நடிகர் அஜித் குமாரின் சகோதரரான அனில் குமாரின் சமூக வலைதள பதிவுகளில் அஜித் ரசிகர்கள் தொடர்ச்சியாக கமெண்ட் செய்து வரும் நிலையில் ரசிகர்களுக்கு அவர் கடுமையாக பதிலளித்துள்ளார்
நடிகர் அஜித் குமாரின் சகோதரர் அனில் குமாரின் சமூக வலைதள பக்கம் அஜித் ரசிகர்களிடையே கவனமீர்த்துள்ளது. அனில் குமாரின் பதிவுகளில் ரசிகர்கள் தொடர்ச்சியாக கமெண்ட் செய்து வரும் நிலையில் ரசிகர் ஒருவர் கமெண்டிற்கு அனில் குமார் கடுமையாக பதிலளித்துள்ளது வரைலாகி வருகிறது.
நடிகர் அஜித் குமாரின் 64 ஆவது திரைப்படம் வரும் பிப்ரவரி மாதம் தொடங்க இருக்கிறது. படத்தை இயக்கவிருக்கும் ஆதிக் ரவிச்சந்திரன் இந்த தகவலை அண்மையில் உறுதிப்படுத்தினார். கடந்த ஜனவரி 23 ஆம் தேதி அஜித்தின் மங்காத்தா திரைப்படம் ரீரிலீஸ் ஆகி ரசிகர்களிடம் பெரிய வரவேற்பைப் பெற்று வசூலை குவித்தது. அண்மையில் அஜித் கேம்பா குளிர்பான விளம்பரத்தில் நடித்தது பெரியளவில் பேசுபொருளானது. ஒருதரப்பு ரசிகர்கள் அஜித்தின் நடவடிக்கையை விமர்சித்தாலும் மற்றொரு தரப்பினர் அவருக்கு ஆதரவும் தெரிவித்தனர்.
தனது குடும்பம் மற்றும் உறவினர்களை ஊடக கவனத்தில் இருந்து விலக்கியே வைத்துள்ளார் அஜித் குமார். ஆனாலும் ரசிகர்கள் அஜித்தின் சகோதரரான அனில் குமாரின் சமூக வலைதள பக்கத்தை கண்டுபிடித்துள்ளார்கள். கண்டுபிடித்தது மட்டுமில்லாமல் அவரது பதிவுகளில் கமெண்ட் செய்தும் வருகிறார்கள். அப்படி ரசிகர் ஒருவரின் கோரிக்கைக்கு அஜித்தின் அண்ணன் அனில் குமார் கடுமையாக பதிலளித்துள்ளது சமூக வலைதளத்தில் வைரலாகி வருகிறது
அஜித் ரசிகர்கரிடம் கோபப்பட்ட அனில் குமார்
அஜித்தின் அண்ணன் அனில் குமாரின் இன்ஸ்டாகிராம் பதிவு ஒன்றில் ரசிகர் ஒருவர் " தயவு செய்து இனிமேல் சிறுத்தை சிவா படத்தில் நடிக்க வேண்டாம் என்று உங்கள் தம்பியிடம் சொல்லுங்கள்" என கமெண்ட் செய்துள்ளார். இதற்கு அஜித்தின் அண்ணன் " ஓ அப்படியா இத்துடன் சேர்த்து நீங்கள் பிரெஞ்சு பிரைஸ் ஆர்டர் செய்ய விரும்புகிறீர்களா. சினிமாவின் மீதும் , ஸ்போர்ட்ஸ் மீதும் ரசிகர்கள் வைத்திருக்கும் ஆர்வத்தை நான் மதிக்கிறேன். ஆனால் எப்படி என் முடிவுகளில் என் சகோதரன் தலையிட மாட்டாரோ அதே போல் அவரது முடிவுகளில் நான் தலையிட முடியாது" என்று அவர் பதிலளித்துள்ளார்.
— Saul Goodman🥃 (@Sopranos432) January 29, 2026
தலைப்பு செய்திகள்
ட்ரெண்டிங் செய்திகள்
