Actress Ramba: யாழ்ப்பாணம் கோயிலில் குடும்பத்தினருடன் தரிசனம் செய்த ரம்பா.. ஆனால் இலங்கை சென்ற காரணமே வேறு..!
பிரபல நடிகை ரம்பா யாழ்ப்பாணத்தில் உள்ள கோயிலில் வழிபாடு நடத்திய புகைப்படங்கள் இணையத்தில் வைரலாகி வருகிறது.
பிரபல நடிகை ரம்பா யாழ்ப்பாணத்தில் உள்ள கோயிலில் வழிபாடு நடத்திய புகைப்படங்கள் இணையத்தில் வைரலாகி வருகிறது.
தமிழ் சினிமாவில் தனக்கென இடம் பிடித்த நடிகைகளில் ஒருவர் ரம்பா. 1993 ஆம் ஆண்டு தமிழில் பிரபு நடித்த உழவன் படத்தின் மூலம் நடிகையாக அறிமுகமான அவர் ரஜினி,விஜய், அஜித், பிரபுதேவா, சரத்குமார், சத்யராஜ்,அர்ஜூன், கார்த்திக் என அந்த காலக்கட்டத்தில் முன்னணி நடிகர்களாக இருந்த அனைவரது படங்களிலும் ஹீரோயினாக நடித்தார்.
தமிழ் மட்டுமல்லாது மலையாளம், தெலுங்கு, கன்னடம், இந்தி, பெங்காலி, ஆங்கிலம், போஜ்பூரி என பல மொழி படங்களிலும் ரம்பா நடித்துள்ளார். இவர் 2010 ஆம் ஆண்டு இலங்கையைச் சேர்ந்த கனடா வாழ் தொழிலதிபரான இந்திர குமார் பத்மநாதனை திருமணம் செய்து கொண்டார். இந்த தம்பதியினருக்கு 2 பெண் குழந்தைகளும், ஒரு மகனும் உள்ளனர். திருமணத்துக்குப் பின் ரம்பா படங்களில் நடிப்பதை நிறுத்திக் கொண்டார்.
அவ்வப்போது சின்னத்திரை நிகழ்ச்சிகளில் நடுவராக பங்கேற்று வந்தார். கடைசியாக 2017 ஆம் ஆண்டு விஜய் டிவியில் ஒளிபரப்பான kings of comedy juniors என்ற நிகழ்ச்சியில் நடுவராக இருந்தார். நடிப்பதை நிறுத்தி விட்டாலும் ரம்பா மீதான கிரேஸ் என்பது இன்னும் குறையவில்லை. அவரும் சமூக வலைத்தளங்களில் மிகவும் ஆக்டிவ் ஆக இருப்பார். அவ்வப்போது குடும்பத்தினருடன் இருக்கும் புகைப்படத்தை வெளியிட்டு ரசிகர்களை மகிழ்ச்சியில் ஆழ்த்துவார்.
இந்நிலையில் ரம்பா யாழ்ப்பாணத்தில் உள்ள கோயிலில் வழிபாடு நடத்திய புகைப்படங்கள் இணையத்தில் வைரலாகி வருகிறது. யாழ்ப்பாணத்தில் தென்னிந்திய பிரபல பாடகர் ஹரிஹரன் அவர்கள் உள்ளிட்ட குழுவினரின் இசை நிகழ்ச்சியை தொகுத்து வழங்குவதற்காக ரம்பா இலங்கைக்கு சென்றுள்ளார். அவரின் கணவர் இலங்கையை சேர்ந்தவர் என்பதால் குடும்பத்தினருடன் அவர் வருகை தந்துள்ளார். தொடர்ந்து நேற்றைய தினம் யாழ்ப்பாணம் - மானிப்பாய் மருதடி விநாயகர் ஆலயத்திற்கு குடும்பத்தினருடன் ரம்பா வருகை தந்தார் என்பது குறிப்பிடத்தக்கது.
தலைப்பு செய்திகள்
ட்ரெண்டிங் செய்திகள்
